1 Korіnflіlerä 13:2 - Ени Бааланты

² Еер бендӓ варсайды пророклук беӂериклии, еер билирсейдим хепси саклы ишлери хем едендисейдим бӱтӱн билгичлии, еер варсайды бӱӱк инаным, байырлары да ериндӓн дииштирейим, ама йоксайды севгим, озаман бӓн бишей диилим.

Enі Baalantı

² Eer bendä varsaydı prorokluk beceriklii, eer bilirseydim hepsi saklı işleri hem edendiseydim bütün bilgiçlii, eer varsaydı büük inanım, bayırları da erindän diiştireyim, ama yoksaydı sevgim, ozaman bän bişey diilim.

1 Korіnflіlerä 13:2 ပူးပေါင်းရင်းမြစ်များ

Matfey 13:11

Иисус ӂувап етти: «Чӱнкӱ сизӓ верилди, аннайасыныз Гӧк Падишахлыын саклылыкларыны, ама оннара верилмеди.

Matfey 17:20

«Сизин инансызлыынызын бетеринӓ, – ӂувап етти Иисус. – Доору сизӓ сӧлеерим: еер олурса сиздӓ инан хардал тоому гиби, да дейӓрсениз бу байыра: „Дииш бурадан“, о диишеӂек. Бишей олмайаӂэк, ани сиз йапамайасыныз. /

Matfey 21:19

Йол бойунда гӧрдӱ бир инӂир фиданы. Йаклашып она, йапраклардан каарӓ бишей булмады да деди: «Бӱӱндӓн ӧтӓӓ хич мейва йапмайасын!» Инӂир фиданы осаат куруду.

Matfey 21:21

Иисус оннара ӂувап етти: «Доору сӧлеерим сизӓ, еер инаныныз олайды хем икилӓмейдиниз, сиз йапаӂэйдыныз диил салт буну, не бу фиданнан олду, ама дейеӂейдиниз бу байыра: „Калк да атыл дениз ичинӓ“, – о да олаӂэйды.

Yaptıklar 13:1

Антиохийада, орадакы клиседӓ варды кими пророклар хем ӱӱредиӂилӓр: Варнава; Симон, ангысына денилӓрди Нигер; Луций, Киринӓ касабасындан; Манаин, ангысы бӱӱдӱ Ирод бейлӓн барабар; хем Саул.

Romalılara 11:25

Кардашлар, истӓмеерим, ани бу саклы иши билмейӓсиниз. Бу сизи коруйаӂэк, кендинизи аариф сайасыныз. Израил бир парча вакыда инатлашты, башка миллетлердӓн инанӂыларын сайысы таманнанынӂа.

Romalılara 15:14

Кардашларым, бӓн кендим чок инанэрым, ани сиз пек ииликчийсиниз, ии билерсиниз, не йапмаа, хем да беӂерерсиниз бири-биринизӓ насаат вермӓӓ.

Romalılara 16:25

Шинди метинник олсун Аллаха, Ким вар насыл каавилесин сизи Ии Хаберӓ гӧрӓ, Иисус Христос ичин хаберӓ гӧрӓ, ани насаат едерим, чӱнкӱ бу саклылык ачылды, ани саклы тутулуйду сонсуз асирлердӓн беери,

1 Korіnflіlerä 11:4

Хербир адам, ким дуа едер йада пророклук едер узун сачлан, кенди башыны икрамсызлээр.

1 Korіnflіlerä 12:28

Аллах ерлештирди клиседӓ илкин апостоллары, икинӂи – пророклары, ӱчӱнӂӱ – ӱӱредиӂилери, сора оннары, ким кудретли ишлӓр йапэр; сора оннары, кимин баашышы вар хасталары алыштырмаа; оннары, ким йардым едер; оннары, ким кулланэр; оннары, ким лафедер хертӱрлӱ диллердӓ.

