2 İoanın 1:7 - Ени Бааланты

⁷ Зерӓ чок алдадыӂы пейдаланды бу дӱннедӓ, ангылары каблетмеерлӓр, ани Иисус Христос гӱӱдейлӓн гелди. Бӧлӓ адамнар – алдадыӂы хем антихрист.

Enі Baalantı

⁷ Zerä çok aldadıcı peydalandı bu dünnedä, angıları kabletmeerlär, ani İisus Hristos güüdeylän geldi. Bölä adamnar – aldadıcı hem antihrist.

2 İoanın 1:7 ပူးပေါင်းရင်းမြစ်များ

İoan 1:14

Сӧз адам олду, бизим арамызда йашады, иивергийлӓн хем аслылыклан долу. Онун метинниини гӧрдӱк, ниӂӓ Бобадан бириӂик Оолун метинниини.

1 Tіmofeyä 3:16

Хич лафсыз, Аллахын йолунун саклылыы бӱӱктӱр: Аллах тенӂӓ гӧстерилди, Духлан Кендини доорулады, ангиллерӓ гӧрӱндӱ, миллетлердӓ насаат едилди, дӱннедӓ инаннан кабледилди, метинниклӓн йукары алынды.

1 İoanın 2:26

Буннары йаздым сизӓ оннар ичин, ани бакэрлар сизи алдатмаа.

Apokalіpsіs 12:9

Бӱӱк дракон, евелки йылан, ангысына денер диавол хем шейтан, ани бӱтӱн дӱннейи алдадэр, ерӓ атылды хем онуннан барабар онун ангиллери дӓ.

Apokalіpsіs 13:14

Ердӓ йашайаннары алдадарды бу нышаннарлан, ани верили она йапсын ӂанаварын ӧнӱндӓ, да ердӓ йашайаннара сӧлӓрди, йапсыннар бир идол ӂанавар ичин, ангысы кылычтан йараланды, ама саа олду.