2 Petrіnіn 1:6 - Ени Бааланты

⁶ билгинизӓ кендинизи запламак, запламаныза дайанмак, дайанманыза аллахчылык,

Enі Baalantı

⁶ bilginizä kendinizi zaplamak, zaplamanıza dayanmak, dayanmanıza allahçılık,

2 Petrіnіn 1:6 ပူးပေါင်းရင်းမြစ်များ

Luka 21:19

Дайанмаклан сиз кендинизи куртараӂэныз.

Luka 8:15

Тоомнар, ани дӱштӱлӓр ии топраа, оннар, ким, ишидип сӧзӱ, койэр ии хем темиз ӱреенӓ, да гетирер берекет сабурлукта». Солейип буну, О деди: «Кимин вар кулаа ишитмӓӓ дейни, ко ишитсин!»

Yaptıklar 24:25

Ачан Павли башлады сӧлемӓӓ доорулук ичин, кендини запламак ичин хем Аллахын гелӓн даавасы ичин, Феликс титсиленди да деди: «Шиндилик гит, ачан булаӂам вакыт, енидӓн чаардаӂам сени».

Romalılara 15:4

Хепси, не ӧнӂӓ йазылыйды, йазылды бизим ӱӱренмемиз ичин, ки дайанмаклан хем хавезленмӓклӓн Айоз Йазылардан умудумузу коруйалым.

Romalılara 2:7

Оннара, ким, дайма иилик йапарак, метинник, икрам хем ӧлӱмсӱзлӱк аарээр, дивеч йашамак вереӂек.

Romalılara 8:25

Ама еер умутланарсайдык она, не гӧрмеериз, дайанмаклан ону беклейӓбилириз.

1 Korіnflіlerä 9:25

Хепси, ким йарышэр атлетик ойуннарда, тутэрлар кендилерини заплы хербир ӱзерӓ. Оннар буну йапэрлар, ки бир сӧрпешӓр фенец казансыннар. Ама биз йапэрыз, ки сӧрпешмӓз фенец казаналым.

2 Korіnflіlerä 6:4

Ама хербир иш ӱзерӓ кендимизи ӧрнек гӧстерериз ниӂӓ Аллахын изметкерлери: чок дайанэрыз зеетлердӓ, зор хем сыкы вакытларда,

Galatіyalılara 5:23

йавашлык, кендини запетмӓк. Буннара каршы йок закон.

Koloslulara 1:11

каавиленӓсиниз хертӱрлӱ куветлӓн Онун метин кудрединӓ гӧрӓ, ки хепсинӓ севинчлӓн дайанасыныз хем сабурлу оласыныз,

1 Salonіklіlerä 1:3

Дайма анэрыз бизим Аллах Бобанын ӧнӱндӓ, несой инаннан ишлеерсиниз, несой севгийлӓн савашэрсыныз, да некадар дайанэрсыныз, умуду койарак бизим Сааби Иисус Христоза.

2 Salonіklіlerä 1:4

Ӧлӓ ки, биз кендимиз ӱӱнериз сизиннӓн Аллахын клиселериндӓ, сизин дайанманызлан хем инанынызлан хепси кооламакларда хем зеетлердӓ, ани сиз гечирерсиниз.

2 Salonіklіlerä 3:5

Сааби доорутсун сизин ӱреклеринизи Аллахын севгисинӓ хем Христозун дайанмасына.

1 Tіmofeyä 2:10

ама донатсыннар кендилерини иилик йапмаклан, ниӂӓ йакышэр карылара, ангылар деерлӓр, ани верилдилӓр Аллаха.

1 Tіmofeyä 2:2

падишахлар ичин хем хепси ӱӱсек заабитлӓр ичин, ки гечирелим раат хем услу бир йашамак, бӱтӱн верилмӓклӓн Аллаха хем кендинизи доору гӧтӱрмӓклӓн.

1 Tіmofeyä 3:16

Хич лафсыз, Аллахын йолунун саклылыы бӱӱктӱр: Аллах тенӂӓ гӧстерилди, Духлан Кендини доорулады, ангиллерӓ гӧрӱндӱ, миллетлердӓ насаат едилди, дӱннедӓ инаннан кабледилди, метинниклӓн йукары алынды.

