Apokalіpsіs 4:6 - Ени Бааланты

⁶ Чорбаӂылык скемнесинин ӧнӱндӓ шишедӓн, кристал гиби, бир дениз варды. Скемненин ортасында хем долайында дурарды дӧрт дири йаратык, долу гӧзлӓн ӧнӱндӓн хем ардындан.

Enі Baalantı

⁶ Çorbacılık skemnesinin önündä şişedän, kristal gibi, bir deniz vardı. Skemnenin ortasında hem dolayında durardı dört diri yaratık, dolu gözlän önündän hem ardından.

Apokalіpsіs 4:6 ပူးပေါင်းရင်းမြစ်များ

Apokalіpsіs 14:3

Оннар чалардылар бир ени тӱркӱ, чорбаӂылык скемненин, дӧрт йаратыын хем аксакалларын ӧнӱндӓ. Кимсей ӱӱренӓмӓрди бу тӱркӱйӱ, ӱз кырк дӧрт бин кишидӓн каарӓ, ангылары сатын алынмыш бу ердӓн.

Apokalіpsіs 15:2

Гӧрдӱм сансын шишедӓн бир дениз, карышык атешлӓн. Дурэрлар бу шишедӓн дениз ӱстӱндӓ, Аллахтан арфалар еллериндӓ, оннар, ким ӂанавары, онун идолуну, /дамгасыны/ хем адынын сайысыны енседилӓр.

Apokalіpsіs 15:7

Дӧрт йаратыын бириси еди ангилӓ верди еди алтын чӧлмек, долу Аллахын кызгынныыннан, Ким дивеч йашээр.

Apokalіpsіs 19:4

Озаман ирми дӧрт аксакал хем дӧрт йаратык капандылар да баш иилттилӓр Аллаха, Ким отурурду чорбаӂылык скемнесиндӓ, дейип: «Амин! Алилуйа!»

Apokalіpsіs 21:11

Орада варды Аллахын метиннии, да онун шафкы бензӓрди бир чок паалы таша, йаспис ташына, ани йалабыр, кристал гиби.

Apokalіpsіs 21:18

Дувар йапылыйды йаспис ташындан, ама касаба – темиз алтындан, пак шишӓ гиби.

Apokalіpsіs 21:21

Оники токат – оники седефтӓн, хербир токат бирӓр седефтӓн йапылы. Касабанын ана йолу йапылы темиз алтындан, дурук шишӓ гиби.

Apokalіpsіs 22:1

Ангил гӧстерди бана йашамак суйунун дересини, ани кристал гиби йалабык. О сызэр Аллахын хем Кузунун чорбаӂылык скемнесиндӓн.

Apokalіpsіs 4:4

Чорбаӂылык скемнесинин долайында варды таа ирми дӧрт чорбаӂылык скемнеси. Бу скемнелердӓ ирми дӧрт аксакал отурарды, гиийимни бийаз рубаларлан. Хепсинин башында варды алтын фенец.

Apokalіpsіs 5:11

Ачан бактым, ишиттим чорбаӂылык скемнесинин, йаратыкларын хем аксакалларын долайындан чок ангиллерин сеслерини. Оннарын сайысы биннӓн бин хем оннан бин он бин.

Apokalіpsіs 5:14

Дӧрт йаратык дейӓрди: «Амин». Ирми дӧрт аксакал дӱштӱлӓр ӱзӱкойну да баш иилттилӓр Она, /Ким дивеч йашээр/.

Apokalіpsіs 5:6

Чорбаӂылык скемнесинин, дӧрт йаратыын хем аксакалларын арасында бир Кузу гӧрдӱм, Ангысы айакча дурарды, сансын кесилмишти. Онун варды еди буйнузу хем еди гӧзӱ, ангылары Аллахын еди Духу, йолланылмыш бӱтӱн ер ӱстӱнӓ.

Apokalіpsіs 5:8

Ачан алды колайы, дӧрт йаратык хем ирми дӧрт аксакал дӱштӱлӓр ӱзӱкойну Кузунун ӧнӱндӓ. Хепсинин елиндӓ варды бирӓр арфа хем алтын чӧлмек, долу гӱннӱклӓн, недир Аллахын айоз халкынын дуалары.

Apokalіpsіs 6:1

Сора гӧрдӱм, ани Кузу ачты еди мӱхӱрӱн бирисини, да ишиттим йаратыкларын бирисини, ани деди гӧк гӱрӱлтӱсӱ гиби бир сеслӓн: «Гел /да бак/!»

Apokalіpsіs 6:6

Дӧрт йаратыын арасындан ишиттим бир сес, ани дейӓрди: «Бир ӧлчӱ боодай бир динара, ӱч ӧлчӱ арпа бир динара, ама зейтин йаайыны хем шарабы бозма!»

Apokalіpsіs 7:11

Хепси ангиллӓр дурдулар чорбаӂылык скемнесинин, аксакалларын хем дӧрт йаратыын долайында, ӱзӱкойну дӱштӱлӓр чорбаӂылык скемнесинин каршысында да баш иилттилӓр Аллаха, дейерӓк:

Apokalіpsіs 7:17

Зерӓ Кузу, ани булунэр чорбаӂылык скемнесинин ортасында, оннары гӱдеӂек да гӧтӱреӂек йашамак суйунун сызынтыларына. Аллах силеӂек хер йашы оннарын гӧзлериндӓн».