2 Korіnflіlerä 13:5 - Ени Бааланты

⁵ Кендинизи денейин да бакын, булунэрсыныз мы инанда? Кендинизи аараштырын. Оса танымээрсыныз мы, ани Иисус Христос сиздӓ? Башка тӱрлӱ сиз денемектӓн гечмемишиниз.

Enі Baalantı

⁵ Kendinizi deneyin da bakın, bulunêrsınız mı inanda? Kendinizi aaraştırın. Osa tanımêêrsınız mı, ani İisus Hristos sizdä? Başka türlü siz denemektän geçmemişiniz.

2 Korіnflіlerä 13:5 ပူးပေါင်းရင်းမြစ်များ

İoan 14:23

Доору ӂувап етти Иисус: «Ким север Бени, о таманнээр Беним сӧзӱмӱ. Бобам да ону север, биз она гелеӂез да барабар йашайаӂэз.

İoan 15:4

Калын Бендӓ, Бӓн дӓ калаӂам сиздӓ. Ниӂӓ баа чыбыы йок насыл кендилииндӓн гетирсин ӱзӱм, еер калмарсайды чотукта, хеп ӧлӓ сиз дӓ, еер калмарсайдыныз Бендӓ.

İoan 17:23

Бӓн оннарда, Сӓн дӓ Бендӓ, ки оннар таман бирликтӓ олсуннар, да дӱннӓ танысын, ани Сӓн Бени йолладын хем севдин оннары, ниӂӓ дӓ Бени севдин.

İoan 17:26

Бӓн Сенин адыны ачтым хем таа ачаӂам да, ки о севги, ангысыннан Сӓн Бени севдин, олсун оннарда, хем Бӓн дӓ олайым оннарлан».

İoan 6:56

Ким ийер Беним гӱӱдеми хем ичер Беним канымы, о калэр Бендӓ, Бӓн дӓ онда.

İoan 6:6

Сӧледи бӧлӓ, ки денесин ону, зерӓ Кендиси билӓрди, не йапаӂэк.

Romalılara 1:28

Чӱнкӱ Аллахы танымакта файда гӧрмедилӓр, Аллах оннары файдасыз фикирлеринӓ бракты, йапсыннар, не диил лӓӓзым.

Romalılara 8:10

Еер Христос сиздӓйседи, гӱӱдениз ӧлӱ, чӱнкӱ гӱнах йаптыныз, ама духунуз дири, чӱнкӱ доору сайылдыныз.

1 Korіnflіlerä 11:28

Херкези аараштырсын кенди-кендини да ӧлӓ исин бу екмектӓн хем ичсин бу чӧлмектӓн.

1 Korіnflіlerä 11:31

Еер кенди-кендимизи аараштырарсайдык, Аллах бизи ӂезаламаз.

1 Korіnflіlerä 3:16

Билмеерсиниз ми, ани сиз Аллахын айоз бинасы, хем ани Аллахын Духу сиздӓ йашээр?

1 Korіnflіlerä 6:15

Билмеерсиниз ми, ани сизин гӱӱделериниз – Христозун еклери? Не, Христозун еклерини алып, йапайым оннары ороспулук еклери ми? Олмаз!

1 Korіnflіlerä 6:19

Не, билмеерсиниз ми, ани гӱӱдениз – Духун айоз бинасы, нередӓ Айоз Дух булунэр, хем Ону Аллахтан каблеттиниз? Сиз кенди-кендинизин диилсиниз.

1 Korіnflіlerä 6:2

Билмеерсиниз ми, ани Аллахын айоз халкы даава кесеӂек бу дӱннейӓ? Еер дӱннейӓ даава кесӓрсейдиниз, кӱчӱк ишлердӓ даава кесӓмӓрсиниз ми?

1 Korіnflіlerä 9:24

Билмеерсиниз ми, ани ким йарышмакта йарышэр, хепси качып-йарышэр, ама салт бириси баашыш казанэр? Сиз ӧлӓ качын, ки баашыш казанабилӓсиниз!

1 Korіnflіlerä 9:27

Ама кенди гӱӱдеми серт кулланэрым да запта тутэрым. Зерӓ истӓмеерим, ки насаат едип башкасына, сонда кендим бир тарафта калайым.

2 Korіnflіlerä 6:16

Не кайыллык олэр Аллахын айоз бинасынын хем идолларын арасында? Чӱнкӱ сиз дири Аллахын айоз бинасыйсыныз, ниӂӓ деди Аллах: «Бӓн йашайаӂам хем гезеӂӓм оннарын арасында. Оннарын Аллахы олаӂам, оннар да Беним инсаным олаӂэк».