1 Korіnflіlerä 13:1

Еер лафедӓрсейдим инсан дилиндӓ йада ангил дилиндӓ, ама севгим йоксайды, бир ӧтӓр бакырым еки бир уулдар кимвалым.

1 Korіnflіlerä 13:3

Еер бӱтӱн варлыымы баашларсайдым, ки дойурайым фукааралары, еер гӱӱдеми атешӓ верирсейдим, ама севгим йоксайды, бана бундан хич бир файда олмаз.

1 Korіnflіlerä 13:8

Севги хич дургунмар. Пророклук сона гелеӂек, диллӓр сусаӂэк, билгичлик кайбелеӂек,

1 Korіnflіlerä 14:29

Пророклардан лафетсин ики-ӱч киши, каланы да аараштырсын, не сӧленер.

1 Korіnflіlerä 14:39

Ӧлӓ ки, кардашлар, чалышын пророклук етмӓӓ, ама оннары, ким башка диллердӓ лафедер, дургутмайын.

1 Korіnflіlerä 14:4

Ким лафедер башка дилдӓ, кендини каавилеер, ама ким пророклук едер, каавилеер клисейи.

1 Korіnflіlerä 15:51

Сӧлеерим сизӓ бир саклы иш. Хепсимиз ӧлмейеӂез, ама хепсимиз диишеӂез

1 Korіnflіlerä 16:22

Еер биркимсей севмӓрсейди Сааби Иисус Христозу, олсун бетвалы. Марана фа!

1 Korіnflіlerä 4:1

Кимин гиби инсаннар бизи лӓӓзым сайсын: Христозун изметкерлери хем Аллахын саклы ишлеринин векиллери.

1 Korіnflіlerä 7:19

Кесиклик бишей диил, кесиксизлик дӓ бишей диилдир. Аслы не лӓӓзым – таманнамаа Аллахын сымарладыкларыны.

1 Korіnflіlerä 8:4

Ӧлӓ ки, идоллара баашланмыш курбаннарын йаанысы ичин билериз, ани идол бу дӱннедӓ диил бишей, хем йок башка аллах, бир Аллахтан каарӓ.

2 Korіnflіlerä 12:11

Бӓн ӱӱнерӓк етиштим акылсызлаа, сиз бени буна зорладыныз. Сиз лӓӓзымды бени метедӓсиниз, зерӓ бӓн бишейлӓн таа ашаа диилим о «ӱстӱн апостоллардан», макар ки бишейӂик диилим.

Galatіyalılara 5:16

Буну демӓӓ истеерим: йашайын Айоз Духа гӧрӓ, озаман таманнамазсыныз тенин хамеллерини.

Galatіyalılara 5:22

Ама Айоз Духун мейвасы – севги, севинмӓк, услулук, сабурлук, аӂыйаннык, иилик, инанӂылык,

Galatіyalılara 6:3

Еер биркимсей, олмайарак бишей, сайарсайды кендини ӱстӱн, о алдадэр кенди-кендини.

Efeslіlerä 3:4

Сиз, ону окуйарак, таныйабилирсиниз, некадар ии аннээрым Христозун саклы неетини,

Efeslіlerä 6:19

Дуа един беним ичин дӓ, ки, аазымы ачтыйнан, бана лаф верилсин, да кыйышмаклан ачыклайым саклылыы Ии Хабер ичин,

Koloslulara 1:26

о саклы курулмушу, ани ачылмамыш калды евел вакытларда хем сенселелердӓ, ама шинди ачылды Онун айоз халкына.

1 Tіmofeyä 3:16

Хич лафсыз, Аллахын йолунун саклылыы бӱӱктӱр: Аллах тенӂӓ гӧстерилди, Духлан Кендини доорулады, ангиллерӓ гӧрӱндӱ, миллетлердӓ насаат едилди, дӱннедӓ инаннан кабледилди, метинниклӓн йукары алынды.

1 İoanın 4:8

Ама ким севмеер, о Аллахы танымады, зерӓ Аллах – севги.