1 Tіmofeyä 5:17 - Ени Бааланты

¹⁷ Пресвитерлӓр, ани ии ӧндерлеерлӓр, лӓӓзым ики катына хатырлансыннар, айырыӂа оннар, ким ишлеер насаат етмектӓ хем ӱӱретмектӓ.

Enі Baalantı

¹⁷ Presviterlär, ani ii önderleerlär, lääzım iki katına hatırlansınnar, ayırıca onnar, kim işleer nasaat etmektä hem üüretmektä.

1 Tіmofeyä 5:17 ပူးပေါင်းရင်းမြစ်များ

Matfey 24:25

Тӓ, Бӓн вакытча сизӓ хаберледим.

Luka 10:7

О евдӓ калын, ийин хем ичин, не вереӂеклӓр. Зерӓ ишчи кенди иши ичин баашыш каблетсин дӱшер. Евдӓн евӓ гезмейин.

Luka 12:42

Сааби ӂувап етти: «Кимдир инанч хем аариф векил, ангысыны чорбаӂысы койаӂэк ӂувапчы кенди евиндӓ хепси чыракларын ӱстӱнӓ, вакыдында имӓӓ версин оннара дейни?

İoan 4:38

Бӓн йолладым сизи, бичӓсиниз, нередӓ сиз ишлӓмединиз, ама башкасы ишледи, сиз дӓ пай алэрсыныз оннарын ишлериндӓн».

Yaptıklar 11:30

Ӧлӓ да йаптылар. Варнаванын хем Саулун елиннӓн йолладылар бир йардым пресвитерлерӓ.

Yaptıklar 20:35

Хербир ӱзерӓ сизӓ гӧстердим, ани, бутӱрлӱ ишлейип, лӓӓзым йардым еделим йуфка оланнара да унутмайалым Сааби Иисусун сӧзлерини, зерӓ О Кендиси деди: „Таа мутлу вермӓӓ, некадар алмаа“».

Yaptıklar 28:10

Ачан орадан йолланардык гемийлӓн, бизӓ йаптылар бӱӱк икрам, вердилӓр хепсини, не лӓӓзым йола.

Romalılara 12:8

Беӂерӓрсейди гиргиннетмӓӓ, гиргиннетсин. Беӂерӓрсейди пайетмӓӓ, ӂӧмертликлӓн пайетсин, не вар онда. Ӧндерӂисейди, чалышкан олсун. Ким башкаларына йардым едер, буну йапсын севинчлӓн.

Romalılara 15:27

Елбетки кайыл олаӂэклар, чӱнкӱ оннар борчлу йардым етсиннӓр. Зерӓ башка миллетлӓр иудейлерин духча ииликлериндӓн пай алдылар, онун ичин оннар да борчлу йардым етсиннӓр гӱӱдейӂесинӓ.

Romalılara 16:12

Селӓм Трифенайа хем Трифосайа, ангылары чалышэрлар Саабинин изметчилииндӓ. Селӓм Персидайа, севгили кызкардаша, ангысы чок чалышты Саабинин изметчилииндӓ.

1 Korіnflіlerä 15:10

Ама шинди нейсӓм, Аллахын иивергисиннӓн ӧлейим. Онун иивергиси беним ичин наафилӓ олмады. Бӓн ишледим таа чок хепси апостоллардан – доорусу, диил бӓн, ама Аллахын иивергиси, ани бенимнӓн ишлеер.

1 Korіnflіlerä 16:16

бутӱрлӱ инсаннары сеслейин хем хепсини, ким оннарлан ишлеер хем чалышэр.

1 Korіnflіlerä 3:9

Зерӓ биз – Аллахын ишчилери, ама сиз – Аллахын тарласы, Аллахын йапысы.

2 Korіnflіlerä 6:1

Биз, ани Аллахлан билӓ ишлеериз, йалварэрыз: бакын, ки Аллахын иивергисини бошуна каблетмейӓсиниз.

Galatіyalılara 6:6

Ким ӱӱренмӓк кабледер Аллахын сӧзӱндӓн, о дӱшер пайетсин хепси ииликлерини онуннан, ким ону ӱӱредер.

Fіlіplіlerä 2:16

Ӧлӓ ки олаӂэк нейлӓн ӱӱнейим Христозун гӱнӱндӓ, ани бошуна чалышмадым хем бошуна ишлӓмедим.

Fіlіplіlerä 2:29

Кабледин ону Саабидӓ бӱтӱн севинмеликлӓн да бутӱрлӱ инсаннары хатырлайын.

Fіlіplіlerä 4:3

Сӓн дӓ, Сизиг, хакына кафадарым, йардым ет бу карылара, ани саваштылар Ии Хабери насаат етмӓӓ бенимнӓн, Клементлӓн хем каланнарлан, ани бенимнӓн ишлеерлӓр, ангыларын адлары йазылы йашамак кийадында.

1 Tіmofeyä 3:5

Зерӓ ким кенди евини кулланмаа беӂермеер, несой вар насыл гӱдӓбилсин Аллахын клисесини?

1 Tіmofeyä 4:10

Онуштан биз савашып-чалышэрыз, зерӓ дири Аллаха умутланэрыз, Ангысы Куртарыӂыдыр хепси инсаннара, ама ен чок инанӂылара.

1 Tіmofeyä 4:14

Касаветсиз олма духча баашыша, ани сендӓ, не сана верилди пророклук сӧзӱннӓн, ачан пресвитерлӓр ел койдулар ӱстӱнӓ.

1 Tіmofeyä 4:16

Есап ал кендини хем ӱӱретмени да херзаман бу ӱзерӓ чалыш. Бӧлӓ йапарак, хем кендини куртараӂан, хем оннары, ким сени сеслеер.

1 Tіmofeyä 4:6

Еер буннары кардашлара аннадырсайдын, Иисус Христозун бир ии изметкери олаӂан, бесленмиш инан сӧзлериннӓн хем ии ӱӱретмӓклӓн, не изледин шиндийӓ кадар.

1 Tіmofeyä 5:19

Кабаатландырмак пресвитерӓ каршы каблетмӓ, олмайынӂа ики-ӱч шаат.

1 Tіmofeyä 5:3

Хатыр гӱт дул карылара, ани хакына кимсейсиз.

2 Tіmofeyä 2:6

Чифтчи, ким чалышып-ишлеер, лӓӓзым алсын илк пайы берекеттӓн.

2 Tіmofeyä 4:2

Аллахын сӧзӱнӱ хаберлӓ, херзаман чалыш бу иштӓ, ии вакытта хем зор вакытта. Инандыр, таказала, ӱреклендир, ӱӱредерӓк бӱтӱн сабурлуклан.

Çıfıtlara 13:17

Сеслейин сизин ӧндерӂилери да ӧн верин оннара, зерӓ оннар кахыр гӱдерлӓр сизин ӂаннарыныз ичин, ниӂӓ ӂувапчылар. Бакын, ки буну севинмӓклӓн йапсыннар, ама диил офлайарак, зерӓ бу диилдир сизин файданыз ичин.

Çıfıtlara 13:24

Селӓмнейин сизин ӧндерӂилери хем Аллахын бӱтӱн айоз халкыны. Италийадан оланнар селӓм йоллээрлар сизӓ.

Çıfıtlara 13:7

Аклыныза гетирин сизин ӧндерӂилери, ангылары насаат еттилӓр сизӓ Аллахын сӧзӱнӱ. Бакарак оннарын йашамакларын сонуна, оннар гиби инанӂы олун.