1 Korіnflіlerä 10:32 - Ени Бааланты

³² Олмайын кӧстек не иудейлерӓ, не урумнара, не дӓ Аллахын клисесинӓ.

Enі Baalantı

³² Olmayın köstek ne iudeylerä, ne urumnara, ne dä Allahın klisesinä.

1 Korіnflіlerä 10:32 ပူးပေါင်းရင်းမြစ်များ

Yaptıklar 20:28

Есап алын кенди-кендинизӓ хем бӱтӱн сӱрӱйӓ, кимин ӱстӱнӓ Аллах койду сизи гӱдӱӂӱ, ки гӱдӓсиниз Саабинин /хем Аллахын/ клисесини, ангысыны казанды Кенди каныннан.

Yaptıklar 24:16

Онуштан бӓн чалышэрым, ки херзаман пак ӱзлӓн олайым Аллахын хем инсанын ӧнӱндӓ.

Romalılara 14:13

Онуштан маана булмайалым бири-биримизӓ, ама таа ии, карарлайын йапмайасыныз бишей, ани кӧстек олэр кардашыныза еки ону гӱнаха дӱшӱрӱр.

1 Korіnflіlerä 1:2

селӓм йоллээрыз сизӓ – Аллахын клисесинӓ Коринф касабасында, ангылар айозланмыш Иисус Христоздан хем чаарылмыш айоз олмаа – хем хепсинӓ, ким анэр бизим Саабимизин Иисус Христозун адыны херердӓ. О хем оннарын, хем бизим Сааби.

1 Korіnflіlerä 10:33

Бӓн бакэрым хер тарафтан беендирейим кендими херкезинӓ, зерӓ бакмээрым кенди файдамы, ама чоклуун файдасыны, ки оннар куртулсуннар.

1 Korіnflіlerä 11:22

Не, йок му ниӂӓ евдӓ ийӓсиниз хем ичӓсиниз? Нечин ашааландырэрсыныз Аллахын клисесини да утандырэрсыныз оннары, кимдӓ йок бишей? Не дейим сизӓ? Метедейим ми сизи? Бу ӱзерӓ йок нейлӓн метедейим!

1 Korіnflіlerä 12:28

Аллах ерлештирди клиседӓ илкин апостоллары, икинӂи – пророклары, ӱчӱнӂӱ – ӱӱредиӂилери, сора оннары, ким кудретли ишлӓр йапэр; сора оннары, кимин баашышы вар хасталары алыштырмаа; оннары, ким йардым едер; оннары, ким кулланэр; оннары, ким лафедер хертӱрлӱ диллердӓ.

1 Korіnflіlerä 15:9

Зерӓ бӓн ен кӱчӱкӱм апостоллардан, ким хич етмеер сайылсын апостол, зерӓ кооладым Аллахын клисесини.

1 Korіnflіlerä 7:17

Херкез йашасын ӧлӓ, ниӂӓ Аллах она пайетти, хем ниӂӓ Сааби ону чаарды. Бу сырайы ерлештирдим хепси клиселердӓ.

1 Korіnflіlerä 8:13

Ӧлӓ ки, еер имӓк бетеринӓ оларсайды, ки кардашым гӱнаха гирсин, озаман хич имӓм йааны, ки кардашымы гӱнаха сокмайым.

2 Korіnflіlerä 1:1

Бӓн, Павли, Иисус Христозун апостолу Аллахын истедиинӓ гӧрӓ, хем кардаш Тимофей селӓм йоллээрыз Аллахын клисесинӓ, ани Коринф касабасында, барабар Аллахын бӱтӱн айоз халкыннан, ани булунэр Ахайа долайында.

2 Korіnflіlerä 6:3

Биз бишей йапмээрыз, ани башкасына кӧстек олсун, зерӓ истӓмеериз, ки изметчилиимиз кӧтӱленсин.

Galatіyalılara 1:13

Сиз ишиттиниз, ниӂӓ вакыдын бириндӓ йашардым иудей дининӓ гӧрӓ. Бӓн Аллахын клисесини ӂансыз коолардым да бакардым ону телеф етмӓӓ.

Fіlіplіlerä 1:10

Озаман таныйабилирсиниз, не файдалы, ки оласыныз темиз хем кусурсуз Христозун гӱнӱндӓ,

Fіlіplіlerä 3:6

Кыйаклыклан клисейи коолардым. Еер лафедӓрсӓк доорулук ичин, ани Айоз Законда темелли, бӓн кабаатсыздым.

1 Salonіklіlerä 2:14

Зерӓ сиз, кардашлар, олдунуз бензӓр Аллахын клиселеринӓ Иудейада, ангылары Иисус Христоза баалы, зерӓ сиз дӓ чектиниз кенди ватандашларыныздан, не оннар чектилӓр иудейлердӓн,

1 Tіmofeyä 3:15

ки, еер биртӱрлӱ ойаланарсам, сӓн билӓсин, ниӂӓ дӱшер гӧтӱрмӓӓ кендини Аллахын евиндӓ, ани вар дири Аллахын клисеси, аслылыын дирӓӓ хем темели.

1 Tіmofeyä 3:5

Зерӓ ким кенди евини кулланмаа беӂермеер, несой вар насыл гӱдӓбилсин Аллахын клисесини?