1 Tіmofeyä 6:11

Ама сӓн, Аллах адамы, кач буннардан да излӓ доорулуу, Аллахын йолуну, инаны, севгилии, дайанмайы, йалпаклыы.

1 Tіmofeyä 6:3

Ким башка тӱрлӱ ӱӱредер да кайыл олмээр бизим Сааби Иисус Христозун саа сӧзлеринӓ хем Аллахын йакышыклы, уйгун ӱӱретмесинӓ,

1 Tіmofeyä 6:6

Аслыда бӱӱк казанчтыр Аллахын йолунда гитмӓӓ, шӱкӱр каларак онуннан, нейимиз вар.

2 Tіmofeyä 3:5

Кендилерини гӧстерерлӓр сансын Аллахын йолунда, ама йолун куведини инкӓр едерлӓр. Бутӱрлӱ инсаннардан узак дур.

Tіta 1:1

Бӓн, Павли, Аллахын чыраа, Иисус Христозун апостолу, йолланылмышым, ки Аллахтан сечилмиш оланнар инансыннар хем танысыннар аслылыы, ани тутунэр аллахчылыктан

Tіta 1:8

Олсун мусаафирӂи, ииликчи, есаплы, доору, аллахчы хем кендини кулланан.

Tіta 2:2

Сӧлӓ йашлы адамнара айык, кендини доору гӧтӱрӓн, есаплы, саа инанда, севгидӓ хем дайанмакта олсуннар.

Çıfıtlara 10:36

Сизӓ дайанмак лӓӓзымдыр, ки, таманнайып Аллахын истедиини, кабледӓсиниз, не аданмыш сизӓ.

Çıfıtlara 12:1

Онуштан, чӱнкӱ бизи долайлээр чок шаатлар, булут гиби, аталым бир тарафа хертӱрлӱ аарлыы хем хертӱрлӱ гӱнахы, ани колай долаштырэр бизи, да дайанмаклан йарышалым о качмакта, ани ӧнӱмӱздӓ.

Çıfıtlara 6:12

Истӓмеериз, хайлаз оласыныз, ама истеериз бензейӓсиниз оннара, ким инаннан хем дайанмаклан еденерлӓр адамаклары.

Çıfıtlara 6:15

Биткидӓ Авраам дайанмаклан каблетти, не аданды.

2 Petrіnіn 1:3

Аллахын кувединнӓн бизӓ баашланды хепси, не лӓӓзым йашамак ичин хем Аллахын йолунда гитмӓк ичин, чӱнкӱ таныйэрыз Ону, Ким бизи чаарды Кенди метиннииннӓн хем иилииннӓн,

2 Petrіnіn 3:11

Чӱнкӱ хепси бӧлӓ йок олаӂэк, озаман нетӱрлӱ инсаннар дӱшер оласыныз сиз? Йашаманыз лӓӓзым олсун айоз хем Аллаха верили,

Apokalіpsіs 1:9

Бӓн, Иоан, сизин кардашыныз, пай алэрым сизиннӓн барабар Иисусун зеетлериндӓ, падишахлыында хем дайанмасында. Булунардым бир адада, ады Патмос, Аллахын сӧзӱ ичин хем Иисусун шаатлыы ичин.

Apokalіpsіs 13:10

Ким лӓӓзым есирлӓӓ гитсин, есирлӓӓ гидеӂек, ким лӓӓзым кылычлан ӧлдӱрӱлсӱн, кылычлан ӧлдӱрӱлеӂек. Бу халда Аллахын айоз халкы лӓӓзым олсун сабур хем инанч.

Apokalіpsіs 14:12

Бу халда лӓӓзым сабурлу олсун Аллахын айоз халкы – оннар, ким Аллахын сымарламакларыны таманнээрлар хем инанч калэрлар Иисуса».

Apokalіpsіs 2:2

Билерим сенин йаптыкларыны, чалышманы хем сабурлууну хем ани кӧтӱ адамнара дайанамээрсын. Денедин оннары, ани кендилерини сайэрлар апостол, макар ки диил апостол, да аннадын, ки оннар йаланӂы.