1 Korіnflіlerä 6:18 - Ени Бааланты

¹⁸ Корунун ороспулуктан. Калан гӱнахлар, ани инсаннар йапэр, гӱӱдедӓн дышары, ама ороспу кенди гӱӱдесинӓ каршы гӱнах йапэр.

Enі Baalantı

¹⁸ Korunun orospuluktan. Kalan günahlar, ani insannar yapêr, güüdedän dışarı, ama orospu kendi güüdesinä karşı günah yapêr.

1 Korіnflіlerä 6:18 ပူးပေါင်းရင်းမြစ်များ

Romalılara 1:24

Онуштан Аллах оннары бракты, ӱреклеринин хавезлериннӓн мындарлансыннар, ки бири-бирилерин гӱӱделерини ашаалатсыннар.

1 Korіnflіlerä 6:9

Билмеерсиниз ми, ани о доору олмайаннар Гӧк Падишахлыыны мирас етмейеӂеклӓр. Алданмайын, хайырсызлык йапаннар, идоллара баш иилденнӓр, ороспулук йапаннар, гомосексуалистлӓр,

2 Korіnflіlerä 12:21

Коркэрым, ки ачан енидӓн гелеӂӓм сизӓ, Аллах бени утандыраӂэк сизин ӧнӱнӱздӓ, да бӓн кахырланаӂам чойу ичин, ани гӱнаха гирдилӓр хем Аллаха дӧнмедилӓр мындарлыктан, ороспулуктан хем хайырсызлыктан, ани йапардылар.

Galatіyalılara 5:19

Тенин ишлери белли. Оннар: ороспулук, диилпаклык, хайырсызлык,

Efeslіlerä 5:3

Ама ороспулук хем хертӱрлӱ диилпаклык еки тамахлык хич анылмасын билӓ сизин аранызда, чӱнкӱ бу йакышмаз Аллахын айоз халкына.

Koloslulara 3:5

Онуштан ӧлдӱрӱн, не вар сиздӓ ердӓн: ороспулуу, диилпаклыы, дӱшкӱннӱӱ, кӧтӱ хавезлии хем тамахлыы, ани хеп ӧлӓ, ниӂӓ дӓ баш иилтмӓк идоллара.

1 Salonіklіlerä 4:3

Чӱнкӱ Аллахын истедии будур: айоз оласыныз хем запедӓсиниз кендинизи ороспулуктан.

1 Salonіklіlerä 4:5

ама диил дӱшкӱн истемеклердӓ тайфӓннар гиби, ани Аллахы билмеерлӓр.

2 Tіmofeyä 2:22

Генчлик хавезлериндӓн кач, да излӓ доорулуу, инаны, севгийи, услулуу хепсиннӓн, ким Саабийи чаарэр пак ӱректӓн.

Çıfıtlara 13:4

Херкезиниз стеонозлуунузу сайгылы тутун, хем йатааныз гӱнахлан лекелӓнмесин. Зерӓ ороспулук хем маскаралык еденнерӓ Аллах даава кесер.

1 Petrіnіn 2:11

Севгили кардашлар, йалварэрым, корунасыныз гӱнахлы табеетинизин истемелериндӓн, ани ӂаныныза каршы ӂенк едӓр. Зерӓ бу дӱннедӓ сиз йабанӂыйсыныз хем йолӂуйсунуз.