Apokalіpsіs 11:13 - Ени Бааланты

¹³ Осаат бир бӱӱк ер тепремеси олду, да касабанын онунӂу пайы йыкылды. Бу ер тепремесиндӓн еди бин киши ӧлдӱ, да калан инсан коркудан Гӧктеки Аллахы метиннедилӓр.

Enі Baalantı

¹³ Osaat bir büük er tepremesi oldu, da kasabanın onuncu payı yıkıldı. Bu er tepremesindän edi bin kişi öldü, da kalan insan korkudan Gökteki Allahı metinnedilär.

Apokalіpsіs 11:13 ပူးပေါင်းရင်းမြစ်များ

İoan 9:24

Фарисейлӓр икинӂи сыра чаардылар адамы, ани кӧӧрду, да дедилӓр она: «Аллаха емин ет да доору сӧлӓ, зерӓ биз билериз, ани бу адам гӱнахкер».

Yaptıklar 1:15

О вакыт топлуйду бир ӱз ирми кишинин долайында. Петри калкты бу кардашларын арасында да деди:

Apokalіpsіs 11:11

Ама ӱч бучук гӱндӓн сора Аллахтан йашамак духу гирди оннара, да икиси дӓ калктылар айакча. Бӱӱк корку каплады хепсини оннары, ким сииредӓрди.

Apokalіpsіs 11:19

Аллахын гӧктеки Айоз бинасы ачылды, да Онун Бааланты Сандыы Айоз бинасында гӧрӱндӱ. Чимчирик чакты, уултулар хем гӧк гӱрӱлтӱлери ишидилди, ер тепреди хем бӱӱк толу фуртунасы копту.

Apokalіpsіs 14:7

О бӱӱк сеслӓн дейӓрди: «Коркун Аллахтан да Ону метиннейин, зерӓ гелди Онун даава вакыды. Баш иилдин Она, Ким йаратты гӧкӱ, ери, денизи хем су сызынтыларыны».

Apokalіpsіs 15:4

Ким Сендӓн, Сааби, коркмээр да метиннӓмеер Сенин адыны? Зерӓ салт Сӓн айозсун. Хепси миллетлӓр гелеӂеклӓр да баш иилдеӂеклӓр Сенин ӧнӱндӓ, зерӓ белли олду Сенин доору ишлерин».

Apokalіpsіs 19:7

Севинелим хем шенненелим, метинник Она верелим, зерӓ Кузунун дӱӱн вакыды гелди, да гелини кендини хазырлады.

Apokalіpsіs 3:4

Хеп окадар сендӓ, Сардистӓ, вар биркач инсан, ани лекелӓмедилӓр кенди рубаларыны. Оннар гезеӂеклӓр Бенимнӓн, гиийимни бийаз рубаларлан, зерӓ бу йарашэр оннара.

Apokalіpsіs 6:12

Ачан Кузу ачты алтынӂы мӱхӱрӱ, гӧрдӱм, ани олду бир бӱӱк ер тепремеси. Гӱн карарды кечи йапаасындан бир чувал гиби, ай кан гиби олду,

Apokalіpsіs 8:5

Сора ангил алды кадилницайы да долдурду алтардан атештӓн коорлан да ерӓ атты. Озаман гӧк гӱрӱлтӱлери хем уултулар ишидилди, чимчирик чакты хем ер тепреди.