Apokalіpsіs 3:14 - Ени Бааланты

¹⁴ Лаодикийа клисесинин ангилинӓ йаз: „Бӧлӓ лафедер Амин, инанч хем доору шаат, башлайан Аллахын йаратмасыны.

Enі Baalantı

¹⁴ Laodikiya klisesinin angilinä yaz: „Bölä lafeder Amin, inanç hem dooru şaat, başlayan Allahın yaratmasını.

Apokalіpsіs 3:14 ပူးပေါင်းရင်းမြစ်များ

İoan 1:3

Хепси Онуннан курулду, Онсуз бишей курулмады.

İoan 8:14

Иисус ӂувап етти: «Еер Бӓн Кенди-Кендим ичин сӧлӓрсейдим, хеп окадар Беним шаатлыым доору, зерӓ Бӓн билерим, нередӓн гелдим хем нерейи гидерим, ама сиз билмеерсиниз, нередӓн Бӓн гелдим хем нерейи гидерим.

2 Korіnflіlerä 1:20

Зерӓ хепси Аллахын адамаклары Онда «олур». Онуштан биз деериз Онун адыннан «Амин», Аллах метинненсин.

Koloslulara 1:15

Одур гӧрӱнмейӓн Аллахын гӧрӱнмеси, илк дуулмуш. О ӱстӱндӱр хепси йарадыланнардан.

Koloslulara 1:18

Одур гӱӱденин, клисенин Башы. Одур – клисейи башлайан, ӧлӱлердӓн илкинкиси, ки хербир иштӓ илк ери алсын.

Koloslulara 2:1

Истеерим, ки билӓсиниз, некадар чок чалышэрым сизин ичин, лаодикийалылар ичин хем хепси оннар ичин, ким гӧрмеди беним ӱзӱмӱ.

Koloslulara 4:16

Бу кийат аранызда окундуктан сора, бакын да верин, Лаодикийа клисесинӓ окусуннар. Сиз дӓ окуйун кийады, ани Лаодикийадан гелеӂек.

Apokalіpsіs 1:11

Не гӧрерсин, йаз бир кийада да йолла еди клисейӓ: Ефес, Смирна, Пергама, Фиатира, Сардис, Филаделфийа хем Лаодикийа касабаларына».

Apokalіpsіs 1:5

хем Иисус Христоздан, Ким инанч шаат, илк дууан, Ким ӧлӱлердӓн дирилди хем ердеки падишахларын ӧндерӂиси. О бизи севди, Кенди каныннан бизи гӱнахларымыздан куртарды,

Apokalіpsіs 19:11

Сора гӧрдӱм ачылмыш гӧкӱ, да тӓ, бир атлы бийаз бейгир ӱстӱндӓ. Ады Онун «Инанч» хем «Хак», Ким доору даава йапэр хем ӂенк едер.

Apokalіpsіs 2:1

Ефес клисесинин ангилинӓ йаз: „Бӧлӓ деер О, Ким саа елиндӓ тутэр еди йылдызы, Ким гезер еди алтын шамдал арасында:

Apokalіpsіs 21:6

Сора деди бана: «Таманнанды! Бӓним Алфа хем Омега, Баш хем Сон. Ким сусады, Бӓн она йашамак суйунун сызынтысындан вереӂӓм, парасыз ичсин.

Apokalіpsіs 22:13

Бӓним Алфа хем Омега, Биринӂи хем Битки, Баш хем Сон.

Apokalіpsіs 22:6

Сора ангил деди бана: «Бу сӧзлӓр хакына хем доору. Сааби, пророкларын духларынын Аллахы, ангилини йоллады, ки гӧстерсин Кенди чыракларына, не тездӓ лӓӓзым олсун».

Apokalіpsіs 3:7

Филаделфийа клисесинин ангилинӓ йаз: „Бӧлӓ деер Айоз хем Доору Олан, Кимдӓ вар Давидин анатары, Ким ачэр, да кимсей капайамээр, капээр, да кимсей ачамээр.