Apokalіpsіs 20:4 - Ени Бааланты

⁴ Гӧрдӱм чорбаӂылык скемнелерини хем отураннары оннарын ӱстӱндӓ, ангыларына верилди заабитлик, даава йапсыннар. Гӧрдӱм инсаннарын ӂаннарыны да, ангыларын кафалары кесилмишти, зерӓ шаатлык едӓрдилӓр Иисус ичин хем насаат едӓрдилӓр Аллахын сӧзӱнӱ. Оннар ӂанавара хем онун идолуна баш иилтмемиштилӓр хем онун дамгасыны кенди анныларына хем еллеринӓ каблетмемиштилӓр. Оннар дирилдилӓр да падишахлык еттилӓр Христозлан барабар бин йыл.

Enі Baalantı

⁴ Gördüm çorbacılık skemnelerini hem oturannarı onnarın üstündä, angılarına verildi zaabitlik, daava yapsınnar. Gördüm insannarın cannarını da, angıların kafaları kesilmişti, zerä şaatlık edärdilär İisus için hem nasaat edärdilär Allahın sözünü. Onnar canavara hem onun idoluna baş iiltmemiştilär hem onun damgasını kendi annılarına hem ellerinä kabletmemiştilär. Onnar dirildilär da padişahlık ettilär Hristozlan barabar bin yıl.

Apokalіpsіs 20:4 ပူးပေါင်းရင်းမြစ်များ

Matfey 19:28

Иисус ӂувап етти: «Доору сӧлеерим сизӓ, ани ачан Адам Оолу отураӂэк Кенди метиннииндӓ, чорбаӂылык скемнесиндӓ, ени заманда, сиз, ани гелдиниз Беним ардыма, отураӂэныз оники чорбаӂылык скемнелериндӓ, даава кесерӓк Израилин оники тамызлыына.

Matfey 24:10

Чойу инандан дӱшеӂек. Бири-бирини сатаӂэклар хем азетмейеӂеклӓр бири-бириндӓн.

Mark 6:16

Буну сеслейип, Ирод деди: «Бу – Иоан, ангысынын кафасыны алдым. О дирилди ӧлӱдӓн».

Mark 6:27

Йоллады бир ӂеллат аскер да сымарлады, гетирсин Иоанын кафасыны.

Mark 9:11

Сора Иисуса сордулар: «Нечин билгичлӓр деерлӓр, ани илкин лӓӓзым гелсин Илийа?»

Luka 1:17

О Аллахын ӧнӱндӓ гезеӂек Илийанын кувединнӓн хем духуннан, чевирсин дейни бобаларын ӱреклерини ушакларына хем о канырыклы неетлилери доорулаа. О хазырлайаӂэк инсаны Саабинин гелмеси ичин».

Luka 14:14

Да мутлу олаӂан, зерӓ оннар йок нейлӓн чевирсиннӓр сана геери. Бунун ичин сана ӧдек олаӂэк доору оланнарын дирилмесиндӓ».

Luka 22:30

ийӓсиниз хем ичӓсиниз Беним Падишахлыымын софрасында хем отурасыныз чорбаӂылык скемнелериндӓ, даава кесерӓк Израилин оники тамызлыына».

İoan 14:19

Таа бираз калды, да дӱннӓ артык Бени гӧрмейеӂек, ама сиз гӧреӂениз, чӱнкӱ Бӓн йашээрым, сиз дӓ йашайаӂэныз.

Romalılara 11:15

Еер оннарын атылмаларыннан дӱннӓ Аллахлан барыштыйса, кабледилмелери, ӧлӱмдӓн йашамаа гечмектӓн башка, не олур?

Romalılara 8:17

Еер Аллахын ушакларысайдык, озаман мирасчы да олаӂэз; еденеӂез Аллахын адамакларыны хем хепсини, не вар Христозда, еер зеетленӓрсейдик Онуннан, ки барабар метинник тӓ еденелим.

2 Tіmofeyä 2:12

Еер дайанарсак, Онуннан билӓ да падишахлык едеӂез. Еер Ондан атыларсак, О да биздӓн атылаӂэк.

Apokalіpsіs 1:2

ким шаатлык етти Аллахын сӧзӱ ичин хем Иисус Христозун шаатлыыны аннатты – хепсини, не гӧрдӱ.

Apokalіpsіs 1:9

Бӓн, Иоан, сизин кардашыныз, пай алэрым сизиннӓн барабар Иисусун зеетлериндӓ, падишахлыында хем дайанмасында. Булунардым бир адада, ады Патмос, Аллахын сӧзӱ ичин хем Иисусун шаатлыы ичин.

