2 Korіnflіlerä 11:3 - Ени Бааланты

³ Ама коркэрым, ки, ниӂӓ йылан шалвирлииннӓн алдатты Евайы, хеп ӧлӓ сизин фикирлериниз дӓ, бозулуп, сапар сизин пак хем хализ инандан Христоза.

Enі Baalantı

³ Ama korkêrım, ki, nicä yılan şalvirliinnän aldattı Evayı, hep ölä sizin fikirleriniz dä, bozulup, sapar sizin pak hem haliz inandan Hristoza.

2 Korіnflіlerä 11:3 ပူးပေါင်းရင်းမြစ်များ

Matfey 24:24

Зерӓ пейдаланаӂэк йаланӂы христослар хем йаланӂы пророклар. Йапаӂэклар бӱӱк нышаннар хем шашмаклы ишлӓр, алдатсыннар дейни, оларсайды колай, артык сечилмиш оланнары да.

İoan 8:44

Сизин бобаныз – диавол, да истеерсиниз таманнайасыныз сизин бобанызын шефклерини. О баштан инсан ӧлдӱрӱӂӱсӱйдӱ, дурмээр аслылыкта, зерӓ онда йок аслылык. Кач сыра сӧлеер бирӓр йалан, сӧлеер кенди табеетинӓ гӧрӓ, зерӓ о йаланӂы хем йаланын бобасы.

Romalılara 12:8

Беӂерӓрсейди гиргиннетмӓӓ, гиргиннетсин. Беӂерӓрсейди пайетмӓӓ, ӂӧмертликлӓн пайетсин, не вар онда. Ӧндерӂисейди, чалышкан олсун. Ким башкаларына йардым едер, буну йапсын севинчлӓн.

2 Korіnflіlerä 1:12

Бунуннан ӱӱнериз, пак ӱзлӓн буну вар насыл сӧлейелим, ани биз дӱннедӓ хем маасуз сизин аранызда йашадык, хализликлӓн верилип Аллаха, диил инсан аарифлиинӓ гӧрӓ, ама Аллахын иивергисинӓ гӧрӓ.

2 Korіnflіlerä 11:20

Хакына сиз дайанэрсыныз, ачан биркимсей сизи чырак еринӓ кулланэр, ачан йудар хем сойар сизи, ачан кабарэр ӧнӱнӱздӓ хем ӱзӱнӱзӓ урэр.

2 Korіnflіlerä 11:29

Ким йуфкаланды, да бӓн йуфка олмадым? Ким кӧстекленди, да бӓн онун ичин йанмадым?

2 Korіnflіlerä 2:17

Зерӓ биз чойу гиби бозмээрыз Аллахын сӧзӱнӱ, ки безиргенник йапалым, ама насаат едериз Аллахын ӧнӱндӓ бир темиз ӱректӓн, ниӂӓ оннар, ким Аллахтан йолланмыш хем Христоза инанэр.

2 Korіnflіlerä 4:2

Ама бракылдык саклы айып ишлердӓн, бакмээрыз шалвирленмӓӓ хем Аллахын сӧзӱнӓ бишей катмээрыз, ама аслылыы ачыклайарак, кендимизи хепси инсанын ӱзӱндӓ хем Аллахын ӧнӱндӓ темиз гӧстерериз.

Galatіyalılara 1:6

Шашэрым, не тез дӧнерсиниз Ондан, Ким Христозун иивергисиннӓн чаарды сизи бир диишик ии хаберӓ.

Galatіyalılara 2:4

Ама варды йаланӂы кардашлар, ани, саклы сокулуп, сыйындылар бизим арамыза, ки гӧзлетсиннӓр сербестлии, ани едендик Иисус Христозда, бизи чыраклаа гӧтӱрсӱннӓр дейни.

Galatіyalılara 3:1

Ей, фикирсиз галатийалылар! Ким бӱӱледи сизи, /ки сеслӓмейӓсиниз аслылыы/? Гӧзлериниз ӧнӱндӓ ачык гӧстерилди, ниӂӓ Иисус Христос ставроза герилмиш олду.

Galatіyalılara 4:11

Сизин ичин коркэрым, сиздӓ савашмам наафилӓ калмасын.

Efeslіlerä 4:14

Озаман артык олмайаӂэз ушаклар гиби, ангылары салланэрлар далгаларлан хем сӱрӱкленерлӓр лӱзгерлӓрлӓн – хертӱрлӱ ӱӱренмӓклӓн, ани инсаннар гетирерлӓр шалвирликлӓн хем ширетликлӓн, ки башкаларыны, алдадып, йолдан саптырсыннар.

