1 Korіnflіlerä 15:56 - Ени Бааланты

⁵⁶ Ӧлӱмӱн зихирли иинеси – гӱнахтыр, ама гӱнах алэр куведини Айоз Закондан.

Enі Baalantı

⁵⁶ Ölümün zihirli iinesi – günahtır, ama günah alêr kuvedini Ayoz Zakondan.

1 Korіnflіlerä 15:56 ပူးပေါင်းရင်းမြစ်များ

Romalılara 4:15

Зерӓ Закон Аллахын ӱфкесини гетирер, ама нередӓ йок закон, орада йок закон басмасы да.

Romalılara 6:23

Зерӓ гӱнахын ӧдӓӓ ӧлӱмдӱр, ама Аллахтан баашыш – дивеч йашамак Саабимиздӓ Иисус Христозда.

İoan 8:24

Онун ичин сизӓ дедим, ани ӧлеӂениз гӱнахларынызда, зерӓ еер инанмарсайдыныз, ани Бӓним, озаман гӱнахларынызда ӧлеӂениз».

Romalılara 5:20

Айоз Закон сора верилди, ки кабаатлар зееделенсин, ама нередӓ гӱнах чоклашты, орада Аллахын иивергиси таа чок зееделенди,

İoan 8:21

Иисус лафетти илери доору: «Бӓн гидерим. Сиз аарайаӂэныз Бени, ама ӧлеӂениз гӱнахларынызда, орайы, нерейи Бӓн гидерим, сиз йок насыл гелӓсиниз».

Romalılara 5:17

Ниӂӓ бир адамын гӱнахыннан ӧлӱм падишах гиби заплык алды бир адам бетеринӓ, окадар таа чок оннар, ким алэр Аллахын бол иивергисини хем доорулук баашышыны, бир Адамнан – Иисус Христозлан – йашамак булаӂэклар хем падишахлык едеӂеклӓр.

Çıfıtlara 9:27

Ниӂӓ инсана сыраланмыш, бир керӓ ӧлсӱн, ондан сора даава,

Romalılara 5:15

Ама Аллахын баашышы диил ниӂӓ Адамын гӱнахы. Зерӓ ниӂӓ бир адамын гӱнахы бетеринӓ чойу ӧлдӱ, окадар таа чок Аллахын иивергиси хем баашышы бир Адамын – Иисус Христозун – иивергисиннӓн ташкынныктан чойуна верилер.