Apokalіpsіs 18:24 - Ени Бааланты

²⁴ Зерӓ сендӓ пророкларын хем Аллахын айоз халкынын хем хепси ердӓ буазлананнарын дӧкӱлӱ каннары булунду».

Enі Baalantı

²⁴ Zerä sendä prorokların hem Allahın ayoz halkının hem hepsi erdä buazlanannarın dökülü kannarı bulundu».

Apokalіpsіs 18:24 ပူးပေါင်းရင်းမြစ်များ

Matfey 23:27

Вай сизӓ, фарисейлӓр хем билгичлӓр, икиӱзлӱлӓр! Зерӓ сиз ниӂӓ киречли мезарлар, ани дышандан гӧрӱнерлӓр гӧзӓл, ама ичйандан долу ӧлӱлерин кемиклериннӓн хем хертӱрлӱ мындарлыклан.

Matfey 23:35

Ӧлӓ ки, сиз ӂувап едеӂениз хепси доору оланнарын каннары ичин, ани дӧкӱлдӱ бу ердӓ, кабаатсыз Авелин канындан, Варахийанын оолунун, Захарийанын канынадан, ангысыны ӧлдӱрдӱнӱз Айоз бина хем курбаннык арасында.

Yaptıklar 7:52

Деделериниз пророкларын ангысыны кооламадылар? Ӧлдӱрдӱлӓр оннары да, ким ӧнӂӓ хаберледи Доору Оланын гелмеси ичин, Ангысыны сиз шинди саттыныз хем ӧлдӱрдӱнӱз.

1 Salonіklіlerä 2:15

ани ӧлдӱрдӱлӓр Сааби Иисусу хем Аллахын пророкларыны, бизи дӓ кооладылар. Аллахы гӱӂендирерлӓр хем хепси инсана каршы дурэрлар,

Apokalіpsіs 11:7

Оннар шаатлыкларыны таманнадыйнан, ӂанавар, ани калкэр дипсизликтӓн, оннарлан ӂенк едеӂек да, енсейип, оннары ӧлдӱреӂек.

Apokalіpsіs 16:6

Зерӓ оннар дӧктӱлӓр Сенин айоз халкынын хем пророкларынын каныны, да Сӓн вердин оннара кан, ичсиннӓр. Оннара бу йарашэр».

Apokalіpsіs 17:6

Гӧрдӱм, ани бу кары сарфош олмушту Аллахын айоз халкы канындан, Иисусун шаатлары канындан. Сарп шаштым, ачан ону гӧрдӱм.

Apokalіpsіs 19:2

Зерӓ актыр хем доорудур Онун даавалары. Чӱнкӱ О даава йапты бӱӱк ороспу карыйа, ким бӱтӱн ери ороспулууннан хайырсызлаа гӧтӱрдӱ. Она ӂеза верди кенди чыракларынын каннары ичин, ани онун елиндӓн дӧкӱлдӱ».