2 Korіnflіlerä 13:4 - Ени Бааланты

⁴ Доору, ани О ставроза герилди йуфкалыктан, ама шинди йашээр Аллахын кувединнӓн. Хеп ӧлӓ биз дӓ йуфкайыз Онда, ама Аллахын кувединнӓн йашайаӂэз Онуннан барабар сизин файданыз ичин.

Enі Baalantı

⁴ Dooru, ani O stavroza gerildi yufkalıktan, ama şindi yaşêêr Allahın kuvedinnän. Hep ölä biz dä yufkayız Onda, ama Allahın kuvedinnän yaşayacez Onunnan barabar sizin faydanız için.

2 Korіnflіlerä 13:4 ပူးပေါင်းရင်းမြစ်များ

İoan 10:18

Кимсей ону зорлан алмээр Бендӓн, ама Бӓн Кенди истедиимдӓн верерим. Вар куведим верейим хем вар куведим геери алайым. Бу сымарламайы Бӓн каблеттим Беним Бобамдан».

Yaptıklar 2:36

Бӱтӱн Израил халкы ии билсин, ани Аллах йапты Иисусу Чорбаӂы хем Христос. Одур, Кими ставроза гердиниз».

Yaptıklar 3:16

Инаннан Онун адына бу адам каавилештирилди, ангысыны гӧрерсиниз хем таныйэрсыныз. Инан Иисуса бу адама саалык верди, ниӂӓ хепсиниз гӧрерсиниз.

Romalılara 1:4

ама Кенди айоз духуннан, куветлӓн белли олду, ани О Аллахын Оолу, зерӓ ӧлӱмдӓн дирилди.

Romalılara 14:9

Зерӓ Христос онуштан ӧлдӱ хем дирилди, ки чорбаӂылык етсин ӧлӱлерин хем дирилерин ӱстӱнӓ.

Romalılara 6:4

Биз ваатиз олмаклан ӧлӱмӓ гӧмӱлдӱк Онуннан барабар, ки ниӂӓ Христос Бобанын метиннииннӓн ӧлӱдӓн дирилди, хеп ӧлӓ биз дӓ бир ени ӧмӱрдӓ йашайалым.

1 Korіnflіlerä 1:25

Зерӓ Аллахчасына акылсызлык таа аарифтир инсанӂасына аарифликтӓн, Аллахчасына йуфкалык таа каавийдир инсанӂасына куветтӓн.

1 Korіnflіlerä 15:43

Гӧмӱлӓн гӱӱдӓ сайгысыздыр, дирилӓн гӱӱдӓ метинни олаӂэк; гӧмӱлӓн йуфкадыр, дирилӓн куветли олаӂэк.

1 Korіnflіlerä 2:3

Бӓн кендим сизин аранызда йуфкайдым, коркардым хем чок титирӓрдим!

1 Korіnflіlerä 6:14

Аллах, Ким дирилтти Саабийи, дирилдеӂек бизи дӓ Кенди кувединнӓн.

2 Korіnflіlerä 10:10

Зерӓ деерлӓр: «Онун кийатлары кескин хем каави, ама кендиси биздейкӓн, гӱӱдеси йуфка, лафы да каба».

2 Korіnflіlerä 12:10

Онуштан хошлук булэрым йуфкалыкта, ашааланмакта, зорлукта, кооламакта хем сыкынтыда Христоз ичин. Зерӓ, ачан йуфкайым, озаман бӓн каавийим.

2 Korіnflіlerä 13:9

Севинериз, ачан биз йуфка, ама сиз каавийсиниз. Бунун ичин биз дуа едериз, ки сиз таман оласыныз.

Fіlіplіlerä 3:10

Истеерим таныйым Ону хем дирилмесинин куведини, пай алайым Онун зеетлериндӓн хем ӧлӱмӱннӓн Она бензӓр олайым,

Çıfıtlara 5:7

Христос, тенӂӓ йашамасында, дуа етти. Йашлар гӧзлериндӓ бӱӱк сеслӓн йалварды Аллаха, Ангысы Ону ӧлӱмдӓн куртарабилир. Онун аллахчылыы ичин Аллах Ону ишитти.

1 Petrіnіn 3:18

Чӱнкӱ Христос, гетирсин бизи Аллаха дейни, бир керӓ ӧлдӱ гӱнахларымыз ичин, доору олан доору олмайаннар ичин. О гӱӱдейӂесинӓ ӧлдӱрӱлдӱ, ама духчасына дирилдилди.

1 Petrіnіn 3:22

Христос гӧкӓ калкты да Аллахын саа тарафында отурду. Онун запына верилдилӓр ангиллӓр, заабитликлӓр хем куветлӓр.