1 Tіmofeyä 2:7 - Ени Бааланты

⁷ Бунун ичин бӓн койулдум хаберӂи хем апостол. Доору сӧлеерим, йаландырмээрым. Койулдум, ки ӱӱредейим миллетлери инана хем аслылаа.

Enі Baalantı

⁷ Bunun için bän koyuldum haberci hem apostol. Dooru söleerim, yalandırmêêrım. Koyuldum, ki üüredeyim milletleri inana hem aslılaa.

1 Tіmofeyä 2:7 ပူးပေါင်းရင်းမြစ်များ

İoan 7:35

Иудейлӓр лафедӓрдилӓр бири-бириннӓн: «Нерейи бу адам истеер гитсин, да биз Ону буламайалым? Дӱшӱнмеер ми гитсин бизим инсана, ани даанык урум касабаларына, да урумнары ӱӱретсин?

Yaptıklar 14:27

Етишип орайы, топладылар клисейи да аннаттылар хепсини, не Аллах йапты оннарлан хем ниӂӓ ачты башка миллетлерӓ инан капусуну.

Yaptıklar 22:21

О деди бана: „Гит, Бӓн сени йоллайаӂам узаа, тайфӓннара“».

Yaptıklar 26:20

Насаат еттим илкин Дамаск касабасында, сора Иерусалимдӓ инсана, сора бӱтӱн Иудейа ериндӓ хем йабанӂы миллетлерӓ, ки пишман олсуннар гӱнахларындан, дӧнсӱннӓр геери Аллаха да йапсыннар, не йарашыр бу пишманныкта.

Yaptıklar 9:15

Ама Сааби ӂувап етти: «Гит, зерӓ о бир кап, ангысыны Бӓн айырдым, хаберлесин Беним адымы башка халклара, падишахлара хем Израилин оолларына.

Romalılara 1:9

Бана шааттыр Аллах, Ангысына измет едерим бӱтӱн ӱрӓӓмнӓн, аннадарак Ии Хабери Онун Оолу ичин, ани сизи дурмамайӂа, херзаман анэрым беним дуаларымда.

Romalılara 10:14

Ама несой вар насыл чаарсыннар Ону, Кимӓ инанмадылар? Несой вар насыл инансыннар Она, Кимин ичин ишитмедилӓр? Несой вар насыл ишитсиннӓр, еер кимсей насаат етмӓрсӓ?

Romalılara 11:13

Данышэрым сизӓ, башка миллетлерӓ: ниӂӓ апостол, ани башка миллетлерӓ йолланмыш, бӓн кенди изметчилиими метинни сайэрым,

Romalılara 15:16

ки Иисус Христозун изметкери олайым миллетлерин арасында. Бӓн чалышэрым айоз изметчиликтӓ, насаат едерӓк Аллахын Ии Хаберини, ки миллетлӓр олсуннар Аллахтан кабледилмиш курбан гиби, ани Айоз Духтан айозланмыш.

Romalılara 9:1

Доору сӧлеерим, йалан сӧлӓмеерим, зерӓ бӓн Христоза инанэрым. Ичйанкы дуйгуларым да, Айоз Духлан заплы, дооруклээр буну, не сӧлеерим.

1 Korіnflіlerä 9:1

Диилим ми бӓн сербест? Диилим ми апостол? Гӧрмедим ми бӓн Иисусу, бизим Саабийи? Диилсиниз ми сиз – беним изметимин мейвасы Саабидӓ?

2 Korіnflіlerä 11:31

Сааби Иисусун Бобасы Аллах, Ким дивеч метинненмиш, билер, ани йалан сӧлӓмеерим:

Galatіyalılara 1:16

бана ачсын Кенди Оолуну, ки Онун Ии Хаберини насаат едейим йабанӂы миллетлерӓ, бӓн данышмадым бир дӓ адама.

Galatіyalılara 1:20

Аллахын ӧнӱндӓ сӧлеерим, ани, не йазэрым сизӓ, диил йалан.

Galatіyalılara 2:16

Хеп окадар билериз, ани инсан доору сайылмээр Айоз Закону таманнамаклан, ама инаннан Иисус Христоза. Онуштан биз дӓ инандык Христос Иисуса, ки инаннан Христоза доору сайылалым, ама диил Закону таманнамаклан. Зерӓ кимсей доору сайылмайаӂэк Закону таманнамаклан.

Galatіyalılara 2:9

Ачан Иаков, Кифа хем Иоан, ангылар дирек сайылэрлар клиседӓ, аннадылар, ани Аллах бана баашлады бу хайырлы иши, вердилӓр саа еллерини бана хем Варнавайа, ки иштӓ бирлиимиз олсун – биз гиделим йабанӂы миллетлерӓ, ама оннар гитсиннӓр кесикли оланнара.

Galatіyalılara 3:9

Ӧлӓ ки, оннар, ким инанэр, иисӧзленерлӓр инанӂы Авраамнан барабар.

2 Tіmofeyä 1:11

ангысы ичин бӓн койулдум насаатчы, апостол хем ӱӱредиӂи /миллетлерӓ/.

2 Petrіnіn 2:5

Евелки дӱннейи дӓ аӂымады. Ачан аллахсыз халкын ӱстӱнӓ потоп йоллады дӱннейӓ, О коруду Нойу, ани насаат едӓрди доорулук ичин, хем сенселесини – хепси секиз киши.