Apokalіpsіs 11:11

Ама ӱч бучук гӱндӓн сора Аллахтан йашамак духу гирди оннара, да икиси дӓ калктылар айакча. Бӱӱк корку каплады хепсини оннары, ким сииредӓрди.

Apokalіpsіs 11:15

Единӂи ангил трубайы баартты, да гӧктӓн бӱӱк сеслӓр ишидилди, ани дейӓрди: «Дӱннӓ падишахлыы гечти бизим Саабинин хем Онун Христозун елинӓ, да О падишахлык едеӂек дивечтӓн дивеӂӓ».

Apokalіpsіs 11:3

Беним ики шаадыма вереӂӓм кувет пророклук етсиннӓр бин икиӱз алтмыш гӱн, гиийимни чуваллан.

Apokalіpsіs 11:7

Оннар шаатлыкларыны таманнадыйнан, ӂанавар, ани калкэр дипсизликтӓн, оннарлан ӂенк едеӂек да, енсейип, оннары ӧлдӱреӂек.

Apokalіpsіs 12:11

Оннар енседилӓр ону Кузунун каныннан хем кенди шаатлыкларынын сӧзӱннӓн, зерӓ артык кенди ӂаннарыны кыймадылар да ӧлӱмӓ вердилӓр.

Apokalіpsіs 14:11

Оннарын зеетлеринин тӱтӱнӱ дивеч калкаӂэк. Геӂӓ-гӱндӱз оннарын раады олмайаӂэк, ким ӂанавара хем онун идолуна баш иилдер хем ӂанаварын адынын дамгасыны кабледер.

Apokalіpsіs 15:2

Гӧрдӱм сансын шишедӓн бир дениз, карышык атешлӓн. Дурэрлар бу шишедӓн дениз ӱстӱндӓ, Аллахтан арфалар еллериндӓ, оннар, ким ӂанавары, онун идолуну, /дамгасыны/ хем адынын сайысыны енседилӓр.

Apokalіpsіs 17:8

Ӂанавар, ангысыны гӧрдӱн, ӧнӂӓ варды, ама шинди йок. О дипсизликтӓн чыкаӂэк да кайыплаа гидеӂек. Ердӓ йашайаннар, кимин адлары дӱннейин курулмасындан диил йазылы йашамак кийадында, шашаӂэклар, гӧрӱп ӂанавары, ани ӧнӂӓ варды, шинди йок, ама генӓ гелеӂек.

Apokalіpsіs 2:26

Ким енсейеӂек хем биткийӓдӓн таманнайаӂэк Беним ишлерими, она вереӂӓм заабитлик миллетлӓр ӱстӱнӓ, ниӂӓ Бӓн дӓ каблеттим заабитлик Беним Бобамдан. Оннары гӱдеӂек демир бастоннан, да ниӂӓ топрактан каплары фалайаӂэк.

Apokalіpsіs 20:6

Мутлу хем айоз оннар, кимин вар пайы илк дирилмектӓ. Оннарын ӱстӱнӓ икинӂи ӧлӱмӱн йок куведи. Оннар Аллахын хем Христозун попазлары олаӂэклар да Онуннан падишахлык едеӂеклӓр бин йыл.

Apokalіpsіs 22:5

Артык геӂӓ олмайаӂэк, хем шафк диил лӓӓзым оннара, не дӓ гӱн айдынныы, зерӓ Сааби Аллах айдыннадаӂэк оннары. Оннар дивечтӓн дивеӂӓ падишахлык едеӂеклӓр.

Apokalіpsіs 3:21

Ким енсейеӂек, она изин вереӂӓм Бенимнӓн отурсун Беним чорбаӂылык скемнемдӓ, ниӂӓ дӓ Бӓн енседим да отурдум Беним Бобамнан Онун чорбаӂылык скемнесиндӓ.

Apokalіpsіs 4:4

Чорбаӂылык скемнесинин долайында варды таа ирми дӧрт чорбаӂылык скемнеси. Бу скемнелердӓ ирми дӧрт аксакал отурарды, гиийимни бийаз рубаларлан. Хепсинин башында варды алтын фенец.

Apokalіpsіs 6:9

Ачан Кузу ачты бешинӂи мӱхӱрӱ, курбаннык алтында гӧрдӱм инсаннарын ӂаннарыны, ангылары буазланмыштылар Аллахын сӧзӱ ичин хем шаатлык ичин, ани йапардылар.

Apokalіpsіs 7:3

«Кедерлӓмейин не ери, не денизи, не дӓ фиданнары, биз Аллахымызын чыракларынын анныларына мӱхӱр коймайынӂа!»