1 Korіnflіlerä 15:54 - Ени Бааланты

⁵⁴ Ачан бу чӱрӱйӓн гӱӱдӓ капланаӂэк чӱрӱксӱзлӱклӓн, хем бу ӧлӱмнӱ гӱӱдӓ донанаӂэк ӧлӱмсӱзлӱклӓн, озаман таманнанаӂэк, не йазылы: «Ӧлӱм енсенмиш олду да йок едилди».

Enі Baalantı

⁵⁴ Açan bu çürüyän güüdä kaplanacek çürüksüzlüklän, hem bu ölümnü güüdä donanacek ölümsüzlüklän, ozaman tamannanacek, ne yazılı: «Ölüm ensenmiş oldu da yok edildi».

1 Korіnflіlerä 15:54 ပူးပေါင်းရင်းမြစ်များ

Luka 20:36

Артык йок насыл ӧлсӱннӓр, чӱнкӱ ангиллерӓ бензеерлӓр. Оннар Аллахын ооллары, зерӓ ӧлӱмдӓн дирилеӂеклӓр.

Romalılara 1:23

Ӧлӱмсӱз Аллахы метиннемӓк еринӓ идоллара дӧндӱлӓр, ангылары бензеерлӓр ӧлӱмнӱ инсаннара, кушлара, дӧрт баӂаклы хайваннара хем сӱрӱненнерӓ.

Romalılara 2:7

Оннара, ким, дайма иилик йапарак, метинник, икрам хем ӧлӱмсӱзлӱк аарээр, дивеч йашамак вереӂек.

Romalılara 6:12

Онуштан гӱнах заплык етмесин сизин ӧлӱмнӱ гӱӱдениздӓ, да кайыл олмайын гӱӱденин хамеллериннӓн.

Romalılara 8:11

Еер Онун Духу, Ким Иисусу ӧлӱдӓн дирилтти, сиздӓ йашарсайды, озаман Ким дирилтти Христозу ӧлӱдӓн, сизин дӓ ӧлӱмнӱ гӱӱделеринизӓ йашамак вереӂек Кенди Духуннан, ани сиздӓ йашээр.

2 Korіnflіlerä 4:11

Зерӓ биз йашайаннар херзаман ӧлӱмӓ верилийиз Иисус ичин, ки Иисусун йашамасы ачылсын бизим ӧлӱмнӱ гӱӱдемиздӓ.

2 Korіnflіlerä 5:4

Зерӓ бу чадырда офлээрыз ӱк алтында, диил ани сойунмаа истеериз, ама гиинмӓӓ, ки биздӓ, не ӧлӱмнӱ вар, йашамаклан йудулсун.

2 Salonіklіlerä 1:10

о гӱнӱ, ачан О гелеӂек, ки метинненсин айоз халкындан хем шашмайа койсун хепси инанӂылары. Зерӓ сиз бизим шаатлыымызы инандыныз.

Apokalіpsіs 20:14

Ӧлӱм хем ӧлӱлӓр ери атеш гӧлӱнӓ атылдылар. Бу атеш гӧлӱ – икинӂи ӧлӱм.

Apokalіpsіs 21:4

Аллах хер йашы оннарын гӧзлериндӓн силеӂек. Артык ӧлӱм олмайаӂэк. Артык ааламак, сызламак хем аӂы олмайаӂэк. Зерӓ евелки ишлӓр гечти».