1 Petrіnіn 3:8 - Ени Бааланты

⁸ Олун хепсиниз бир нееттӓ, пай алын башкаларынын зорлукларында, кардашлары севин, йалпак хем мӱнӱз ӱрекли олун.

Enі Baalantı

⁸ Olun hepsiniz bir neettä, pay alın başkalarının zorluklarında, kardaşları sevin, yalpak hem münüz ürekli olun.

1 Petrіnіn 3:8 ပူးပေါင်းရင်းမြစ်များ

Matfey 18:33

Дӱшмӓрди ми, сӓн дӓ аӂыйасын кафадарыны, ниӂӓ Бӓн сени аӂыдым?“

Luka 10:33

Ама бир самарийалы, бу йолдан гечӓркӓн, йаклашты, ону гӧрӱп, ӂаны аӂыды.

Yaptıklar 2:1

Еллинӂи гӱнӱ йортусунда хепси бирердӓ топлуйдулар.

Yaptıklar 27:3

Икинӂи гӱнӱ етиштик Сидон касабасына. Иулий ии гӧтӱрӓрди кендини Павлийлӓн. О кайыл олду, ки Павли долашсын кенди достларыны, ки оннар йардым етсиннӓр она.

Yaptıklar 28:7

О ерин йакынында варды аданын ӧндерӂисинин мералары. Онун адыйды Публий. О каблетти бизи да ӱч гӱн хавезлӓн конаклады.

Yaptıklar 4:32

Хепси инанӂылар бир ӱрек хем бир ӂан гибийдилӓр. Бириси билӓ демӓрди, ки варлыы салт кендисинин. Хепси ишлерини бири-бириннӓн пайлашардылар.

Romalılara 12:10

Севин бири-биринизи кардашчасына йалпаклыклан. Йарышмаклан бири-биринизӓ сайгы сӱрӱн.

Romalılara 15:5

Аллах, Ким дайанмак хем хавезлик верер, баашласын сизӓ, ки бири-биринизлӓн бир дӱшӱнмектӓ оласыныз Иисус Христозун ӧрнеенӓ гӧрӓ.

1 Korіnflіlerä 1:10

Йалварэрым, кардашлар, бизим Сааби Иисус Христозун адыннан, хепсиниз аннашын, да олмасын айырыклык аранызда. Олун бирликтӓ, бир нееттӓ хем бир дӱшӱнмектӓ.

1 Korіnflіlerä 12:26

Еер зеетленӓрсейди бир ек, хепси еклӓр онуннан барабар зеетленерлӓр. Еер бир ек икрамнанарсайды, хепси еклӓр онуннан барабар севинерлӓр.

Efeslіlerä 4:2

Херзаман йаваш, йалпак хем сабурлу олун, дайанын бири-биринизӓ севгийлӓн.

Efeslіlerä 4:31

Хертӱрлӱ аӂыламак, кызгыннык, ӱфкӓ, баармак, фена лаф хем хертӱрлӱ кӧтӱ неет сиздӓн узак олсун.

Efeslіlerä 4:32

Ама бири-биринизлӓн ии ӱрекли хем йалпак олун. Бири-биринизи афедин, ниӂӓ Аллах Христозда сизи афетти.

Fіlіplіlerä 2:3

Бишей йапмайын кендинизи калдырмак ичин еки бошуна ӱӱнмӓк ичин, ама йавашлыклан хатырлайын бири-биринизи, ӱӱсеклендирерӓк башкасыны таа чок, некадар кендини.

Fіlіplіlerä 3:16

Ама нейлӓн бир аннамайа гелдик, ону ӧлӓ дӓ туталым.

Koloslulara 3:12

Онуштан гиинин, ниӂӓ Аллахын сечилмишлери, айоз хем севгили, аӂыйанныы, иилии, йавашлыы, йалпаклыы, сабурлуу.

Çıfıtlara 13:1

Херзаман кардаш севгилии аранызда олсун.

İakovun 2:13

Зерӓ аӂыйанныксыз даава олаӂэк оннара, ким башкаларыны аӂымээр. Аӂыйаннык даавадан таа ӱстӱндӱр.

İakovun 3:17

Ама йукардан инӓн аарифлик хепсиндӓн ӧнӂӓ темиз, сора услу, йалпак, сеслейиӂи, долу аӂыйанныклан хем ии ишлӓрлӓн, ӱзӓ бакмаз, икиӱзлӱ олмаз.

İakovun 5:11

Биз мутлу сайэрыз оннары, ким дайанэр. Сиз ишиттиниз Иовун дайанмасы ичин хем гӧрдӱнӱз, не биткидӓ Сааби йапты онун ичин. Сааби чок аӂыйан хем йалпак ӱрекли.

1 Petrіnіn 1:22

Аслылыы сеслемӓклӓн ӂаннарынызы /Айоз Духлан/ пакладыныз. Бунун ичин кардашларынызы икиӱзлӱлӱксӱз северсиниз. Онуштан севин бири-биринизи хашлаклыклан хем бӱтӱн ӱреклӓн.

1 Petrіnіn 2:17

Хепси инсаннары хатырлайын, кардашлары севин, Аллахтан коркун, падишахы икрамнайын!

1 Petrіnіn 5:5

Хеп ӧлӓ сиз дӓ, генчлӓр, ӧн верин пресвитерлерӓ. Хепсиниз, бири-биринизӓ ӧн верерӓк, кушанын йавашлыклан. Зерӓ «Аллах шишкиннерӓ каршы дурэр, ама йавашлара ииверги верер».

2 Petrіnіn 1:7

аллахчылыыныза кардаш севгилии, кардаш севгилиинизӓ дӓ севги.

1 İoanın 3:14

Биз билериз, ани ӧлӱмдӓн йашамайа гечтик, зерӓ севериз кардашларымызы. О, ким севмеер /кардашыны/, ӧлӱмдӓ калэр.