2 Korіnflіlerä 10:7 - Ени Бааланты

⁷ Бакын ӧнӱнӱзӓ. Ким инанэр, ани кендиси Христозун, о дӱшӱнсӱн, ниӂӓ о Христозун, ӧлӓ биз дӓ Христозунуз.

Enі Baalantı

⁷ Bakın önünüzä. Kim inanêr, ani kendisi Hristozun, o düşünsün, nicä o Hristozun, ölä biz dä Hristozunuz.

2 Korіnflіlerä 10:7 ပူးပေါင်းရင်းမြစ်များ

Matfey 23:5

Хепсини инсана гӧстермӓк ичин йапэрлар. Дуа пачкаларыны бӱӱлдеерлӓр, руба етеклерини узун пӱскӱллӓрлӓн йапэрлар.

Luka 16:15

Иисус деди оннара: «Сиз чалышэрсыныз кендинизи инсанын ӧнӱндӓ доору чыкарасыныз, ама Аллах таныйэр ӱреенизи. Зерӓ не инсан метедер, ондан Аллах азетмеер.

İoan 7:24

Даава кесмейин дышанкы дуруша гӧрӓ, ама даава кесин доорулаа гӧрӓ».

1 Korіnflіlerä 1:12

Не демӓк истеерим, сиздӓ деерлӓр: «Бӓн Павлининим!», «Бӓн Аполлосунум!», «Бӓн Кифаныным!» йада «Бӓн Христозунум!»

1 Korіnflіlerä 14:37

Еер биркимсей сайарсайды кендини пророк, Духтан кулланылы, озаман лӓӓзым аннасын, ани не йазэрым сизӓ, Саабинин сымарламасы.

1 Korіnflіlerä 15:23

Салт ки херкези сырасынӂа дирилеӂек. Илкинки Христос, сора оннар, ким Христозун, Онун гелмесиндӓ.

1 Korіnflіlerä 3:23

Ама сиз Христозун, Христос да Аллахын.

1 Korіnflіlerä 9:1

Диилим ми бӓн сербест? Диилим ми апостол? Гӧрмедим ми бӓн Иисусу, бизим Саабийи? Диилсиниз ми сиз – беним изметимин мейвасы Саабидӓ?

2 Korіnflіlerä 10:1

Бӓн, Павли, ани услуйум аранызда, ама кыйакым сиздӓн узак оларак, йалварэрым Иисус Христозун мӱнӱзлӱӱннӓн хем йалпаклыыннан

2 Korіnflіlerä 11:18

Чӱнкӱ чойу ӱӱнер тенӂесинӓ, ӱӱнеӂӓм бӓн дӓ.

2 Korіnflіlerä 11:23

Оннар Христозун изметкерлери ми? Дели гиби лафедерим! Бӓн оннардан таа ӱстӱн изметкерим. Бӓн таа чок чалыштым, таа чок капана дӱштӱм, сайысыз сыра дайак идим, чок сыра ӧлӱм дӧшеендӓ булундум.

2 Korіnflіlerä 11:4

Зерӓ, ачан гелер биркимсей да насаат едер сизӓ башка бир Иисус ичин, Ангысыны биз насаат етмедик, еки кабледерсиниз башка бир дух йада башка бир ии хабер, ани каблетмединиз, сиз буннары колай кабледерсиниз.

2 Korіnflіlerä 12:11

Бӓн ӱӱнерӓк етиштим акылсызлаа, сиз бени буна зорладыныз. Сиз лӓӓзымды бени метедӓсиниз, зерӓ бӓн бишейлӓн таа ашаа диилим о «ӱстӱн апостоллардан», макар ки бишейӂик диилим.

2 Korіnflіlerä 13:3

Сиз истеерсиниз бишей, ани гӧстерер, ки Христос беним аазымнан лафедер. О диил йуфка сизӓ каршы, ама каави ишлеер сиздӓ.

2 Korіnflіlerä 5:12

Енидӓн кендимизи мететмӓӓ сизин ӧнӱнӱздӓ бакмээрыз, ама верериз сизӓ колайлык ӱӱнӓсиниз бизимнӓн, ки олсун ӂувабыныз оннара, ким ӱӱнер дышандан ишлӓрлӓн, ама диил ӱректӓн ишлӓрлӓн.

Galatіyalılara 3:29

Еер сиз Христозунсайдыныз, озаман Авраамын сенселесийсиниз да мирасчы олэрсыныз Аллахын адамасындан.

1 İoanın 4:6

Биз – Аллахтаныз. Ким таныйэр Аллахы, о бизи сеслеер. Ама ким диил Аллахтан, о сеслӓмеер бизи. Бундан таныйэрыз аслылык духуну хем йалан духуну.