2 Korіnflіlerä 9:8 - Ени Бааланты

⁸ Аллах каавийдир, ки зенгиннетсин сизи хербир иивергийлӓн, да сиздӓ херзаман хепси етӓр олсун, хем ӂӧмертликлӓн катыласыныз хербир ии ишӓ.

Enі Baalantı

⁸ Allah kaaviydir, ki zenginnetsin sizi herbir iivergiylän, da sizdä herzaman hepsi etär olsun, hem cömertliklän katılasınız herbir ii işä.

2 Korіnflіlerä 9:8 ပူးပေါင်းရင်းမြစ်များ

Yaptıklar 9:36

Иоппийа касабасында варды бир ӱӱрениӂи кары, ады Тавифа, ани аннамасы Серна. О херзаман иилик йапарды хем фукааралара йардым едӓрди.

1 Korіnflіlerä 15:58

Онуштан, севгили кардашларым, олун каави, сенделлӓмейин, херзаман чалышын Саабинин ишиндӓ, зерӓ билерсиниз, ани сизин чалышманыз Саабидӓ наафилӓ олмайаӂэк.

2 Korіnflіlerä 13:3

Сиз истеерсиниз бишей, ани гӧстерер, ки Христос беним аазымнан лафедер. О диил йуфка сизӓ каршы, ама каави ишлеер сиздӓ.

2 Korіnflіlerä 8:19

Бундан каарӓ, бу кардаш клиселердӓн сечилди, йол аркадашымыз олсун бу хайырлы изметчиликтӓ, не йапэрыз Саабинин метиннии ичин, ки ачылсын бизим хавезлиимиз йардым етмӓӓ.

2 Korіnflіlerä 8:2

Макар ки чок зеетлердӓн денендилӓр, оннарын чок севинчлери хем бӱӱк фукааралыы йапты оннары чок зенгин ӂӧмертли баашыш вермектӓ.

2 Korіnflіlerä 8:7

Ама ниӂӓ хер тарафтан ӱстӱннӱӱнӱз вар инанда, лафетмектӓ, билгидӓ, хертӱрлӱ чалышмакта хем севгидӓ, ани биз дебрештирдик сиздӓ, бакын бу хайырлы иштӓ дӓ ӱстӱн оласыныз.

2 Korіnflіlerä 9:11

Ӧлӓ, ки хер тарафтан зенгиннейеӂениз, ки ӂӧмерт олабилӓсиниз хер иштӓ, да баашышлар, ани бизим елимизлӓн йоллээрсыныз, Аллаха шӱкӱрлӱк гетирсин.

Efeslіlerä 2:10

Зерӓ биз – Аллахын усталыы, Иисус Христозда йарадылы, ки йапалым ииликлери, не Аллах ӧнӂӓ хазырлады, ки йашаркан таманнайалым.

Efeslіlerä 3:20

Аллах, биздӓ ишлейӓн кувединнӓн, вар насыл йапсын чок таа зеедӓ, некадар биз истеериз хем дӱшӱнериз.

Fіlіplіlerä 4:11

Деерим буну, диил ани беним зорум вар. Зерӓ бӓн ӱӱрендим шӱкӱр олайым о халда, ангысында булунэрым.

Koloslulara 1:10

Дуа едериз, ани йашаманыз Саабийӓ йакышсын да хербир иш ӱзерӓ беендирӓсиниз кендинизи Она, хертӱрлӱ ииликлӓрлӓн мейва гетирӓсиниз хем илерлейӓсиниз Ону танымакта,

2 Salonіklіlerä 2:17

ко сизи ӱреклендирсин хем каавилесин хербир ии ишлӓн хем лафлан.

2 Tіmofeyä 2:21

Ӧлӓ ки, ким икрамсыз ишлердӓн пакланаӂэк, о айозланмыш бир кап олаӂэк, икрамны ишлерӓ уйгун хем Чорбаӂыйа файдалы, хазыр йапсын хертӱрлӱ ии ишлӓр.

2 Tіmofeyä 3:17

ки Аллахын адамы олсун таман хем хертӱрлӱ ии иш йапмаа хазыр.

Tіta 2:14

О верди Кендини бизим ичин курбан олсун, ки куртарсын бизи хертӱрлӱ законсузлуктан да, паклайып, бир айыры инсан Кендинӓ йапсын, чалышкан ии ишлӓр йапмаа.

Tіta 3:14

Ко бизимкилӓр дӓ ӱӱренсиннӓр кендилерини вермӓӓ ии ишлерӓ да йардым етмӓӓ зорлукта оланнара, ки мейвасыз калмасыннар.

Tіta 3:8

Аслыдыр бу сӧз, да бӓн истеерим, ани сӓн буннары каавилейӓсин, ки оннар, ким Аллаха инанды, баксыннар кендилерини вермӓӓ ии ишлерӓ, зерӓ буннар ии хем файдалы адама.

1 Petrіnіn 4:10

Херкез измет етсин бири-биринӓ о айыры баашышлан, не Аллахтан каблетти, ниӂӓ оннар, ким ии кулланэр Аллахын хертӱрлӱ иивергисини.