Apokalіpsіs 22:14 - Ени Бааланты

¹⁴ Мутлу оннар, ким рубаларыны йыкээр, ки доорулуклары олсун, имӓӓ дейни йашамак фиданындан хем, токатлардан гечип, касаба ичинӓ гирмӓӓ!

Enі Baalantı

¹⁴ Mutlu onnar, kim rubalarını yıkêêr, ki doorulukları olsun, imää deyni yaşamak fidanından hem, tokatlardan geçip, kasaba içinä girmää!

Apokalіpsіs 22:14 ပူးပေါင်းရင်းမြစ်များ

İoan 10:7

Иисус енидӓн лафетти: «Доору, доору сӧлеерим сизӓ, ани Бӓним койуннарын капусу.

İoan 10:9

Бӓним капу. Еер биркимсей гирирсейди Беним ашыры, олаӂэк куртулмуш, гиреӂек хем чыкаӂэк да отлайаӂак кендинӓ булаӂэк.

İoan 14:15

Еер севӓрсейдиниз Бени, озаман таманнайын Беним сымарладыкларымы.

İoan 14:6

Иисус ӂувап етти: «Бӓним йол, аслылык хем йашамак. Бенсиз кимсей Бобайа гелмеер.

İoan 4:12

Не сӓн таа бӱӱксӱн бизим бобадан Иаковдан мы, ангысындан бизӓ калды бу пынар, нередӓн ичти кендиси, ооллары хем хайваннары?»

1 Korіnflіlerä 7:19

Кесиклик бишей диил, кесиксизлик дӓ бишей диилдир. Аслы не лӓӓзым – таманнамаа Аллахын сымарладыкларыны.

1 Korіnflіlerä 8:9

Саде бакын, сизин сербестлииниз олмасын бир кӧстек йуфка инанӂылара.

1 Korіnflіlerä 9:5

Йок му доорулуумуз, биз бирӓр кызкардаш алалым, ки карымыз олсун, ниӂӓ йапэр ӧбӱр апостоллар, Саабинин кардашлары хем Кифа?

Galatіyalılara 5:6

Зерӓ Иисус Христозда йок паайы не кесиклиин, не дӓ кесиксизлиин, ама инанын, ани севгийлӓн ишлеер.

1 İoanın 3:3

Херкез, ким бу умуду Она койэр, кендини паклээр, ниӂӓ Христос пак.

1 İoanın 5:3

Зерӓ будур Аллахы севмӓк: таманнайалым Онун сымарламакларыны. Онун сымарламаклары диил аар.

Apokalіpsіs 2:7

Кимин вар кулаа, ишитсин, не Айоз Дух сӧлеер клиселерӓ: ким енсейеӂек, она изин вереӂӓм, исин йашамак фиданындан, ани Аллахын райында“.

Apokalіpsіs 21:12

Долайлыйды бир бӱӱк хем ӱӱсек дуварлан. Дуварда варды оники токат, да оники ангил беклӓрди токатларда, ангыларын ӱстӱндӓ Израилин оники тамызлыы адлары йазылыйды:

Apokalіpsіs 21:27

Бишей мындар орайы гирмейеӂек хем кимсей, ким йапэр ииренч ишлӓр хем йалан сӧлеер, ама саде оннар, ангыларын адлары йазылы Кузунун йашамак кийадында.

Apokalіpsіs 22:2

Касабанын ана йолунун ортасында, деренин ики тарафында булунэр йашамак фиданы, ани оники тӱрлӱ мейва йапэр, хер ай кенди мейвасыны верер. Бу фиданын йапраклары миллетлерин алышмасы ичин.

Apokalіpsіs 22:7

«Тӓ, тез гелерим. Мутлу, ким таманнээр пророклук сӧзлерини, ани вар бу кийатта!» – деер Иисус.

Apokalіpsіs 7:14

«Чорбаӂы, – ӂувап еттим бӓн, – сӓн билерсин». О деди бана: «Буннар о бӱӱк зееттӓн гечип-геленнӓр. Оннар рубаларыны йыкадылар хем Кузунун каныннан бийазлаттылар.