2 Korіnflіlerä 11:23 - Ени Бааланты

²³ Оннар Христозун изметкерлери ми? Дели гиби лафедерим! Бӓн оннардан таа ӱстӱн изметкерим. Бӓн таа чок чалыштым, таа чок капана дӱштӱм, сайысыз сыра дайак идим, чок сыра ӧлӱм дӧшеендӓ булундум.

Enі Baalantı

²³ Onnar Hristozun izmetkerleri mi? Deli gibi lafederim! Bän onnardan taa üstün izmetkerim. Bän taa çok çalıştım, taa çok kapana düştüm, sayısız sıra dayak idim, çok sıra ölüm döşeendä bulundum.

2 Korіnflіlerä 11:23 ပူးပေါင်းရင်းမြစ်များ

Yaptıklar 14:19

Антиохийа хем Иконийа касабаларындан гелди биркач иудей да, инсаны кенди тарафларына чекип, дӱӱдӱлӓр Павлийи ташлан, сора санарак, ани ӧлдӱ, сӱрӱдӱлӓр касабадан дышары.

Yaptıklar 20:23

Саде хербир касабада Айоз Дух бана хаберлеер, ки орада бени синӂирлӓр хем зеетлӓр беклеер.

Yaptıklar 21:11

О гелди йанымыза, алды Павлинин кушааны, баалады кенди еллерини хем айакларыны да деди: «Тӓ, не деер Айоз Дух: „Бӧлӓ иудейлӓр баалайаӂэклар Иерусалимдӓ бу адамы, кимин бу кушак, да вереӂеклӓр тайфӓннарын елинӓ“».

Yaptıklar 25:14

Чӱнкӱ чок гӱн орада булундулар, Фест аннатты падишаха, ниӂӓ дурэр Павлинин иши, да деди: «Бурада калма Феликстӓн вар бир капанӂы.

Yaptıklar 27:1

Ачан карар алынды, ки Италийайа ӱзелим гемийлӓн, Павлийи хем таа биркач капанӂыйы вердилӓр бир ӱзбашынын елинӓ, Августун полкундан, ады Иулий.

Yaptıklar 28:16

Биз етиштик Рома касабасына, /аскер ӱзбашы верди капанӂылары бекчилерин заабидинӓ, ама/ Павлийӓ изин верилди, айыры йашасын бир аскерлӓн, ангысы беклӓрди ону.

Yaptıklar 28:30

Павли йашады таман ики йыл бир евдӓ, ангысыны кендиси кирайлан тутту. Бурада кабледӓрди хепсини, ким она гелӓрди,

Yaptıklar 9:16

Бӓн гӧстереӂӓм она, некадар лӓӓзым чексин Беним адым ичин».

Romalılara 8:36

Ниӂӓ вар йазылы: «Сенин бетеринӓ херзаман ӧлӱмӓ верилериз. Сайэрлар бизи койуннар еринӓ, ани кесилеӂек».

1 Korіnflіlerä 15:10

Ама шинди нейсӓм, Аллахын иивергисиннӓн ӧлейим. Онун иивергиси беним ичин наафилӓ олмады. Бӓн ишледим таа чок хепси апостоллардан – доорусу, диил бӓн, ама Аллахын иивергиси, ани бенимнӓн ишлеер.

1 Korіnflіlerä 3:5

Ким Павли? Ким Аполлос? Оннар изметкерлӓр, кимин йардымыннан сиз инандыныз. Сааби херкезинӓ кенди ишини верди.

1 Korіnflіlerä 4:1

Кимин гиби инсаннар бизи лӓӓзым сайсын: Христозун изметкерлери хем Аллахын саклы ишлеринин векиллери.

1 Korіnflіlerä 4:11

Шиндийӓ кадар чекериз аачлык, сусузлук, чыплаклык хем дӱӱлериз, ердӓн ерӓ гезериз,

1 Korіnflіlerä 4:9

Санэрым, ани Аллах бизи, апостоллары, ортайа чыкарды ен сонда, сансын оннары, ким ӧлӱмӓ даава едилмиш. Зерӓ олдук ниӂӓ бир серги бӱтӱн дӱннейӓ – хем ангиллерӓ, хем инсаннара.

2 Korіnflіlerä 10:7

Бакын ӧнӱнӱзӓ. Ким инанэр, ани кендиси Христозун, о дӱшӱнсӱн, ниӂӓ о Христозун, ӧлӓ биз дӓ Христозунуз.

2 Korіnflіlerä 11:5

Ама бӓн санэрым, ани бу «ӱстӱн апостоллардан» бӓн таа ашаа диилим.

