1 Korіnflіlerä 6:13 - Ени Бааланты

¹³ «Имӓк шкембӓ ичин, шкембӓ дӓ имӓк ичин», – деерсиниз. Ама Аллах телеф едеӂек икисини дӓ. Гӱӱдӓ диил ороспулук ичин, ама Сааби ичин, Сааби дӓ гӱӱдӓ ичин.

Enі Baalantı

¹³ «İmäk şkembä için, şkembä dä imäk için», – deersiniz. Ama Allah telef edecek ikisini dä. Güüdä diil orospuluk için, ama Saabi için, Saabi dä güüdä için.

1 Korіnflіlerä 6:13 ပူးပေါင်းရင်းမြစ်များ

Matfey 15:17

Аннамээрсыныз мы, ани не гирер адамын аазындан, гирер шкембесинӓ, сора дышары уурадылэр?

Matfey 15:20

Тӓ не адамы мындарлээр, ама йыканмадык еллӓн имӓӓ адамы мындарламаз».

Mark 7:19

Зерӓ о гирмеер ӱреенӓ, ама карнына, сора дышары уурадылэр».

İoan 6:27

Чалышын диил гечӓр имӓк ичин, ама гечмӓз имӓк ичин, ани дивеч йашамайа гӧтӱрер. Буну сизӓ Адам Оолу вереӂек. Зерӓ Адам Оолуну Аллах Боба нышаннады Кенди мӱхӱрӱннӓн».

İoan 6:49

Сизин бобаларыныз идилӓр манна чолда да ӧлдӱлӓр.

Romalılara 12:1

Онуштан, кардашлар, йалварэрым Аллахын аӂыйанныыннан, гетирин сизин гӱӱделеринизи бир дири, айоз, беенилмиш курбан Аллаха. Будур сизин хакына изметчилииниз.

Romalılara 14:17

Зерӓ Гӧк Падишахлыы диил имӓк хем ичмӓк, ама доорулук, услулук хем севинмӓк Айоз Духта.

Romalılara 6:12

Онуштан гӱнах заплык етмесин сизин ӧлӱмнӱ гӱӱдениздӓ, да кайыл олмайын гӱӱденин хамеллериннӓн.

Romalılara 7:4

Хеп ӧлӓ сиз дӓ, кардашлар, чӱнкӱ пай алэрсыныз Христозун гӱӱдесиндӓн, ӧлдӱнӱз Закон ичин, ки бааланасыныз башкасына – Она, Ким ӧлӱдӓн дирилди. Бу олду, ки файдалы олалым Аллахын изметиндӓ.

1 Korіnflіlerä 3:16

Билмеерсиниз ми, ани сиз Аллахын айоз бинасы, хем ани Аллахын Духу сиздӓ йашээр?

1 Korіnflіlerä 6:15

Билмеерсиниз ми, ани сизин гӱӱделериниз – Христозун еклери? Не, Христозун еклерини алып, йапайым оннары ороспулук еклери ми? Олмаз!

1 Korіnflіlerä 6:19

Не, билмеерсиниз ми, ани гӱӱдениз – Духун айоз бинасы, нередӓ Айоз Дух булунэр, хем Ону Аллахтан каблеттиниз? Сиз кенди-кендинизин диилсиниз.

2 Korіnflіlerä 11:2

Зерӓ бӓн алифли сизин ичин Аллахын алифлииннӓн, чӱнкӱ йавклу еттим сизи бир коӂайлан, Христозлан, ки чыкарабилейим сизи Онун ӧнӱнӓ бир темиз кыз гиби.

2 Korіnflіlerä 5:15

Христос хепси ичин ӧлдӱ, ки йашайаннар артык йашамасыннар кендилери ичин, ама Онун ичин, Ким оннар ичин ӧлдӱ хем дирилди.

Galatіyalılara 5:24

Ама ким Христозун, оннар ставроза гердилӓр тени онун хамеллериннӓн хем истемеклериннӓн.

Efeslіlerä 5:23

Зерӓ коӂа баштыр карыйа, ниӂӓ Христос да баштыр клисейӓ хем Кендиси гӱӱденин Куртарыӂысы.