1 Korіnflіlerä 6:11 - Ени Бааланты

¹¹ Бутӱрлӱйдӱ киминиз сиздӓн, ама йыкандыныз, айозландыныз, акландыныз Сааби Иисус Христозун адыннан хем бизим Аллахын Духуннан.

Enі Baalantı

¹¹ Butürlüydü kiminiz sizdän, ama yıkandınız, ayozlandınız, aklandınız Saabi İisus Hristozun adınnan hem bizim Allahın Duhunnan.

1 Korіnflіlerä 6:11 ပူးပေါင်းရင်းမြစ်များ

Matfey 20:4

Сора деди оннара: „Сиз дӓ гидин беним баайымда ишлемӓӓ. Не дӱшер, ӧдейеӂӓм сизӓ“. Оннар гиттилӓр.

Luka 18:14

Доору сӧлеерим сизӓ, бу харччы Аллахын гӧзӱндӓ таа доору гитти евӓ, некадар фарисей. Зерӓ ким кендини ӱӱсеклендирер, о ашааландырылаӂэк, ким кендини ашааландырэр, о ӱӱсеклендирилеӂек».

İoan 13:10

Иисус деди: «Йыканмышларын лӓӓзым салт айаклары йыканылсын, оннар хептӓн пак. Сиз дӓ паксыныз, салт диил хепсиниз».

İoan 13:8

Петри деди: «Бир сыра билӓ йыкамайаӂан беним айакларымы!» Иисус ӂувап етти: «Еер Бӓн йыкамарсайдым сенин айакларыны, озаман олмайаӂэк пайын Бенимнӓн».

İoan 5:4

Аллахтан бир ангил кимӓр сыра гелӓрди гӧлӓ да чалкаларды суйу. Ким илкин гирӓрди су ойнатмасындан сора, куртулурду хертӱрлӱ хасталыктан, недӓн хастайды/.

Yaptıklar 13:39

да пакланасыныз хепсиндӓн, недӓн пакламады Моисейин Закону.

Yaptıklar 22:16

Шинди нечин ойаланэрсын? Калк, ваатиз ол, паклан кенди гӱнахларындан, чаарып Саабинин адыны“.

Yaptıklar 26:18

ки ачасын оннарын гӧзлерини, да дӧнсӱннӓр каранныктан айдыннаа хем шейтанын кувединдӓн Аллаха, еденсиннӓр афетмӓк гӱнахларындан хем бир пай оннарлан, ким айозланэр инаннан Бана“.

Romalılara 3:24

Хепси ӧдексиз доору сайылэрлар Аллахын иивергисиннӓн, зерӓ оннары Иисус Христос куртарды.

Romalılara 4:5

Ким кенди ишлеринӓ умутланмээр, ама инанэр Она, Ким аллахсызы доору сайэр, инаннан она доорулук сайылэр.

Romalılara 5:1

Шинди инаннан доору сайылмыш, биз Аллахлан услулук едендик. Буну йапты Саабимиз Иисус Христос,

Romalılara 5:9

Некадар таа чок шинди, незаман Онун каныннан доору сайылдык, Аллахын ӱфкесиндӓн Онун йардымыннан куртулаӂэз.

Romalılara 8:30

Кими Аллах ӧнӂӓ таныды, оннары чаарды, кими чаарды, оннары доору сайды, кими доору сайды, оннары да метиннеди.

Romalılara 8:33

Ким кабаатлайаӂэк Аллахын сечилмиш инсаныны? Аллах оннары доору сайэр.

1 Korіnflіlerä 1:2

селӓм йоллээрыз сизӓ – Аллахын клисесинӓ Коринф касабасында, ангылар айозланмыш Иисус Христоздан хем чаарылмыш айоз олмаа – хем хепсинӓ, ким анэр бизим Саабимизин Иисус Христозун адыны херердӓ. О хем оннарын, хем бизим Сааби.

1 Korіnflіlerä 1:30

Ама Аллах йапты инанӂы оласыныз Иисус Христоза. Онда, Ким олду бизим ичин Аллахтан аарифлик, доорулук, айозлук хем куртулмак.

1 Korіnflіlerä 12:2

Билерсиниз, ачан сиз таа тайфӓндыныз, йолу шашырып, баш иилдӓрдиниз дилсиз идоллара.