2 Korіnflіlerä 3:6

О бизи беӂерикли йапты, ки ени баалантынын изметкерлери олалым. О бааланты тутунмээр йазылы буквалардан, ама Айоз Духтан. Зерӓ буква ӧлдӱрер, ама Дух ӧмӱр верер.

2 Korіnflіlerä 4:11

Зерӓ биз йашайаннар херзаман ӧлӱмӓ верилийиз Иисус ичин, ки Иисусун йашамасы ачылсын бизим ӧлӱмнӱ гӱӱдемиздӓ.

2 Korіnflіlerä 6:9

Сансын танынмайан кишилӓриз, ама бизи ии таныйэрлар. Бизи ӧлӱ сайэрлар, ама биз йашээрыз. Бизи дӱӱйерлӓр, ама биз ӧлӱмӓ верилмеериз.

Galatіyalılara 6:17

Илери доору кимсей бана кахыр йапмасын, зерӓ Иисусун йараларыны ташыйэрым беним гӱӱдемдӓ.

Efeslіlerä 3:1

Онуштан бӓн, Павли, Иисус Христозун изметиндӓ капана дӱштӱм сизин ичин, ангыныз башка миллетлердӓн.

Efeslіlerä 4:1

Бутакым насаатлээрым сизи бӓн, Сааби ичин капанӂы, йашаманыз йакышыклы олсун Онун чаармасына гӧрӓ, ангысыны каблеттиниз.

Efeslіlerä 6:20

ангысы ичин бӓн бир елчи гибийим, синӂирлӓрлӓн баалы. Дуа един, ани Ии Хабери кыйышмаклан билдирейим, ки, ниӂӓ дӱшер, лафедейим.

Fіlіplіlerä 1:13

Ӧлӓ ки аннады херкези императорун бинасында хем хепси калан инсаннар, ани бӓн синӂирлӓрлӓн баалыйым Христос ичин.

Fіlіplіlerä 2:17

Ниӂӓ шарап дӧкӱлер курбанын ӱстӱнӓ, хеп ӧлӓ беним каным да лӓӓзым дӧкӱлсӱн, ки таманнансын сизин инанынызын изметчилии. Ама хеп окадар севинерим хем хепсинизин севинмелииниздӓн пай алэрым.

Koloslulara 1:24

Шинди, зеетленерӓк сизин ичин, бӓн севинерим. Чӱнкӱ кенди тенимдӓ таманнээрым, не Христозун зеетлериндӓн калды чекилмедик Онун гӱӱдеси ичин, ангысы – клисӓ.

Koloslulara 1:29

Тӓ бунун ичин бӓн савашып ишлеерим, чалышарак Онун кувединнӓн, ани бендӓ.

1 Salonіklіlerä 3:2

да йолладык Тимофейи, бизим кардашы хем кафадары Аллах ичин, ки Христозун Ии Хаберини насаат етсин да каавилесин хем гиргиннетсин сизи инанда,

1 Tіmofeyä 4:6

Еер буннары кардашлара аннадырсайдын, Иисус Христозун бир ии изметкери олаӂан, бесленмиш инан сӧзлериннӓн хем ии ӱӱретмӓклӓн, не изледин шиндийӓ кадар.

2 Tіmofeyä 1:16

Сааби Онисифорун евинӓ аӂыйаннык версин, зерӓ о чок сыра бени иилендирди хем утанмады беним синӂирлеримдӓн,

2 Tіmofeyä 1:8

Онуштан, утанма шаатлык етмӓӓ бизим Сааби ичин хем утанма бендӓн дӓ, ани капана дӱштӱм Онун ичин, ама бенимнӓн пай ал зеетленмектӓ Ии Хабер ичин Аллахын кувединнӓн.

2 Tіmofeyä 2:9

Онуштан зеет чекерим, артык синӂирлӓрлӓн баалайым ниӂӓ бир фена йапыӂы, ама Аллахын сӧзӱ синӂирлӓн бааланмаз.

2 Tіmofeyä 3:11

кооламаклары хем зеетлери, ани башыма гелди Антиохийа, Иконийа хем Листра касабаларында. Не кооламаклар гечирдим! Ама хепсиндӓн Сааби куртарды.

Fіlіmona 1:9

сайэрым, таа ислӓӓ йалварайым сана севгийлӓн. Зерӓ йалваран диил башкасы, ама бӓн, ихтӓр Павли, ани шинди Иисус Христос ичин капанӂы.

Çıfıtlara 10:34

Сиз аӂыдыныз оннары, ким капанда булунду; варлыынызын кайыплыыны севинмӓклӓн каблеттиниз, чӱнкӱ билерсиниз, ани /гӧктӓ/ таа ии хем гечмӓз бир варлык еденеӂениз.