Efeslіlerä 4:22

Бутакым, гечмиш йашаманыза гӧрӓ бракылын ески адамныктан, ангысы бозулэр алдангач хавезлӓрлӓн.

Efeslіlerä 6:24

Ииверги олсун хепсиннӓн, ким север Саабимизи Иисус Христозу ӧлӱмсӱз севгийлӓн. /Амин./

Koloslulara 2:18

Кимсей баашышынызы капмасын, истейерӓк, оласыныз мӱнӱз хем верили ангиллерӓ. Бӧлӓ бир адам карышэр оннара, не кенди гӧрмеди, бошуна кабарэр кенди тенин фикириннӓн

Koloslulara 2:4

Буну сӧлеерим, ки биркимсей сизи йанылтмасын кулаа назландыран лафларлан.

Koloslulara 2:8

Бакын, кардашлар, ки биркимсей сизи есир алмасын философлуклан, бошуна алдангач лафларлан, инсанын адетлеринӓ гӧрӓ, бу дӱннейин башланкы ӱӱретмеклеринӓ гӧрӓ, ама диил Христоза гӧрӓ.

1 Salonіklіlerä 3:5

Онуштан бӓн зеедӓ дайанамайарак, йолладым Тимофейи, ки аннайым сизин инаныныз ичин. Коркардым, ани биртӱрлӱ сизи денейиӂи алдатмасын, да бизим ишимиз бошуна калмасын.

1 Tіmofeyä 1:3

Ниӂӓ Македонийайа гидӓркӓн йалвардым сана, лӓӓзым каласын Ефес касабасында, ки сымарлайасын бир бойуна, ӱӱретмесиннӓр башка тӱрлӱ

1 Tіmofeyä 2:14

хем Адам алдадылмады, ама кары алдадылды да гӱнаха дӱштӱ.

2 Tіmofeyä 3:13

Кӧтӱ инсаннар хем шарлатаннар кӧтӱлӱктӓ гиттикчӓ илерлейеӂеклӓр, башкаларыны алдадарак, кендилери дӓ алданарак.

Tіta 1:10

Зерӓ вар чок инсан, калкынтыӂы, бошуна лафедӓн хем йаланӂы, таа чок кесикли оланнардан.

Çıfıtlara 13:9

Хертӱрлӱ фасыл ӱӱренмеклерин ардына такылмайын, зерӓ иидир ӱреенизи каавилейӓсиниз Аллахын хайырыннан, диил айыры имеклӓрлӓн, ани кимсейӓ файда олмады, ким оннара верилди.

2 Petrіnіn 3:17

Онуштан, севгили кардашлар, ӧнӂӓ билерӓк буннары, сакынын, ки бу законсуз кишилӓр гиби йанныш йолдан гитмейӓсиниз да кенди карарыныздан сапмайасыныз.

2 Petrіnіn 3:3

Хепсиндӓн ӧнӂӓ билиниз, ани битки гӱннердӓ пейдаланаӂэк гӱлмӓӓ алыӂылар, ангылары йашайаӂэклар кенди истедиклеринӓ гӧрӓ.

1 İoanın 2:18

Ушакларым! Бу – битки вакыт. Ниӂӓ ишиттиниз, ани гелеӂек антихрист, тӓ шинди пейдаланды чок антихрист. Бундан аннээрыз, ани бу – битки вакыт.

1 İoanın 4:1

Севгили кардашлар! Хербир духу инанмайын, ама денейин духлары, ки гӧрӓсиниз, Аллахтан мы? Зерӓ бу дӱннедӓ чыкты чок йаланӂы пророк.

İudanın 1:4

Зерӓ араныза сыйынды кими адамнар, ангылар евелдӓн ӂеза ичин сыраланмыш, аллахсызлар, ани Аллахын хайырыны чевирерлӓр тербеесизлӓӓ да атылэрлар бизим бириӂик Чорбаӂымыздан, Саабимиздӓн, Иисус Христоздан.

Apokalіpsіs 12:15

Дракон кенди аазындан су салверди, ниӂӓ бир акар дерӓ, карынын ардына, ки ону, селлӓн алып, гӧтӱрсӱн.

Apokalіpsіs 12:9

Бӱӱк дракон, евелки йылан, ангысына денер диавол хем шейтан, ани бӱтӱн дӱннейи алдадэр, ерӓ атылды хем онуннан барабар онун ангиллери дӓ.

Apokalіpsіs 20:2

О тутту дракону, евелки йыланы, ангысы – диавол хем шейтан, да баалады ону бин йыла.