1 Korіnflіlerä 13:13 - Ени Бааланты

¹³ Шинди калэр буннар ӱчӱ: инан, умут хем севги, ама севги оннардан таа бӱӱк.

Enі Baalantı

¹³ Şindi kalêr bunnar üçü: inan, umut hem sevgi, ama sevgi onnardan taa büük.

1 Korіnflіlerä 13:13 ပူးပေါင်းရင်းမြစ်များ

Luka 10:27

О ӂувап етти: «Севӓсин Сааби Аллахыны бӱтӱн ӱрӓӓннӓн, бӱтӱн ӂаныннан, бӱтӱн кувединнӓн хем бӱтӱн аклыннан хем севӓсин йакын оланыны, ниӂӓ кендини».

Luka 22:32

ама Бӓн дуа еттим сенин ичин, йуфкаланмасын сенин инанын. Да сӓн, енидӓн дӧнӱп Бана, каавилейӓсин кардашларыны инанда».

Romalılara 15:13

Аллах, Ким умут бизӓ версин, сизи долдурсун хертӱрлӱ севинмӓклӓн хем услулуклан инанынызда, ки Айоз Духун кувединнӓн сизи умутлан зенгиннетсин.

1 Korіnflіlerä 14:1

Севгинин ардына гидин, ама чалышын духча баашышлары еденмӓӓ, ен чок пророклук етмӓӓ.

1 Korіnflіlerä 16:14

Хепсини севгийлӓн йапын.

1 Korіnflіlerä 3:14

Еер йапы, ани йывылы биркимсейдӓн темел ӱстӱнӓ, айакча каларсайды, о баашыш еденеӂек.

1 Korіnflіlerä 8:1

Идоллара баашланмыш курбаннар ичин билериз, ани «хепсимиздӓ билги вар», салт ки билги кабардэр, ама севги духча каавилеер.

1 Korіnflіlerä 8:3

Еер биркимсей севӓрсейди Аллахы, Аллах ону билер.

2 Korіnflіlerä 5:10

Зерӓ хепсимиз лӓӓзым чыкалым даавайа Христозун ӧнӱнӓ, ки хербиримиз каблетсин ӧдек ии еки кӧтӱ ишлӓр ичин, ангыларыны йаптык, гӱӱдедӓ йашаркан.

2 Korіnflіlerä 5:15

Христос хепси ичин ӧлдӱ, ки йашайаннар артык йашамасыннар кендилери ичин, ама Онун ичин, Ким оннар ичин ӧлдӱ хем дирилди.

Galatіyalılara 5:6

Зерӓ Иисус Христозда йок паайы не кесиклиин, не дӓ кесиксизлиин, ама инанын, ани севгийлӓн ишлеер.

Fіlіplіlerä 1:9

Дуа едерим, ки сизин севгиниз таа чок хем таа чок бӱӱсӱн билгидӓ хем аннамакта.

Koloslulara 1:27

Аллах истеди гӧстерсин оннара, некадар шанны хем зенгиндир миллетлӓр арасында бу саклы курулмуш. О – Христостур, метинник умуду, ани сиздӓ булунэр.

Koloslulara 1:5

Бу инан хем севги гелер умуттан, ани гӧктӓ саклы сизин ичин. Ишиттиниз бу умут ичин хакына сӧздӓн, Ии Хабердӓн,

Koloslulara 3:14

Хепсинин ӱстӱнӓ гиинин севгийи, ангысы бир синӂирдир, не тутар хепсини бирлик ичиндӓ.

1 Salonіklіlerä 1:3

Дайма анэрыз бизим Аллах Бобанын ӧнӱндӓ, несой инаннан ишлеерсиниз, несой севгийлӓн савашэрсыныз, да некадар дайанэрсыныз, умуду койарак бизим Сааби Иисус Христоза.

1 Salonіklіlerä 5:8

Ама биз гӱндӱз ооллары, онуштан лӓӓзым айык олалым, гӱӱсӱмӱзӓ инан хем севги зирхини гиийелим, башымыза куртулмак умут башлыыны такалым.

1 Tіmofeyä 1:5

Бу сымарламанын кеези – севги бир пак ӱректӓн, темиз нееттӓн хем диил икиӱзлӱ инандан.

2 Tіmofeyä 1:7

Зерӓ Аллах верди бизӓ диил коркаклык духу, ама кудрет, севги хем кендини запетмӓк духу.

Çıfıtlara 10:35

Ӧлӓ ки бракмайын гиргинниинизи, ангысы ичин бир бӱӱк баашыш олаӂэк.

Çıfıtlara 10:39

Биз диилиз оннардан, ким геери чекилер да кайбелер, ама оннардан, ким инанэр да ӂаныны коруйэр.

Çıfıtlara 6:11

Истеериз, ани херкезиниз биткийӓдӓн гӧстерсин хеп бу чалышмайы, ки бӱтӱн умудунуз олсун.

Çıfıtlara 6:19

Бу умудумуз каави хем четин, ниӂӓ бир геми демири, ани коруйэр ӂанымызы, Айоз бинанын ичйанкы перденин ӧбӱр тарафына етишер,

1 Petrіnіn 1:21

Онун араӂылыыннан Аллаха инандыныз, Ангысы дирилтти Ону ӧлӱдӓн да верди Она метинник, ки инанасыныз хем умутланасыныз Аллаха.

1 İoanın 2:10

Ким кардашыны север, о айдынныкта калэр. Она йок бишей кӧстекленмӓк ичин.

1 İoanın 2:14

Сизӓ йаздым, бобалар, зерӓ сиз таныдыныз Ону, Ким таа баштандыр. Сизӓ йаздым, деликаннылар, зерӓ сиз каавийсиниз, Аллахын сӧзӱ сиздӓ калэр, хем кӧтӱ оланы енсединиз.

1 İoanın 2:24

Онуштан, не баштан ишиттиниз, о сиздӓ калсын. Еер сиздӓ каларсайды, не баштан ишиттиниз, озаман сиз калаӂэныз хем Оолда, хем Бобада.

1 İoanın 3:3

Херкез, ким бу умуду Она койэр, кендини паклээр, ниӂӓ Христос пак.

1 İoanın 3:9

Ким Аллахтан дуулмуш, о гӱнах йапмээр, зерӓ Аллахын тоому онда калэр. О йок ниӂӓ гӱнах йапсын, зерӓ Аллахтан дуулмуш.