1 Tіmofeyä 2:1 - Ени Бааланты

¹ Онуштан хепсиндӓн ӧнӂӓ насаат верерим, дуалар, истемеклӓр, йалвармаклар хем шӱкӱрлӓр едилсин хепси инсан ичин,

Enі Baalantı

¹ Onuştan hepsindän öncä nasaat vererim, dualar, istemeklär, yalvarmaklar hem şükürlär edilsin hepsi insan için,

1 Tіmofeyä 2:1 ပူးပေါင်းရင်းမြစ်များ

Yaptıklar 17:30

Аллах коймээр есаба билмезлик вакыды гечмиштӓн, ама бӱӱн хепси инсана херердӓ сымарлээр, дӧнсӱннӓр Она гӱнахларындан.

Romalılara 1:8

Хепсиндӓн ӧнӂӓ шӱкӱр едерим беним Аллахыма Иисус Христос адыннан хепсиниз ичин, зерӓ хабер сизин инан ичин даалэр бӱтӱн дӱннедӓ.

Romalılara 6:17

Шӱкӱр Аллаха, ани сиз чырактыныз гӱнаха, ама бӱтӱн ӱректӓн сеслединиз ӱӱретменин ӧзӱнӱ, ангысына верилдиниз.

1 Korіnflіlerä 15:3

Сизи ӱӱреттим о ен бӱӱк ишлери, не кендим дӓ каблеттим, ани Христос ӧлдӱ бизим гӱнахлар ичин, ниӂӓ йазылы Айоз Йазыларда.

2 Korіnflіlerä 8:6

Онуштан биз йалвардык Тита, ки, ниӂӓ башлады аранызда бу хайырлы иши, ӧлӓ дӓ биткийӓ кадар гӧтӱрсӱн.

Efeslіlerä 3:13

Ӧлӓ ки, йалварэрым, умудунузу кайбетмейин беним зеетлерим бетеринӓ, ани чекерим сизин ичин. Буннар сизӓ метинник казандырэр.

Efeslіlerä 5:20

Шӱкӱрлук гетирин хепси ичин херзаман Аллах Бобайа бизим Сааби Иисус Христозун адыннан.

Efeslіlerä 6:18

Херзаман духча дуа един хертӱрлӱ дуаларлан хем йалвармакларлан. Бунун ичин уйанык дурун бӱтӱн дайанмаклан хем йалвармаклан Аллахын хепси айоз халкы ичин.

Fіlіplіlerä 1:3

Шӱкӱр едерим беним Аллахыма херзаман, ачан аклыма гетирерим сизи.

Fіlіplіlerä 4:6

Кахырланмайын бишей ичин, ама хертӱрлӱ дуада хем йалвармакта ачын сизин истемеклеринизи Аллахын ӧнӱндӓ шӱкӱрлӱклӓн.

1 Salonіklіlerä 3:12

Сааби зееделесин хем таштырсын севгинизи бири-биринизӓ хем хепсинӓ, ниӂӓ дӓ биз сизи севериз,

2 Salonіklіlerä 1:3

Херзаман доорулаа гӧрӓ борчлуйуз шӱкӱр еделим Аллаха сизин ичин, кардашлар, зерӓ инаныныз пек бӱӱйер хем севгиниз бири-биринизӓ зееделенер.

1 Tіmofeyä 2:4

Ангысы истеер, ки хепси инсан куртулсун хем етишсин, ки аслылыы танысын.

1 Tіmofeyä 5:5

Дул кары, ани хакына кимсейсиз хем йалныз калмыш, умудуну Аллаха койэр хем геӂӓ-гӱндӱз дурмамайӂа Она йалварэр хем дуа едер.

2 Tіmofeyä 2:24

Саабинин кулу дӱшмеер кавгаӂы олсун, ама дӱшер йалпак олсун хепсиннӓн, беӂерсин ӱӱретмӓӓ хем сабурлу олсун, ачан она каршы кӧтӱлӱк йапэрлар.

Tіta 2:11

Зерӓ гӧстерилди Аллахын иивергиси, ани гетирер куртулмак хепси инсана,

Tіta 3:2

Кимсейи кӧтӱлӓмесиннӓр, кавга йапмасыннар, ама хербир иш ӱзерӓ йаваш хепси инсаннарлан олсуннар.

Çıfıtlara 6:11

Истеериз, ани херкезиниз биткийӓдӓн гӧстерсин хеп бу чалышмайы, ки бӱтӱн умудунуз олсун.

İakovun 5:16

Ачык сӧлейин бири-биринизӓ кабаатларынызы хем дуа един бири-бириниз ичин, ки саа оласыныз. Бир доору адамын дуасы чок куветли хем чок йапабилер.