Apokalіpsіs 14:1 - Ени Бааланты

¹ Сора бактым да гӧрдӱм Кузуйу дураркан Сион байыры ӱстӱндӓ. Онуннан барабар варды ӱз кырк дӧрт бин киши, ангыларын анныларында йазылыйды Онун ады хем Бобасынын ады.

Enі Baalantı

¹ Sora baktım da gördüm Kuzuyu durarkan Sion bayırı üstündä. Onunnan barabar vardı üz kırk dört bin kişi, angıların annılarında yazılıydı Onun adı hem Bobasının adı.

Apokalіpsіs 14:1 ပူးပေါင်းရင်းမြစ်များ

Luka 12:8

Сӧлеерим сизӓ, ани ким шаатлык едеӂек Бана инсанын ӧнӱндӓ, ону Адам Оолу да шаатлык едеӂек Аллахын ангиллеринин ӧнӱндӓ.

Romalılara 9:33

ниӂӓ вар йазылы: «Тӓ койэрым Сионда бир кӧстек ташы хем бир сӱрчмӓк кайасы, ама ким Она инанэр, утанмыш калмаз».

Apokalіpsіs 14:14

Сора бактым, да тӓ, бир бийаз булут. Булут ӱстӱндӓ отурарды бириси, ким бензеер Адам Оолуна. Онун башында варды бир алтын фенец, елиндӓ дӓ бир кескин орак.

Apokalіpsіs 14:3

Оннар чалардылар бир ени тӱркӱ, чорбаӂылык скемненин, дӧрт йаратыын хем аксакалларын ӧнӱндӓ. Кимсей ӱӱренӓмӓрди бу тӱркӱйӱ, ӱз кырк дӧрт бин кишидӓн каарӓ, ангылары сатын алынмыш бу ердӓн.

Apokalіpsіs 15:5

Ондан сора бактым, да Айоз бина – гӧктеки Шаатлык чадыры – ачылды.

Apokalіpsіs 22:4

Онун ӱзӱнӱ гӧреӂеклӓр, адыны анныларында ташыйаӂэклар.

Apokalіpsіs 3:12

Ким енсейеӂек, ону йапаӂам дирек Беним Аллахымын Айоз бинасында, да о артык чыкмайаӂэк дышары. Йазаӂам онун ӱстӱнӓ беним Аллахымын адыны хем Аллахымын касабасынын, ени Иерусалимин адыны, ани гӧктӓн Беним Аллахымдан инер, хем Беним ени адымы.

Apokalіpsіs 4:1

Бундан сора бактым да тӓ, гӧктӓ бир капу ачык. Ӧндеки сес, ани ишиттийдим, бензӓр труба сесинӓ, деди бана: «Пин бурайы, да гӧстереӂӓм сана, не лӓӓзым олсун бундан сора».

Apokalіpsіs 6:8

Ачан бактым, тӓ, бир шарга бейгир. Онун ӱстӱндӓ атлы оланын ады ӧлӱм, да онун ардынӂа ӧлӱлӓр ери гелӓрди. Верилди оннара изин ерин дӧрдӱнӂӱ пайы ӱстӱнӓ, ӧлдӱрсӱннӓр кылычлан, аачлыклан, чумайлан хем ӂанаварларлан.