2 Korіnflіlerä 3:14 - Ени Бааланты

¹⁴ Оннарын фикирлери капалыйды, зерӓ бӱӱнӓ кадар, окуйуп Ески Баалантыйы, хеп о чаршаф оннарын ӱзлериндӓ калэр алынмамыш, зерӓ чаршаф калдырылэр салт Христозун араӂылыыннан.

Enі Baalantı

¹⁴ Onnarın fikirleri kapalıydı, zerä büünä kadar, okuyup Eski Baalantıyı, hep o çarşaf onnarın üzlerindä kalêr alınmamış, zerä çarşaf kaldırılêr salt Hristozun aracılıınnan.

2 Korіnflіlerä 3:14 ပူးပေါင်းရင်းမြစ်များ

Matfey 13:11

Иисус ӂувап етти: «Чӱнкӱ сизӓ верилди, аннайасыныз Гӧк Падишахлыын саклылыкларыны, ама оннара верилмеди.

Matfey 16:17

Иисус деди: «Хелал сана, Симон, Ионанын оолу, зерӓ буну ачты сана диил тен хем кан, ама Беним Гӧктеки Бобам.

Matfey 6:23

Ама сенин гӧзӱн кӧтӱсейди, бӱтӱн гӱӱдӓн каранныкта калаӂэк. Ӧлӓ ки, еер айдыннык, ани вар сендӓ, караннык оларсайды, не бӱӱктӱр бу караннык!

İoan 12:40

«Аллах оннарын гӧзлерини кӧӧр етти, ӱреклерини четиннетти, ки гӧрмесиннӓр гӧзлериннӓн, аннамасыннар ӱреклериннӓн да дӧнмесиннӓр Бана, ки алыштырайым оннары».

İoan 12:46

Бӓн гелдим олмаа айдыннык бу дӱннедӓ, ким инанаӂэк Бана, калмасын каранныкта дейни.

İoan 8:12

Иисус енидӓн лафетти инсана. «Бӓн дӱннейин айдынныыйым, – деди. – Ким гелер Беним ардыма, гезмейеӂек каранныкта, ама онда йашамак айдынныы олаӂэк».

Yaptıklar 13:15

Ачан окунурду Закон хем пророкларын йазыларындан, синагоганын ӧндерӂилери йолладылар, ки сорсуннар оннара: «Кардашлар, еер варсайды бир насаадыныз инсана, сӧлейин».

Yaptıklar 15:21

Чӱнкӱ таа евел вакытлардан хербир касабада вар адамнар, ангылары насаат едерлӓр Моисейин Законуну, ани окунэр хер ӂумертеси синагогаларда».

Yaptıklar 16:14

Аллахтан коркан бир кары, ады Лидийа, кып-кырмызы без сатыӂысыйды Фийатира касабасындан, сеслӓрди бизи. Сааби ачты онун ӱреени, ки есап алсын Павлинин лафларыны.

Yaptıklar 26:18

ки ачасын оннарын гӧзлерини, да дӧнсӱннӓр каранныктан айдыннаа хем шейтанын кувединдӓн Аллаха, еденсиннӓр афетмӓк гӱнахларындан хем бир пай оннарлан, ким айозланэр инаннан Бана“.

Romalılara 11:25

Кардашлар, истӓмеерим, ани бу саклы иши билмейӓсиниз. Бу сизи коруйаӂэк, кендинизи аариф сайасыныз. Израил бир парча вакыда инатлашты, башка миллетлердӓн инанӂыларын сайысы таманнанынӂа.

2 Korіnflіlerä 3:15

Бӱӱнӓ кадар, Моисейи окуйуп, чаршаф ӧртӓр оннарын ӱреклерини.

2 Korіnflіlerä 3:6

О бизи беӂерикли йапты, ки ени баалантынын изметкерлери олалым. О бааланты тутунмээр йазылы буквалардан, ама Айоз Духтан. Зерӓ буква ӧлдӱрер, ама Дух ӧмӱр верер.

2 Korіnflіlerä 4:6

Зерӓ Аллах, Ким деди: «Айдыннык шафк етсин каранныктан», О айдыннатты ӱреклеримизи, ки таныйалым Аллахын метинниини, ани шафк едер Иисус Христозун ӱзӱндӓн.

Efeslіlerä 4:18

Оннарын фикирлери карарды, Аллахын йашамасына йабанӂы олдулар, зерӓ билмезлӓӓ дӱштӱлӓр хем ӱреклери инатлашты.