Galatіyalılara 2:20

Бӓн ставроза герилмиш олдум Христозлан барабар. Шиндӓн сора бӓн йашамээрым, ама Христос бендӓ йашээр. Бу йашамак, ани шинди йашээрым гӱӱдейлӓн, йашээрым инаннан Аллахын Оолуна, Ангысы бени севди да Кендисини беним ичин верди.

Galatіyalılara 4:19

Бӓн сизин ичин, ушакларым, енидӓн ана зеетлериндейим, о вакыдадан, ачан сиз етишеӂениз Христос гиби оласыныз.

Galatіyalılara 6:4

Херкез аараштырсын кенди ишлерини, да озаман олаӂэк насыл ӱӱнсӱн кенди ишиннӓн, ама диил башкасынын ишиннӓн.

Efeslіlerä 3:17

ки инаннан Христос сизин ӱреклериниздӓ йашасын.

Koloslulara 1:23

Бу олур, еер сиз темелленмиш хем салланмадык инанда дурурсайдыныз да йыракланмарсайдыныз умуттан, ани гелер Ии Хабердӓн. Сиз ишиттиниз бу Ии Хабери, ангысы насаат олунду хепси инсаннара гӧк алтында. Бӓн, Павли, бу Ии Хаберин изметкерийим.

Koloslulara 1:27

Аллах истеди гӧстерсин оннара, некадар шанны хем зенгиндир миллетлӓр арасында бу саклы курулмуш. О – Христостур, метинник умуду, ани сиздӓ булунэр.

Koloslulara 2:19

да тутунмээр Баштан, Кимдӓн бӱтӱн гӱӱдӓ еклери хем баалантылары йардымыннан бесленер хем бирлештирилер, да башарэр, бӱӱйерӓк Аллахын йардымыннан.

Koloslulara 2:7

Кӧклешин хем темелленин Онда, каавилешин инанда, ниӂӓ ӱӱрендиниз, херзаман шӱкӱр едерӓк Аллаха.

1 Tіmofeyä 2:15

Ама кары куртулаӂэк Ушаан дуумасыннан, еер саа фикирлӓн йашарса инанда, севгидӓ хем айозлукта.

2 Tіmofeyä 3:8

Ниӂӓ Йаннис хем Йамбрис Моисейӓ каршы калктылар, хеп ӧлӓ буннар да аслылаа каршы дурэрлар. Оннар – бозук фикирли, инан ичин рет едилмиш инсаннар.

Tіta 1:13

Бу лаф доору. Онуштан кескин азарла оннары, ки инанда саа дурсуннар

Tіta 1:16

Оннар деерлӓр, ани Аллахы таныйэрлар, ама кенди йаптыкларыннан Аллахы инкӓр едерлӓр, зерӓ оннар ииренч хем канырык инсаннар, бир дӓ ии ишӓ йарамаз.

Tіta 2:2

Сӧлӓ йашлы адамнара айык, кендини доору гӧтӱрӓн, есаплы, саа инанда, севгидӓ хем дайанмакта олсуннар.

Çıfıtlara 12:15

Есап алын, ки биркимсей качырмасын Аллахын хайырыны. Бир зихирли кӧк, пейдаланып, сизӓ зарар йапмасын да улаштырмасын чойуну.

Çıfıtlara 4:1

Аллахын адамасы таа узанэр, ки гирӓбилелим Онун раатлыына. Онуштан, сакыналым, ки биркимсей сиздӓн биртӱрлӱ бу раатлаа етишмесин.

Çıfıtlara 6:8

Ама еер бу ер бӱӱдӓрсейди чалы хем гӱрлӱк, о бишейӓ йарамаз, йакындыр бетваланмаа. О биткидӓ йакылэр атештӓ.

İakovun 4:4

Сиз ороспулар! Билмеерсиниз ми, ани дӱннейлӓн достлук – Аллаха душманнык! Ӧлӓ ки, ким истеер дӱннейлӓн дост олмаа, о душман олэр Аллаха.

1 Petrіnіn 5:9

Она каршы дурун каави инаннан, билерӓк ани хеп бӧлӓ зеетлери гечирерлӓр сизин кардашларыныз дӱннейин херериндӓ.

Apokalіpsіs 2:5

Онуштан аклына гетир, нередӓн дӱштӱн, гӱнахларындан бана дӧн да йап баштанкы ишлери. Башка тӱрлӱ, гелеӂӓм да шамдалыны ериндӓн алаӂам, еер гӱнахларындан бана дӧнмӓрсейдин.