Apokalіpsіs 3:18 - Ени Бааланты

¹⁸ Сана насаат едерим, ани сатын аласын Бендӓн алтын, атештӓн пакланмыш, ки зенгинненӓсин, бийаз рубалар, ки гиинӓсин, да гӧрӱнмесин сенин айып чыплаклыын, хем илач, ки гӧзлерини йаалайасын да гӧрӓсин.

Enі Baalantı

¹⁸ Sana nasaat ederim, ani satın alasın Bendän altın, ateştän paklanmış, ki zenginnenäsin, biyaz rubalar, ki giinäsin, da görünmesin senin ayıp çıplaklıın, hem ilaç, ki gözlerini yaalayasın da göräsin.

Apokalіpsіs 3:18 ပူးပေါင်းရင်းမြစ်များ

Matfey 13:44

Гӧк Падишахлыы бензеер бир хазнайа, ани гӧмӱлӱ бир тарлада. Бир адам, ани булэр ону, енидӓн саклээр да севинмектӓн гидип сатэр бӱтӱн варлыыны да о тарлайы сатын алэр.

Matfey 25:9

Ама аариф кызлар ӂувап еттилӓр: „Йок насыл верелим, зерӓ сора етишмӓз хем бизӓ, хем сизӓ. Таа ислӓӓ гидин сатыӂылара да сатын алын кендинизӓ“.

Luka 12:21

Хеп бутӱрлӱ олэр онуннан да, ким топлээр зенгинник кендиси ичин, ама зенгиннӓмеер Аллахта».

2 Korіnflіlerä 5:3

Она гиинӓрсӓк, чыплак олмарыз.

2 Korіnflіlerä 8:9

Зерӓ сиз билерсиниз бизим Сааби Иисус Христозун иивергисини. О Кендиси, оларак зенгин, фукаараланды сизин ичин, ки сиз Онун фукааралыыннан зенгиннейӓсиниз.

1 Tіmofeyä 6:18

иилик йапсыннар, ии ишлӓрлӓн зенгинненсиннӓр, ӂӧмерт хем башкаларлан пайлашмаа хазыр олсуннар.

İakovun 2:5

Севгили кардашларым, сеслейин. Сечмеди ми Аллах бу дӱннедӓ фукаара оланнары, ки инанда зенгин олсуннар хем мирасчы падишахлыкта, ангысы аданды оннара, ким Аллахы север?

1 Petrіnіn 1:7

ки сизин инанынызын хализлии гӧстерилсин. Алтын, ани кайбелер, атештӓн дененер. Хеп ӧлӓ инаныныз да, ани таа паалы алтындан, дененер, ки сиздӓ метинник, шаннык хем икрам олсун Иисус Христозун гелмесиндӓ.

Apokalіpsіs 16:15

«Тӓ, Бӓн гелерим, бир хырсыз гиби! Не мутлу, ким уйанык дурэр хем хазыр тутэр кенди рубаларыны, ки чыплак гезмесин да айыплыы гӧрӱнмесин!»

Apokalіpsіs 19:8

Гелинӓ верилди, гиинсин, темиз, йалабык инӂӓ кетен рубалар». Инӂӓ кетен рубалар – Аллахын айоз халкынын доору ишлери.

Apokalіpsіs 2:9

Билерим сенин зеетини хем фукааралыыны, ама хеп окадар зенгинсин. Билерим, ани ким сени кӧтӱлеер, оннар сайэрлар кендилерини иудей, ама бу диил аслы. Оннар – шейтанын топлушу.

Apokalіpsіs 3:17

Зерӓ сӓн деерсин: зенгиним, зенгиннендим да бишей ичин зорум йоктур; ама билмеерсин, ани сӓн зайыф, заваллы, фукаара, кӧӧр хем чыплаксын.

Apokalіpsіs 4:4

Чорбаӂылык скемнесинин долайында варды таа ирми дӧрт чорбаӂылык скемнеси. Бу скемнелердӓ ирми дӧрт аксакал отурарды, гиийимни бийаз рубаларлан. Хепсинин башында варды алтын фенец.

Apokalіpsіs 7:13

Бириси аксакаллардан, данышып бана, сорду: «Буннар, ани гиийимни бийаз рубаларлан, кимдир оннар хем нередӓн гелдилӓр?»