Galatіyalılara 2:16

Хеп окадар билериз, ани инсан доору сайылмээр Айоз Закону таманнамаклан, ама инаннан Иисус Христоза. Онуштан биз дӓ инандык Христос Иисуса, ки инаннан Христоза доору сайылалым, ама диил Закону таманнамаклан. Зерӓ кимсей доору сайылмайаӂэк Закону таманнамаклан.

Galatіyalılara 3:11

Танынэр, ани кимсей Законнан доору сайыламаз Аллахын ӧнӱндӓ, зерӓ вар йазылы: «Ким инаннан доору сайылэр, о йашайаӂэк».

Galatіyalılara 3:24

Бутӱрлӱ, Закон, ушак бакан чырак гиби, бизи Иисус Христоза гетирди, ки инаннан доору сайылалым.

Galatіyalılara 3:8

Айоз Йазыда вакытча хаберленди, ани Аллах аклээр йабанӂы миллетлердӓн оланнары инаннан. Онуштан илкин Авраама бу ии хабер верилди: «Сендӓ иисӧзленеӂек хепси миллетлӓр».

Efeslіlerä 5:26

ки ону, суйлан йыкайып, Аллахын сӧзӱннӓн пакладыктан сора айозласын,

Efeslіlerä 5:8

Вакыдын бириндӓ сиз каранныктыныз, ама шинди Саабидӓ айдынныксыныз. Гӧтӱрӱн кендинизи, ниӂӓ айдыннык евлатлары.

2 Salonіklіlerä 2:13

Биз лӓӓзым херзаман шӱкӱр еделим Аллаха сизин ичин, севгили кардашлар, ани Аллах сечти сизи, ки илк куртуланнар оласыныз Духун айозламасыннан хем инаннан аслылаа.

Çıfıtlara 10:22

Онуштан йаклашалым Аллаха пак ӱреклӓн хем каави инаннан, серпип ӱзлеримизи, кӧтӱ неетлердӓн паклайалым хем гӱӱдемизи темиз суйлан йыкайалым.

Çıfıtlara 10:29

сиз не деерсиниз? Некадар таа бӱӱк ӂеза кабледеӂек о, ким Аллахын Оолуну чиинемиш, бааланты каныны ашааламыш, нейлӓн айозландыйды, да бутакым Аллахын хайырлы Духуну гӱӂендирмиш.

Çıfıtlara 2:11

Зерӓ айозлайан Иисус хем айозланмак йолунда оланнар – хепси бир Бобадандыр. Онуштан Иисус утанмээр оннара десин «кардаш»,

1 Petrіnіn 1:2

Сечилдиниз Аллах Бобанын ӧнӂӓ билмесинӓ гӧрӓ, Аллахын Духуннан айоз халк оларак, ки сеслейӓсиниз Иисус Христозу, хем Онун каны серпилсин ӱстӱнӱзӓ. Сизӓ ииверги хем услулук зееделенсин.

1 Petrіnіn 1:22

Аслылыы сеслемӓклӓн ӂаннарынызы /Айоз Духлан/ пакладыныз. Бунун ичин кардашларынызы икиӱзлӱлӱксӱз северсиниз. Онуштан севин бири-биринизи хашлаклыклан хем бӱтӱн ӱреклӓн.

1 Petrіnіn 3:21

Бу олуш ваатизлӓӓ бензеер, ани шинди сизи куртарэр Иисус Христозун дирилмесиннӓн. Ваатизлик гӱӱденин йыканмасы кирдӓн диилдир, ама Аллахын ӧнӱндӓ темиз ӱректӓн бир адамак.

1 İoanın 2:12

Йазэрым сизӓ, ушаӂыкларым, зерӓ сизин гӱнахларыныз афедилди Онун адынын хатыры ичин.

Apokalіpsіs 1:5

хем Иисус Христоздан, Ким инанч шаат, илк дууан, Ким ӧлӱлердӓн дирилди хем ердеки падишахларын ӧндерӂиси. О бизи севди, Кенди каныннан бизи гӱнахларымыздан куртарды,

Apokalіpsіs 7:14

«Чорбаӂы, – ӂувап еттим бӓн, – сӓн билерсин». О деди бана: «Буннар о бӱӱк зееттӓн гечип-геленнӓр. Оннар рубаларыны йыкадылар хем Кузунун каныннан бийазлаттылар.