2 Korіnflіlerä 3:3 - Ени Бааланты

³ Сиз кендиниз гӧстерерсиниз, ани Христозун кийадыйсыныз, бизим елимизлӓн гетирилмиш, йазылы диил чернилайлан, ама дири Аллахын Духуннан, йазылы диил таш таблалара, ама инсанын ӱреклеринин таблаларына.

Enі Baalantı

³ Siz kendiniz gösterersiniz, ani Hristozun kiyadıysınız, bizim elimizlän getirilmiş, yazılı diil çernilaylan, ama diri Allahın Duhunnan, yazılı diil taş tablalara, ama insanın üreklerinin tablalarına.

2 Korіnflіlerä 3:3 ပူးပေါင်းရင်းမြစ်များ

Matfey 16:16

Симон Петри ӂувап етти: «Сӓнсин Христос, дири Аллахын Оолу!»

1 Korіnflіlerä 3:5

Ким Павли? Ким Аполлос? Оннар изметкерлӓр, кимин йардымыннан сиз инандыныз. Сааби херкезинӓ кенди ишини верди.

2 Korіnflіlerä 3:6

О бизи беӂерикли йапты, ки ени баалантынын изметкерлери олалым. О бааланты тутунмээр йазылы буквалардан, ама Айоз Духтан. Зерӓ буква ӧлдӱрер, ама Дух ӧмӱр верер.

2 Korіnflіlerä 3:7

Ӧлӱм гетирӓн изметчилик – ани ойулу букваларлан ташлар ӱстӱндӓ йазылыйды – ӧлӓ йалабыклы гелди, ки израиллилӓр бакамардылар Моисейин ӱзӱнӓ, макар ки онун ӱзӱндеки йалабыклык гечерлийди.

2 Korіnflіlerä 6:16

Не кайыллык олэр Аллахын айоз бинасынын хем идолларын арасында? Чӱнкӱ сиз дири Аллахын айоз бинасыйсыныз, ниӂӓ деди Аллах: «Бӓн йашайаӂам хем гезеӂӓм оннарын арасында. Оннарын Аллахы олаӂам, оннар да Беним инсаным олаӂэк».

1 Salonіklіlerä 1:9

Зерӓ оннар кендилери сӧлеерлӓр, несой каблеттиниз бизи, ачан гелдик, да ниӂӓ идоллардан Аллаха дӧндӱнӱз, ки хакына хем дири Аллаха измет едӓсиниз,

Çıfıtlara 10:16

«Тӓ, будур бааланты, ани о гӱннердӓн сора оннарлан йапаӂам, деер Сааби: Беним законнарымы оннарын ӱреклеринӓ койаӂам хем оннарын фикирлеринӓ йазаӂам.

Çıfıtlara 8:10

Тӓ, будур бааланты, не Израил миллетиннӓн йапэрым о гӱннердӓн сора, деер Сааби: Беним законнарымы оннарын фикирлеринӓ койаӂам хем ӱреклеринӓ йазаӂам. Бӓн оннарын Аллахы олаӂам, оннар да Беним халкым олаӂэклар.

Çıfıtlara 9:14

некадар таа чок Христозун каны, Ангысы Дивеч Духлан Кендини лекесиз бир курбан гетирди Аллаха, паклайаӂэк сизин ӱзӱнӱзӱ ӧлӱ йаптыклардан, ки измет едӓсиниз дири Аллаха.

Apokalіpsіs 2:1

Ефес клисесинин ангилинӓ йаз: „Бӧлӓ деер О, Ким саа елиндӓ тутэр еди йылдызы, Ким гезер еди алтын шамдал арасында:

Apokalіpsіs 2:12

Пергама клисесинин ангилинӓ йаз: „Бӧлӓ деер О, Кимдӓ вар икиӱзлӱ кескин кылыч:

Apokalіpsіs 2:18

Фиатира клисесинин ангилинӓ йаз: „Бӧлӓ деер Аллахын Оолу, Кимин гӧзлери атеш йалыны гиби хем айаклары йалабык тунч гиби.

Apokalіpsіs 2:8

Смирна клисесинин ангилинӓ йаз: „Бӧлӓ деер О, Ким Баш хем Сон, Ким ӧлӱйдӱ хем дирилди:

Apokalіpsіs 3:1

Сардис клисесинин ангилинӓ йаз: „Бӧлӓ деер О, Кимдӓ вар Аллахын еди Духу хем еди йылдызы. Билерим сенин йаптыкларыны. Сӓн ад казандын, сансын дирийсин, ама ӧлӱйсӱн.

Apokalіpsіs 3:14

Лаодикийа клисесинин ангилинӓ йаз: „Бӧлӓ лафедер Амин, инанч хем доору шаат, башлайан Аллахын йаратмасыны.

Apokalіpsіs 3:22

Кимин вар кулаа, ишитсин, не Айоз Дух сӧлеер клиселерӓ“».

Apokalіpsіs 3:7

Филаделфийа клисесинин ангилинӓ йаз: „Бӧлӓ деер Айоз хем Доору Олан, Кимдӓ вар Давидин анатары, Ким ачэр, да кимсей капайамээр, капээр, да кимсей ачамээр.