2 Tіmofeyä 2:24 - Ени Бааланты

²⁴ Саабинин кулу дӱшмеер кавгаӂы олсун, ама дӱшер йалпак олсун хепсиннӓн, беӂерсин ӱӱретмӓӓ хем сабурлу олсун, ачан она каршы кӧтӱлӱк йапэрлар.

Enі Baalantı

²⁴ Saabinin kulu düşmeer kavgacı olsun, ama düşer yalpak olsun hepsinnän, becersin üüretmää hem saburlu olsun, açan ona karşı kötülük yapêrlar.

2 Tіmofeyä 2:24 ပူးပေါင်းရင်းမြစ်များ

Matfey 12:19

О кавга йапмайаӂэк хем баармайаӂэк. Кимсей Онун сесини сокакта ишитмейеӂек.

İoan 6:52

Ачан иудейлӓр бу лафлары ишиттилӓр, башладылар чекишмӓӓ бири-бириннӓн. Оннар дейӓрдилӓр: «Несой вар насыл бу Адам версин гӱӱдесини, ийелим?»

Yaptıklar 15:2

Оннарын хем Павлийлӓн Варнаванын арасында олду бӱӱк кавга хем дартышмак. Кардашлар онун ичин карарладылар, ани Павлийлӓн Варнава хем таа биркач адам оннардан, гитсиннӓр апостоллара хем пресвитерлерӓ Иерусалимӓ да сорсуннар бунун ичин.

Yaptıklar 23:9

Олду бӱӱк кавга. Биркач билгич, фарисейлерин тарафындан, калктылар айакча да ӱфкели дедилӓр: «Биз булмээрыз бир дӓ кабаат бу адамда. Беки онуннан бир дух йада бир ангил лафетти. /Биз душман оламарыз Аллаха/».

Yaptıklar 7:26

Ертеси гӱнӱ Моисей гӧрдӱ ики израилли адамы дӱӱшӱркӓн, да бакты аннаштырсын оннары: „Адамнар! – деди. – Сиз кардашсыныз, нечин гӱӂендирерсиниз бири-биринизи?“

2 Korіnflіlerä 10:1

Бӓн, Павли, ани услуйум аранызда, ама кыйакым сиздӓн узак оларак, йалварэрым Иисус Христозун мӱнӱзлӱӱннӓн хем йалпаклыыннан

2 Korіnflіlerä 10:4

Бизим дӱӱшӱмӱзӱн силӓхлары диил тенӂӓ, ама оннарда вар Аллахтан кувет, калелери йыксыннар дейни.

2 Korіnflіlerä 6:4

Ама хербир иш ӱзерӓ кендимизи ӧрнек гӧстерериз ниӂӓ Аллахын изметкерлери: чок дайанэрыз зеетлердӓ, зор хем сыкы вакытларда,

Galatіyalılara 5:22

Ама Айоз Духун мейвасы – севги, севинмӓк, услулук, сабурлук, аӂыйаннык, иилик, инанӂылык,

Efeslіlerä 4:2

Херзаман йаваш, йалпак хем сабурлу олун, дайанын бири-биринизӓ севгийлӓн.

Fіlіplіlerä 2:14

Хепсини йапын, мырылданмайарак хем чекишмейерӓк,

Fіlіplіlerä 2:3

Бишей йапмайын кендинизи калдырмак ичин еки бошуна ӱӱнмӓк ичин, ама йавашлыклан хатырлайын бири-биринизи, ӱӱсеклендирерӓк башкасыны таа чок, некадар кендини.

Koloslulara 3:13

Бири-биринизӓ дайанын, еер биркимсей кӱстӱйсӓ башкасына, сиз дӓ бири-биринизи афедин, ниӂӓ Сааби сизи афетти.

1 Salonіklіlerä 2:7

Биз, Христозун апостоллары, варды насыл аарлык койалым сизин ӱстӱнӱзӓ. Ама биз кендимизи йалпак гӧтӱрдӱк сизиннӓн, ниӂӓ бир ана кенди ушакларыны дойуран.

1 Tіmofeyä 6:11

Ама сӓн, Аллах адамы, кач буннардан да излӓ доорулуу, Аллахын йолуну, инаны, севгилии, дайанмайы, йалпаклыы.

Tіta 1:1

Бӓн, Павли, Аллахын чыраа, Иисус Христозун апостолу, йолланылмышым, ки Аллахтан сечилмиш оланнар инансыннар хем танысыннар аслылыы, ани тутунэр аллахчылыктан

Tіta 1:7

Зерӓ епископ дӱшер олсун кабаатсыз, ниӂӓ бир изметкӓр, ани кулланэр Аллахын евини. Олмасын наалет, кӱсӱӂӱ, ичкиӂи, дӱӱшчӱ, тамах.

Tіta 1:9

Тутунсун инан сӧзӱндӓн, не ӱӱренди, беӂерсин клисейи саа ӱӱретмӓклӓн гиргиннетмӓӓ хем каршы дураннары азарламаа.

Tіta 3:2

Кимсейи кӧтӱлӓмесиннӓр, кавга йапмасыннар, ама хербир иш ӱзерӓ йаваш хепси инсаннарлан олсуннар.

İakovun 1:1

Бӓн, Иаков, Аллахын хем Сааби Иисус Христозун чыраа, дааныкта оники тамызлаа селӓм йоллээрым.

İakovun 3:17

Ама йукардан инӓн аарифлик хепсиндӓн ӧнӂӓ темиз, сора услу, йалпак, сеслейиӂи, долу аӂыйанныклан хем ии ишлӓрлӓн, ӱзӓ бакмаз, икиӱзлӱ олмаз.

İakovun 4:2

Истейип, еденӓмеерсиниз, онуштан ӧлдӱрерсиниз. Хасеетленерсиниз, ама не истеерсиниз, етишӓмеерсиниз. Кавга едерсиниз хем дӱӱшерсиниз, ама еденӓмеерсиниз, зерӓ Аллахтан истӓмеерсиниз.

1 Petrіnіn 3:8

Олун хепсиниз бир нееттӓ, пай алын башкаларынын зорлукларында, кардашлары севин, йалпак хем мӱнӱз ӱрекли олун.

İudanın 1:3

Севгили кардашлар! Макар ки чок хавездим йазмаа сизӓ бизим ӂӱмлӓ куртулмамыз ичин, лӓӓзым олду йазайым бир насаат чалышкан оласыныз инан ичин, ани Аллахын айоз халкына верилди бир сыра херзамана.