1 Korіnflіlerä 7:34 - Ени Бааланты

³⁴ Хеп ӧлӓ айырыклык вар евли карынын хем кызын арасында. Кыз кахырланэр Саабинин ишлери ичин. Бакэр, ниӂӓ гӱӱдесиннӓн хем духуннан айозлансын. Ама евли кары кахырланэр дӱннӓ ишлери ичин. Бакэр, кендини коӂасына беендирсин.

Enі Baalantı

³⁴ Hep ölä ayırıklık var evli karının hem kızın arasında. Kız kahırlanêr Saabinin işleri için. Bakêr, nicä güüdesinnän hem duhunnan ayozlansın. Ama evli karı kahırlanêr dünnä işleri için. Bakêr, kendini kocasına beendirsin.

1 Korіnflіlerä 7:34 ပူးပေါင်းရင်းမြစ်များ

İoan 10:13

О адам качэр, зерӓ о йанашык, онун касавети йок койуннар ичин.

Romalılara 6:13

Сизин гӱӱденизин еклерини гӱнах заплыына вермейин, ки кулланасыныз оннары кӧтӱлӱк ичин. Аллахын елинӓ верилин, ниӂӓ оннар, ким ӧлӱдӓн дирилди. Гӱӱденизин еклерини Аллаха верин, ки кулланасыныз оннары доорулук ичин.

1 Korіnflіlerä 6:20

Зерӓ сиз сатын алынмышсыныз бир бӱӱк паайлан. Онуштан метиннейин Аллахы сизин гӱӱденизлӓн /хем духунузлан, ани Аллахтан каблеттиниз/.

1 Korіnflіlerä 7:33

Ама евли кахырланэр дӱннӓ ишлери ичин. Бакэр, кендини карысына беендирсин.

1 Korіnflіlerä 7:35

Сӧлеерим буну сизин иилииниз ичин, диил ки сизи сыкылайым, ама ки сиз йакышыклы йашайасыныз хем херзаман бӱтӱн фикиринизлӓн Саабийӓ измет едӓсиниз.

2 Korіnflіlerä 11:28

Буннардан каарӓ, бени басэр хер гӱн кахыр хепси клиселӓр ичин.

2 Korіnflіlerä 8:16

Шӱкӱр Аллаха, ани Титын ӱреенӓ койду бенимнӓн бир чалышканнык сизин ичин.

Fіlіplіlerä 1:20

Хавезлӓн беклеерим хем умутланэрым, ани хич утанмыш олмайаӂам, ама кыйышмаклан лафедеӂӓм, да ниӂӓ херзаман, ӧлӓ шинди дӓ, йашарсам да, ӧлӱрсӓм дӓ, Христос беним гӱӱдӓмнӓн метинненеӂек.

1 Salonіklіlerä 5:23

Услулук верӓн Аллах бӱтӱннӓ сизи айозласын. Сизин духунуз, ӂаныныз хем гӱӱдениз бӱтӱннӓ кедерсиз корунсун бизим Сааби Иисус Христозун гелмесиндӓ.

1 Tіmofeyä 3:5

Зерӓ ким кенди евини кулланмаа беӂермеер, несой вар насыл гӱдӓбилсин Аллахын клисесини?

1 Tіmofeyä 5:5

Дул кары, ани хакына кимсейсиз хем йалныз калмыш, умудуну Аллаха койэр хем геӂӓ-гӱндӱз дурмамайӂа Она йалварэр хем дуа едер.

Tіta 3:8

Аслыдыр бу сӧз, да бӓн истеерим, ани сӓн буннары каавилейӓсин, ки оннар, ким Аллаха инанды, баксыннар кендилерини вермӓӓ ии ишлерӓ, зерӓ буннар ии хем файдалы адама.