1 Korіnflіlerä 8:3 - Ени Бааланты

³ Еер биркимсей севӓрсейди Аллахы, Аллах ону билер.

Enі Baalantı

³ Eer birkimsey sevärseydi Allahı, Allah onu biler.

1 Korіnflіlerä 8:3 ပူးပေါင်းရင်းမြစ်များ

Matfey 7:23

Озаман ачык ӂувап едеӂӓм оннара: „Бир сыра билӓ сизи танымадым, хепсиниз Бендӓн узакланын, ким законсузлукта йашады!“

İoan 10:14

Бӓн – ии гӱдӱӂӱйӱм. Бӓн таныйэрым койуннарымы, оннар да таныйэрлар Бени,

İoan 21:17

Ӱчӱнӂӱ сыра сорду она: «Симон, Иоанын оолу! Северсин ми сӓн Бени?» Петри гӱчленди, ани ӱчӱнӂӱ сыра хеп буну сорду: «Северсин ми Бени?» да ӂувап етти: «Сааби! Сӓн хепсини билерсин. Сӓн билерсин, ани бӓн северим Сени». Иисус деди она: «Отлат Беним койуннарымы.

Romalılara 11:2

Аллах ӱзӱнӱ чевирмеди Кенди инсанындан, ангысыны баштан билирди. Не, билмеерсиниз ми, не денер Айоз Йазыда пророк Илийа ичин, ниӂӓ о аалашэр Аллаха Израилдӓн? О деер:

1 Korіnflіlerä 13:12

Шинди хепсини ниӂӓ бир думанны шишедӓн гӧрериз, ама озаман гӧрӱшеӂез ӱз-бе-ӱз. Шинди беним билгичлиим кедерли, ама озаман Аллахы таныйаӂам ӧлӓ, ниӂӓ бӓн танынмышым.

1 Korіnflіlerä 2:9

Ама ниӂӓ йазылы: «Не инсан гӧзӱ гӧрмеди, не инсан кулаа ишитмеди, хем не инсан ӱреенӓ дамнамады, ӧлӓ о ишлӓр, не Аллах хазырлады оннар ичин, ким Ону север».

Galatіyalılara 4:9

Ама шинди таныйэрсыныз Аллахы, таа доорусу, Аллах сизи таныйэр. Ӧлейсӓ, насыл енидӓн геери дӧнерсиниз йуфка хем паасыз башланкы ӱӱретмеклерӓ, ангыларына сиз енидӓн чырак олмаа истеерсиниз?

2 Tіmofeyä 2:19

Ама Аллахын темели каави дурэр да бӧлӓ мӱхӱрлӱ: «Сааби таныйэр Кендикилерини» хем «Узаклашсыннар кӧтӱлӱктӓн хепси, ким чаарэр Саабинин адыны».

İakovun 1:12

Не мутлу адам, ким дайанмаклан денемеклери гечирер, зерӓ, дененмиш олуп, йашамак фенецини кабледеӂек, ани адады Сааби хепсинӓ оннара, ким Ону север.

İakovun 2:5

Севгили кардашларым, сеслейин. Сечмеди ми Аллах бу дӱннедӓ фукаара оланнары, ки инанда зенгин олсуннар хем мирасчы падишахлыкта, ангысы аданды оннара, ким Аллахы север?

1 Petrіnіn 1:8

Макар ки Ону гӧрмединиз, Ону северсиниз, шинди дӓ, гӧрмейерӓк, ама Она инанарак, севинерсиниз шанны бир севинмеликлӓн, ани йок насыл лафлан аннатмаа.

1 İoanın 4:19

Биз севериз /Ону/, зерӓ О бизи ӧнӂӓ севди.

1 İoanın 4:7

Севгили кардашлар! Севелим бири-биримизи, зерӓ севги – Аллахтан. Хепси, ким север, о Аллахтан дуулмуш, да Аллахы таныйэр.

Apokalіpsіs 2:13

Билерим, нередӓ йашээрсын. Шейтанын чорбаӂылык скемнеси орада. Хеп окадар инанч калэрсын Беним адыма да вазгечмедин Бана инанмаа, артык о гӱннердӓ, незаман Антипа, Беним инанч шаадым, ӧлдӱрӱлдӱ аранызда орада, нередӓ шейтан йашээр.

Apokalіpsіs 2:19

Билерим сенин йаптыкларыны, сенин севгини, инаныны, изметчилиини хем дайанманы хем, ани сон ишлерин таа чок, некадар баштанкылары.

Apokalіpsіs 2:9

Билерим сенин зеетини хем фукааралыыны, ама хеп окадар зенгинсин. Билерим, ани ким сени кӧтӱлеер, оннар сайэрлар кендилерини иудей, ама бу диил аслы. Оннар – шейтанын топлушу.