Apokalіpsіs 20:14 - Ени Бааланты

¹⁴ Ӧлӱм хем ӧлӱлӓр ери атеш гӧлӱнӓ атылдылар. Бу атеш гӧлӱ – икинӂи ӧлӱм.

Enі Baalantı

¹⁴ Ölüm hem ölülär eri ateş gölünä atıldılar. Bu ateş gölü – ikinci ölüm.

Apokalіpsіs 20:14 ပူးပေါင်းရင်းမြစ်များ

1 Korіnflіlerä 15:26

Ен биткинӂи душман, ани йок едилеӂек, – ӧлӱмдӱр.

1 Korіnflіlerä 15:53

Зерӓ бу чӱрӱйӓн гӱӱдӓ лӓӓзым каплансын чӱрӱксӱзлӱклӓн, хем бу ӧлӱмнӱ гӱӱдӓ донансын ӧлӱмсӱзлӱклӓн.

Apokalіpsіs 1:18

Дири оланым, ӧлӱйдӱм, ама те, дири калаӂам дивеӂӓ кадар. Беним елимдӓ ӧлӱмӱн хем ӧлӱлӓр еринин анатарлары.

Apokalіpsіs 14:10

о ичеӂек Аллахын кызгыннык шарабыны, дӧкӱлӱ карышылмадык Онун ӱфкӓ филӂанына, да зеетленеӂек айоз ангиллерин хем Кузунун ӧнӱндӓ атешлӓн хем кӱкӱртлӓн.

Apokalіpsіs 19:20

Ӂанавар хем йаланӂы пророк, ани йапарды мераклы нышаннар ӂанаварын ӧнӱндӓ, тутулдулар. Йаланӂы пророк бу нышаннарлан алдатты оннары, ким каблеттийди ӂанаварын дамгасыны хем ким баш иилдӓрди ӂанаварын идолуна. Икиси дӓ диридӓн атылдылар атеш гӧлӱнӓ, ани кӱкӱртлӓн йанэр.

Apokalіpsіs 2:11

Кимин вар кулаа, ишитсин, не Айоз Дух сӧлеер клиселерӓ: ким енсейеӂек, она икинӂи ӧлӱмдӓн зарар олмайаӂэк“.

Apokalіpsіs 20:10

Диавол, ани оннары алдадарды, атеш хем кӱкӱрт гӧлӱнӓ атылды, нередӓ вар ӂанавар хем йаланӂы пророк, да геӂӓ-гӱндӱз дивечтӓн дивеӂӓ зеетленеӂеклӓр.

Apokalіpsіs 20:13

Озаман дениз геери верди ӧлӱлери, ани варды онда. Ӧлӱм хем ӧлӱлӓр ери дӓ верди ӧлӱлери, ани варды оннарда. Да херкезинӓ даава йапылды оннарын йаптыкларына гӧрӓ.

Apokalіpsіs 20:15

Кимин ады йашамак кийадында йазылы олмады, о атеш гӧлӱнӓ атылды.

Apokalіpsіs 20:6

Мутлу хем айоз оннар, кимин вар пайы илк дирилмектӓ. Оннарын ӱстӱнӓ икинӂи ӧлӱмӱн йок куведи. Оннар Аллахын хем Христозун попазлары олаӂэклар да Онуннан падишахлык едеӂеклӓр бин йыл.

Apokalіpsіs 21:4

Аллах хер йашы оннарын гӧзлериндӓн силеӂек. Артык ӧлӱм олмайаӂэк. Артык ааламак, сызламак хем аӂы олмайаӂэк. Зерӓ евелки ишлӓр гечти».

Apokalіpsіs 21:8

Ама коркаклар, инансызлар, ииренч оланнар, ӧлдӱрӱӂӱлӓр, ороспулук еденнӓр, бӱӱӂӱлӓр, идоллара баш иилденнӓр хем хепси йаланӂылар, оннарын пайлары гӧлдӓ, ани атеш хем кӱкӱртлӓн йанэр. Бу – икинӂи ӧлӱм».

Apokalіpsіs 6:8

Ачан бактым, тӓ, бир шарга бейгир. Онун ӱстӱндӓ атлы оланын ады ӧлӱм, да онун ардынӂа ӧлӱлӓр ери гелӓрди. Верилди оннара изин ерин дӧрдӱнӂӱ пайы ӱстӱнӓ, ӧлдӱрсӱннӓр кылычлан, аачлыклан, чумайлан хем ӂанаварларлан.