2 Korіnflіlerä 10:8 - Ени Бааланты

⁸ Еер бӓн зеедӓ ӱӱнӓрсейдим бизим куветлӓн, не Сааби верди бизӓ, сизи каавилетмӓк ичин, ама диил йыкмак ичин, калмайаӂам утанмыш.

Enі Baalantı

⁸ Eer bän zeedä üünärseydim bizim kuvetlän, ne Saabi verdi bizä, sizi kaaviletmäk için, ama diil yıkmak için, kalmayacam utanmış.

2 Korіnflіlerä 10:8 ပူးပေါင်းရင်းမြစ်များ

2 Korіnflіlerä 1:24

Диил, ани истеериз чорбаӂы олалым сизин инаныныза, ама сизиннӓн ишлеериз севинмениз ичин, чӱнкӱ сиз инанда каави дурэрсыныз.

2 Korіnflіlerä 10:4

Бизим дӱӱшӱмӱзӱн силӓхлары диил тенӂӓ, ама оннарда вар Аллахтан кувет, калелери йыксыннар дейни.

2 Korіnflіlerä 10:9

Буну деерим, ки санмайасыныз, ани бӓн сизи кийатларымнан коркудэрым.

2 Korіnflіlerä 12:19

Санэрсыныз, ки биз букадар вакыт дооруклээрыз кендимизи сизин ӧнӱнӱздӓ? Лафедериз Аллахын ӧнӱндӓ, ниӂӓ оннар, ким инанӂы Христоза. Севгили кардашлар, хепси, не йапэрыз, сизин духча каавиленмениз ичин.

2 Korіnflіlerä 12:6

Еер истӓрсейдим ӱӱнмӓӓ, олмайаӂам акылсыз, зерӓ доору лафедерим, ама сакынэрым, ки биркимсей беним ичин таа чок санмасын, некадар гӧрер хем ишидер бендӓн.

2 Korіnflіlerä 13:10

Буннары онуштан йазэрым, таа булунмаркан сизиннӓн, ки ачан булунаӂам, сертликлӓн кулланмайым сизӓ каршы заабитлии, ани Сааби верди бана, сизи духча каавилемӓӓ дейни, ама диил йыкмаа.

2 Korіnflіlerä 13:8

Зерӓ йок куведимиз бишей йапмаа аслылаа каршы, анӂак аслылык ичин бишей йапмаа.

2 Korіnflіlerä 7:14

Ӧлӓ ки, бӓн калмадым утанмакта, еер бираз сизиннӓн ӱӱндӱсейдим онун ӧнӱндӓ. Ама ниӂӓ хепси доору, не сӧледим сизӓ, ӧлӓ Титын да ӧнӱндӓ сизиннӓн ӱӱнмемиз доору чыкты.

2 Korіnflіlerä 7:4

Бӱӱк умудум вар сиздӓ, чок ӱӱнерим сизиннӓн хем чок хошланэрым. Бӱтӱн бизим зеетлеримиздӓ севинӂимин кенары йок.

Galatіyalılara 1:1

Бӓн, Павли, диил инсаннардан сечилмиш апостол еки инсанын араӂылыыннан, ама Иисус Христоздан хем Аллах Бобадан, Ангысы Иисусу ӧлӱмдӓн дирилтти,

2 Tіmofeyä 1:12

Бу бетерӓ бӓн бӧлӓ зеетленерим, ама хич утанмээрым, зерӓ билерим, Кимӓ инандым хем чок инанэрым, ани Онун вар куведи о Гӱнӓ кадар, корусун ону, не бана верилди.