1 Korіnflіlerä 2:4 - Ени Бааланты

⁴ Не сӧледим хем насаат еттим, диилди инсанын аарифлииндӓ, инандырыӂы лафларында, ама куветтӓ, не Айоз Дух ачыклээр,

Enі Baalantı

⁴ Ne söledim hem nasaat ettim, diildi insanın aarifliindä, inandırıcı laflarında, ama kuvettä, ne Ayoz Duh açıklêêr,

1 Korіnflіlerä 2:4 ပူးပေါင်းရင်းမြစ်များ

Yaptıklar 20:27

Зерӓ сакынмадым хаберлейим сизӓ Аллахын бӱтӱн истедиини.

Yaptıklar 26:28

Агриппа деди Павлийӓ: «Бени йакын инандырдын христиан олайым!»

Romalılara 15:13

Аллах, Ким умут бизӓ версин, сизи долдурсун хертӱрлӱ севинмӓклӓн хем услулуклан инанынызда, ки Айоз Духун кувединнӓн сизи умутлан зенгиннетсин.

Romalılara 15:19

мераклы нышаннарын хем шашмаклы ишлерин кудретлииннӓн, Айоз Духун кувединнӓн. Ӧлӓ ки, Христос ичин Ии Хабери херердӓ насаат еттим, Иерусалимдӓн Иллирийа долайына кадар.

Romalılara 16:18

Зерӓ бусой инсаннар измет етмеерлӓр Христоза, бизим Саабийӓ, ама кенди шкембелеринӓ. Татлы сӧзлӓрлӓн хем йалпак лафларлан алдадэрлар саф ӱреклилери.

1 Korіnflіlerä 1:17

Христос бени йоллады диил ваатиз едейим, ама насаат едейим Ии Хабери, диил аариф лафларлан, ки Христозун ставрозу аннамасыны кайбетмесин.

1 Korіnflіlerä 2:1

Ачан гелдим сизӓ, кардашлар, гелмедим, ки ачайым сизӓ бир саклы хабер Аллахтан лаф усталыыннан хем ӱстӱн аарифликлӓн.

1 Korіnflіlerä 2:13

Бунун ичин лафедериз диил сӧзлӓрлӓн ӱӱредилмӓ инсан аарифлииндӓн, ама ӱӱредилмӓ Духтан, ачыклайып духча ишлери оннара, кимдӓ Дух вар.

1 Korіnflіlerä 4:20

Зерӓ Гӧк Падишахлыы тутунмээр лафлардан, ама куветтӓн.

2 Korіnflіlerä 6:6

измет едериз темизликлӓн, билгийлӓн, сабурлуклан, ииликлӓн, Айоз Духлан, хализ севгийлӓн,

Galatіyalılara 1:10

Бӓн шинди инсанын кайыллыыны мы аарээрым оса Аллахын мы? Аӂаба инсана мы бакэрым кендими беендирейим? Еер инсана кендими беендирмӓӓ бакарсам, озаман олмарым Христозун чыраа.

Koloslulara 2:4

Буну сӧлеерим, ки биркимсей сизи йанылтмасын кулаа назландыран лафларлан.

1 Salonіklіlerä 1:5

Зерӓ Ии Хабери гетирмедик сизӓ салт лафлан, ама куветлӓн, Айоз Духлан хем чок каави инаннан, ниӂӓ билерсиниз, несой гӧтӱрдӱк кендимизи сизин хатырыныз ичин, ачан сиздейдик.

1 Petrіnіn 1:12

Оннара ачылды, ани измет едӓрдилӓр диил кендилеринӓ, ама сизӓ. Лафеттилӓр оннар ичин, не сиз ӱӱрендиниз оннардан, ким сизӓ Ии Хабери аннатты. Ии Хабер аннадылды Айоз Духун йардымыннан, ани гӧктӓн йолланылды. Ангиллӓр дӓ истеерлӓр бу ишлери аннамаа.

2 Petrіnіn 1:16

Зерӓ сизӓ бизим Саабимизин Иисус Христозун куветлӓн гелмесини ачыкларкан, сӧлӓмедик сизӓ кӓӓмил дӱзӱлмӱш масаллар гиби, ама биз кенди гӧзлеримизлӓн гӧрдӱк Онун метинниини.

2 Petrіnіn 2:18

Оннар, бошуна ӱӱнерӓк, лафедерлӓр да алдадэрлар тенӂӓ хамеллӓрлӓн хем айып ишлӓрлӓн оннары, кимнӓр диил чоктан куртулду йанныш йолда гиденнердӓн.