2 Korіnflіlerä 3:7 - Ени Бааланты

⁷ Ӧлӱм гетирӓн изметчилик – ани ойулу букваларлан ташлар ӱстӱндӓ йазылыйды – ӧлӓ йалабыклы гелди, ки израиллилӓр бакамардылар Моисейин ӱзӱнӓ, макар ки онун ӱзӱндеки йалабыклык гечерлийди.

Enі Baalantı

⁷ Ölüm getirän izmetçilik – ani oyulu bukvalarlan taşlar üstündä yazılıydı – ölä yalabıklı geldi, ki izraillilär bakamardılar Moiseyin üzünä, makar ki onun üzündeki yalabıklık geçerliydi.

2 Korіnflіlerä 3:7 ပူးပေါင်းရင်းမြစ်များ

Yaptıklar 6:15

Хепси, ким отурурду Синедрионда, ачан бактылар Стефана, онун ӱзӱ гӧрӱндӱ бир ангил ӱзӱ гиби.

Romalılara 10:4

Зерӓ Христос – Законун биткиси, ки херкези, ким инанэр, доорулук еденсин.

Romalılara 4:15

Зерӓ Закон Аллахын ӱфкесини гетирер, ама нередӓ йок закон, орада йок закон басмасы да.

Romalılara 5:20

Айоз Закон сора верилди, ки кабаатлар зееделенсин, ама нередӓ гӱнах чоклашты, орада Аллахын иивергиси таа чок зееделенди,

Romalılara 7:10

Сымарламак, ани лӓӓзымды йашамак версин, бени ӧлӱмӓ гӧтӱрдӱ.

Romalılara 7:22

Ичйанкы адамдан хошлук алэрым Аллахын Законундан.

Romalılara 7:5

Зерӓ, йашаркан тенимизӓ гӧрӓ, гӱнахкер хавезлери, Закондан дебрештирилмиш, ишлӓрдилӓр бизим гӱӱдемизин еклериндӓ, да йаптыкларымызын мейвасы ӧлӱмдӱ.

1 Korіnflіlerä 13:10

Ама ачан таманнык гелеӂек, озаман хепси, не кедерли, йок олаӂэк.

2 Korіnflіlerä 3:3

Сиз кендиниз гӧстерерсиниз, ани Христозун кийадыйсыныз, бизим елимизлӓн гетирилмиш, йазылы диил чернилайлан, ама дири Аллахын Духуннан, йазылы диил таш таблалара, ама инсанын ӱреклеринин таблаларына.

2 Korіnflіlerä 3:6

О бизи беӂерикли йапты, ки ени баалантынын изметкерлери олалым. О бааланты тутунмээр йазылы буквалардан, ама Айоз Духтан. Зерӓ буква ӧлдӱрер, ама Дух ӧмӱр верер.

2 Korіnflіlerä 3:8

Ӧлейсӓ, некадар таа чок метинникли олаӂэк изметчилик, ангысы Духтан башланылмыш?

Galatіyalılara 3:10

Хепси, ким умутланэр, ани доору сайылаӂэк Закону таманнамаклан, бетва алтында булунэрлар, зерӓ вар йазылы: «Бетвалы хепси оннар, ким херзаман чалышмээр таманнасын хепсини, не Законун кийадында йазылы».

Galatіyalılara 3:21

Не дейеӂез? Закон каршы дурэр мы Аллахын адамакларына? Олмаз, бир сыра билӓ! Еер верилмиш олайды бир закон, ани гетирӓбилеӂейди йашамак, озаман доору, ани инсан доору сайылаӂэйды Закондан.

Çıfıtlara 12:18

Сиз йаклашмадыныз диилӓбиленӓ, атешлӓн тутушана, бир думана, бир караннаа йада бир фуртунайа,

Çıfıtlara 3:3

Онуштан Аллах уйгун булду, ани Иисуса таа бӱӱк метинник верилсин, некадар Моисейӓ, ӧлӓ ниӂӓ еви йапан таа чок хатырланэр, некадар ев.

Çıfıtlara 9:4

Бурадайды алтын алтар гӱннӱклемӓк ичин хем Бааланты Сандыы, ани хер тарафтан алтын йалдызлыйды. Бурада варды бир алтын кап маннайлан, Аронун филизленмиш бастону хем баалантынын дӱз ташлары.