Apokalіpsіs 6:1 - Ени Бааланты

¹ Сора гӧрдӱм, ани Кузу ачты еди мӱхӱрӱн бирисини, да ишиттим йаратыкларын бирисини, ани деди гӧк гӱрӱлтӱсӱ гиби бир сеслӓн: «Гел /да бак/!»

Enі Baalantı

¹ Sora gördüm, ani Kuzu açtı edi mühürün birisini, da işittim yaratıkların birisini, ani dedi gök gürültüsü gibi bir seslän: «Gel /da bak/!»

Apokalіpsіs 6:1 ပူးပေါင်းရင်းမြစ်များ

İoan 1:29

Ертеси гӱнӱ гӧрер Иоан Иисусу, гелерӓк она доору, да деер: «Тӓ, Аллахын Кузусу, Ангысы алэр дӱннейин гӱнахыны!

Yaptıklar 4:20

Биз йок ниӂӓ сӧлӓмейелим, не гӧрдӱк хем не ишиттик».

Apokalіpsіs 11:19

Аллахын гӧктеки Айоз бинасы ачылды, да Онун Бааланты Сандыы Айоз бинасында гӧрӱндӱ. Чимчирик чакты, уултулар хем гӧк гӱрӱлтӱлери ишидилди, ер тепреди хем бӱӱк толу фуртунасы копту.

Apokalіpsіs 13:8

Хепси йашайаннар ер ӱстӱндӓ она баш иилдеӂек, кимин адлары дӱннейин курулмасындан буазланмыш Кузунун йашамак кийадында диил йазылы.

Apokalіpsіs 14:2

Ишиттим гӧктӓн бир сес, чок сулар уултусу гиби, бензӓр бир бӱӱк гӧк гӱрӱлтӱсӱнӓ. Бу сес, ани ишиттим, сансын арфаӂылар сеси, ангылары арфаларлан чалэрлар.

Apokalіpsіs 19:6

Сансын чок инсан калабалыын сесини ишиттим, ниӂӓ чок сулар уултусу, бӱӱк гӧк гӱрӱлтӱлеринӓ бензӓр, ани дейӓрди: «Алилуйа, бизим Сааби Аллах, Чоккудретли, башлады падишахлык етмӓӓ.

Apokalіpsіs 4:8

Бу дӧрт йаратыын хербириндӓ варды алтышар канат. Доз-долай, дышандан хем ичйандан, долуйдулар гӧзлӓн. Геӂӓ-гӱндӱз дурмамайӂа дейӓрдилӓр: «Айоз, айоз, айоз Чоккудретли Сааби Аллах, Ким варды, Ким вар хем Ким гелӓр».

Apokalіpsіs 5:1

Сора чорбаӂылык скемнесиндӓ Отуранын саа елиндӓ гӧрдӱм бир кийат коласы йазылы ики тарафындан хем еди мӱхӱрлӓн мӱхӱрлӱ.

Apokalіpsіs 5:12

Оннар бӱӱк сеслӓн дейӓрдилӓр: «Буазланмыш Кузуйа йарашэр каблетсин кудрет, зенгинник, аарифлик, кувет, икрам, метинник хем иисӧзлемӓк!»

Apokalіpsіs 5:8

Ачан алды колайы, дӧрт йаратык хем ирми дӧрт аксакал дӱштӱлӓр ӱзӱкойну Кузунун ӧнӱндӓ. Хепсинин елиндӓ варды бирӓр арфа хем алтын чӧлмек, долу гӱннӱклӓн, недир Аллахын айоз халкынын дуалары.

Apokalіpsіs 6:3

Ачан Кузу ачты икинӂи мӱхӱрӱ, ишиттим икинӂи йаратыы, ани деди: «Гел /да бак/!»

Apokalіpsіs 6:5

Ачан Кузу ачты ӱчӱнӂӱ мӱхӱрӱ, ишиттим ӱчӱнӂӱ йаратыы, ани деди: «Гел /да бак/!» Ачан бактым, тӓ, гӧрдӱм бир кара бейгир. Онун ӱстӱндӓ атлы оланын елиндӓ варды бир терезӓ.

Apokalіpsіs 6:7

Ачан Кузу ачты дӧрдӱнӂӱ мӱхӱрӱ, ишиттим дӧрдӱнӂӱ йаратыын сесини, ани дейӓрди: «Гел /да бак/!»

Apokalіpsіs 8:1

Ачан Кузу ачты единӂи мӱхӱрӱ, гӧктӓ сансын йарым саат кадар сус олду.