Apokalіpsіs 14:4 - Ени Бааланты

⁴ Буннар, ким булаштырмады кендини карыларлан, зерӓ оннар темиздир. Гидерлӓр Кузунун ардына, нерейи О гидер. Оннар сатын алынмыш инсан арасындан, ниӂӓ илк дуумушлар Аллаха хем Кузуйа.

Enі Baalantı

⁴ Bunnar, kim bulaştırmadı kendini karılarlan, zerä onnar temizdir. Giderlär Kuzunun ardına, nereyi O gider. Onnar satın alınmış insan arasından, nicä ilk duumuşlar Allaha hem Kuzuya.

Apokalіpsіs 14:4 ပူးပေါင်းရင်းမြစ်များ

Matfey 19:12

Зерӓ вар евнухлар – дуумактан евнух. Вар инсандан йапылы евнухлар. Хем вар евнухлар, ангылары кенди-кендилерини евнух йаптылар Гӧк Падишахлыы ичин. Ким кабледӓбилер буну, ко каблетсин».

Matfey 25:1

Озаман Гӧк Падишахлыы он кыза бензӓр олаӂэк, ангылары алдылар кандиллерини да каршы етмӓӓ гӱвеейи чыктылар.

Matfey 8:19

Озаман Она йаклашты бириси билгичлердӓн да деди: «Ӱӱредиӂи, гидеӂӓм Сенин ардына, нерейи да Сӓн гитсӓн».

İoan 10:27

Беним койуннарым сеслеерлӓр Беним сесими. Бӓн таныйэрым оннары, оннар да гелерлӓр Беним ардыма.

İoan 12:26

Еер биркимсей истӓрсейди измет етмӓӓ Бана, гелсин ардыма. Нередӓ Бӓн олаӂам, орада олаӂэк Беним изметкерим дӓ. Еер биркимсей измет едӓрсейди Бана, Боба она сайгы сӱреӂек.

İoan 13:37

«Сааби, нечин йок ниӂӓ шинди гидейим Сениннӓн? Бӓн кайылым верейим ӂанымы да Сенин ичин», – деди Петри.

İoan 8:12

Иисус енидӓн лафетти инсана. «Бӓн дӱннейин айдынныыйым, – деди. – Ким гелер Беним ардыма, гезмейеӂек каранныкта, ама онда йашамак айдынныы олаӂэк».

Yaptıklar 20:28

Есап алын кенди-кендинизӓ хем бӱтӱн сӱрӱйӓ, кимин ӱстӱнӓ Аллах койду сизи гӱдӱӂӱ, ки гӱдӓсиниз Саабинин /хем Аллахын/ клисесини, ангысыны казанды Кенди каныннан.

1 Korіnflіlerä 16:15

Йалварэрым сизӓ, кардашлар, – сиз билерсиниз Стефанын евдекилерини, оннар Ахайада илк инанӂылар да верилдилӓр, ки Аллахын айоз халкына измет етсиннӓр –

1 Korіnflіlerä 6:20

Зерӓ сиз сатын алынмышсыныз бир бӱӱк паайлан. Онуштан метиннейин Аллахы сизин гӱӱденизлӓн /хем духунузлан, ани Аллахтан каблеттиниз/.

1 Korіnflіlerä 7:28

Ама еер евленӓрсейдин, гӱнах йапмээрсын. Кыз да, еер евленӓрсейди, гӱнах йапмээр. Салт ки оннарын бу йашамакта сыкынтылары олаӂэк, да бӓн истеерим сизи бундан куртарайым.

2 Korіnflіlerä 11:2

Зерӓ бӓн алифли сизин ичин Аллахын алифлииннӓн, чӱнкӱ йавклу еттим сизи бир коӂайлан, Христозлан, ки чыкарабилейим сизи Онун ӧнӱнӓ бир темиз кыз гиби.

Efeslіlerä 1:14

Айоз Дух бир гарантийа гиби бизим мирасымыз ичин, о вакыдадан, ачан Аллах хептенӓ куртараӂэк, кими еденди, ки Онун шаны метедилсин.

Efeslіlerä 5:27

да ону Кенди ӧнӱнӓ чыкарсын бир метинни клисӓ гиби, лекесиз, бурушуксуз хем башка кедерсиз, ки айоз хем кусурсуз олсун.

1 Tіmofeyä 4:3

Оннар евленмейи дургудэрлар да деерлӓр, ки сакынмаа имеклердӓн, ангыларыны Аллах йаратты, ки инанӂылар хем аслылыы таныйаннар, шӱкӱр едип, исиннӓр.

Çıfıtlara 12:23

илк дуумушларын клисӓ йортулууна, ангыларын адлары йазылы гӧктӓ; о Аллаха, Ким херкезинӓ даава кесер, хем доору оланнарын духларына, ани таманнаа етишти.

İakovun 1:18

О Кенди истедиинӓ гӧрӓ йапты, ки биз дууалым аслылык сӧзӱннӓн да еденелим илк ери оннарын арасында, не О йаратты.

1 Petrіnіn 2:9

Сиз сӓ бир сечилмиш сенселӓ, Падишахын попазлары, бир айоз миллет, Аллахын кенди инсаныйсыныз. Сечилдиниз, ки хаберлейӓсиниз шанны йаптыкларыны Онун, Ангысы чаарды сизи каранныктан Кенди шашылаӂак айдынныына.

Apokalіpsіs 17:14

Оннар Кузуйлан ӂенк едеӂеклӓр, ама Кузу оннары енсейеӂек, зерӓ Одур саабилерин Саабиси хем падишахларын Падишахы, хем ким Онуннан барабар, оннар чаарылмыш, сечилмиш хем инанч».

Apokalіpsіs 21:22

Айоз бина орада гӧрмедим, зерӓ Сааби Аллах, Чоккудретли, хем Кузу айоз бина орада.

Apokalіpsіs 21:23

Касабанын йок лӓӓзымныы гӱн ичин еки ай ичин, орада шафк етсиннӓр дейни, зерӓ Аллахын метиннии айдыннадэр касабайы, хем Кузу – шафк орада.

Apokalіpsіs 3:4

Хеп окадар сендӓ, Сардистӓ, вар биркач инсан, ани лекелӓмедилӓр кенди рубаларыны. Оннар гезеӂеклӓр Бенимнӓн, гиийимни бийаз рубаларлан, зерӓ бу йарашэр оннара.

Apokalіpsіs 5:9

Бир ени тӱркӱ чалардылар, дейип: «Сана йарашэр аласын колайы да ачасын онун мӱхӱрлерини, зерӓ Сӓн буазланмыш олдун да Аллах ичин Кенди каныннан сатын алдын инсаннары хер сенселедӓн, дилдӓн, халктан хем миллеттӓн.