2 Korіnflіlerä 11:13 - Ени Бааланты

¹³ Бусой инсаннар – йаланӂы апостоллар, алдадыӂы ишчилӓр, ангылары йапынэрлар, ани Христозун апостоллары.

Enі Baalantı

¹³ Busoy insannar – yalancı apostollar, aldadıcı işçilär, angıları yapınêrlar, ani Hristozun apostolları.

2 Korіnflіlerä 11:13 ပူးပေါင်းရင်းမြစ်များ

Matfey 25:24

О, ангысы каблеттийди салт бир талант, гелди да деди: „Чорбаӂы, билӓрдим сени, ани кескин адамсын, бичерсин, нередӓ екмедин хем топлээрсын, нередӓ харман дӱӱмедин.

Yaptıklar 15:1

Кимиси, Иудейадан геленнӓр, ӱӱредӓрдилӓр кардашлары, ани, еер кесиклик йапмарсайдылар Моисейин сырасына гӧрӓ, йок насыл куртулсуннар.

Yaptıklar 15:24

Биз ишиттик, ани кими инсаннар, ким бизим арамыздан чыкты, ама биздӓн йолланмадылар, сизи раатсыз едерлӓр ӧлӓ лафларлан да долаштырэрлар сизи, /ӱӱредерӓк сизи кесиклик кабледӓсиниз хем тутасыныз Моисейин законуну/.

Yaptıklar 20:30

Сизин дӓ араныздан калкаӂэк ӧлӓ адамнар, ангылары терсинӓ лафедеӂеклӓр, ки ӱӱрениӂилери кенди тарафына чексиннӓр.

Romalılara 16:18

Зерӓ бусой инсаннар измет етмеерлӓр Христоза, бизим Саабийӓ, ама кенди шкембелеринӓ. Татлы сӧзлӓрлӓн хем йалпак лафларлан алдадэрлар саф ӱреклилери.

2 Korіnflіlerä 11:15

Диилдир бӱӱк иш, еер онун изметкерлери дӓ йапынарсайдылар, ани доорулуун изметкерлери булунэрлар. Оннарын биткиси олаӂэк оннарын йаптыкларына гӧрӓ.

2 Korіnflіlerä 2:17

Зерӓ биз чойу гиби бозмээрыз Аллахын сӧзӱнӱ, ки безиргенник йапалым, ама насаат едериз Аллахын ӧнӱндӓ бир темиз ӱректӓн, ниӂӓ оннар, ким Аллахтан йолланмыш хем Христоза инанэр.

2 Korіnflіlerä 4:2

Ама бракылдык саклы айып ишлердӓн, бакмээрыз шалвирленмӓӓ хем Аллахын сӧзӱнӓ бишей катмээрыз, ама аслылыы ачыклайарак, кендимизи хепси инсанын ӱзӱндӓ хем Аллахын ӧнӱндӓ темиз гӧстерериз.

Galatіyalılara 1:7

Диил, ани вар башка ии хабер, ама вар кими инсаннар, ани сизи долаштырэрлар да истеерлӓр Христозун Ии Хаберини бозсуннар.

Galatіyalılara 2:4

Ама варды йаланӂы кардашлар, ани, саклы сокулуп, сыйындылар бизим арамыза, ки гӧзлетсиннӓр сербестлии, ани едендик Иисус Христозда, бизи чыраклаа гӧтӱрсӱннӓр дейни.

Galatіyalılara 4:17

О адамнар сизи казанмаа гиришерлӓр, ама диил ии неетлӓн. Салт истеерлӓр сизи биздӓн айырсыннар, ки оннар ичин чалышасыныз.

Galatіyalılara 6:12

Хепси, ким истеер гӱӱдесиннӓн ӱӱнерӓк кендини инсана беендирсин, сизӓ кесиклик йаптырэрлар, салт кооланмыш олмасыннар дейни Христозун ставрозунун бетеринӓ.

Efeslіlerä 4:14

Озаман артык олмайаӂэз ушаклар гиби, ангылары салланэрлар далгаларлан хем сӱрӱкленерлӓр лӱзгерлӓрлӓн – хертӱрлӱ ӱӱренмӓклӓн, ани инсаннар гетирерлӓр шалвирликлӓн хем ширетликлӓн, ки башкаларыны, алдадып, йолдан саптырсыннар.

Fіlіplіlerä 3:18

Зерӓ чойу оннардан, кимин ичин чок сыра сӧледим сизӓ, шинди дӓ сӧлеерим аалайарак, йашээрлар ниӂӓ Христозун ставрозунун душманнары.

Fіlіplіlerä 3:2

Корунун о кӧпеклердӓн! Корунун кӧтӱлӱк йапаннардан! Корунун кесиклик касапларындан!

Koloslulara 2:4

Буну сӧлеерим, ки биркимсей сизи йанылтмасын кулаа назландыран лафларлан.

Koloslulara 2:8

Бакын, кардашлар, ки биркимсей сизи есир алмасын философлуклан, бошуна алдангач лафларлан, инсанын адетлеринӓ гӧрӓ, бу дӱннейин башланкы ӱӱретмеклеринӓ гӧрӓ, ама диил Христоза гӧрӓ.

1 İoanın 2:18

Ушакларым! Бу – битки вакыт. Ниӂӓ ишиттиниз, ани гелеӂек антихрист, тӓ шинди пейдаланды чок антихрист. Бундан аннээрыз, ани бу – битки вакыт.

1 İoanın 4:1

Севгили кардашлар! Хербир духу инанмайын, ама денейин духлары, ки гӧрӓсиниз, Аллахтан мы? Зерӓ бу дӱннедӓ чыкты чок йаланӂы пророк.

İudanın 1:4

Зерӓ араныза сыйынды кими адамнар, ангылар евелдӓн ӂеза ичин сыраланмыш, аллахсызлар, ани Аллахын хайырыны чевирерлӓр тербеесизлӓӓ да атылэрлар бизим бириӂик Чорбаӂымыздан, Саабимиздӓн, Иисус Христоздан.

Apokalіpsіs 19:20

Ӂанавар хем йаланӂы пророк, ани йапарды мераклы нышаннар ӂанаварын ӧнӱндӓ, тутулдулар. Йаланӂы пророк бу нышаннарлан алдатты оннары, ким каблеттийди ӂанаварын дамгасыны хем ким баш иилдӓрди ӂанаварын идолуна. Икиси дӓ диридӓн атылдылар атеш гӧлӱнӓ, ани кӱкӱртлӓн йанэр.

Apokalіpsіs 2:2

Билерим сенин йаптыкларыны, чалышманы хем сабурлууну хем ани кӧтӱ адамнара дайанамээрсын. Денедин оннары, ани кендилерини сайэрлар апостол, макар ки диил апостол, да аннадын, ки оннар йаланӂы.

Apokalіpsіs 2:20

Ама Бендӓ вар биркач маана сана каршы: сӓн бракэрсын Иезавел карыйы, ани сайэр кендини пророк, ӱӱретсин хем алдатсын Беним чыракларымы, ки ороспулук йапсыннар хем исиннӓр идоллара баашланмыш курбан йаанысындан.

Apokalіpsіs 2:9

Билерим сенин зеетини хем фукааралыыны, ама хеп окадар зенгинсин. Билерим, ани ким сени кӧтӱлеер, оннар сайэрлар кендилерини иудей, ама бу диил аслы. Оннар – шейтанын топлушу.