1 Korіnflіlerä 1:18 - Ени Бааланты

¹⁸ Зерӓ насаат ставроз ичин акылсызлык сайылэр оннарда, ким булунэр кайыплык йолунда, ама бизим ичин, ким куртулмак йолунда, Аллахын куведийдир.

Enі Baalantı

¹⁸ Zerä nasaat stavroz için akılsızlık sayılêr onnarda, kim bulunêr kayıplık yolunda, ama bizim için, kim kurtulmak yolunda, Allahın kuvediydir.

1 Korіnflіlerä 1:18 ပူးပေါင်းရင်းမြစ်များ

Yaptıklar 13:41

„Бакын сиз, гӱлмӓӓ аланнар, шашын хем йок олун, зерӓ йапэрым Бӓн ӧлӓ иш сизин вакытта, ани хич инанмайаӂэйдыныз, еер биркимсей сӧлесейди сизӓ“».

Yaptıklar 17:18

Кимиси Эпикур хем Стоик философларындан онуннан атышмаа башладылар. Кимиси дейӓрди: «Не истеер сӧлесин бу бошуна лафедӓн?» Башкалары, ишидип, ани о аннадэр хабери Иисус ичин хем Онун дирилмеси ичин, дедилӓр: «Аллелем, о насаат едер йабанӂы аллахлар ичин».

Yaptıklar 17:32

Ӧлӱдӓн дирилмӓк ичин ишидип, оннарын кимиси башлады гӱлмӓӓ алмаа, ама башкалары дедилӓр: «Бунун ичин сеслӓриз сени башка керӓ».

Yaptıklar 2:47

Аллахы метиннӓрдилӓр хем хепси инсандан беенилмиштилӓр. Сааби хер гӱн еклӓрди ени куртуланнары оннарын сайысына.

Romalılara 1:16

Зерӓ бӓн утанмээрым /Христозун/ Ии Хабериндӓн. О бир кувет Аллахтан, ки куртарсын хепсини, ким инанэр, илкин иудейлери, сора урумнары да.

1 Korіnflіlerä 1:21

Чӱнкӱ Аллахын аарифлиинӓ гӧрӓ бу дӱннӓ Аллахы кенди аарифлииннӓн танымады, Аллах кайыл олду, куртарсын инанӂылары акылсыз сайылан насаатлан.

1 Korіnflіlerä 15:2

Ии Хаберлӓн куртулэрсыныз, еер сыкы тутунарсайдыныз ондан, не сизӓ насаат еттим. Башка тӱрлӱ наафилӓ инандыныз.

1 Korіnflіlerä 2:14

Инсан, ани тендӓн кулланылмыш, каблетмеер Аллахын Духунун ишлерини, зерӓ буннар гӧрӱнер она бир акылсызлык гиби, да йок насыл аннасын, зерӓ буннары лӓӓзым аннамаа духча.

1 Korіnflіlerä 2:2

Зерӓ карарладым, сиздӓ унудайым хепсини, Иисус Христоздан каарӓ, Ангысы герилди ставроза.

1 Korіnflіlerä 3:19

Зерӓ бу дӱннейин аарифлии, Аллахын ӧнӱндӓ бир акылсызлык гиби. Ниӂӓ дӓ йазылы: «Аллах тутэр аарифлери оннарын шалвирликлериннӓн».

1 Korіnflіlerä 4:10

Биз акылсызыз Христос ичин, ама Христос сизи аариф йапты! Биз йуфкайыз, сиз са каавийсиниз! Сиз метиннийсиниз, биз икрамсыз!

2 Korіnflіlerä 10:4

Бизим дӱӱшӱмӱзӱн силӓхлары диил тенӂӓ, ама оннарда вар Аллахтан кувет, калелери йыксыннар дейни.

2 Korіnflіlerä 4:3

Еер бизим Ии Хабер ӧртӱлӱсейди, ӧртӱлӱ кайып оланнар ичин,

1 Salonіklіlerä 1:5

Зерӓ Ии Хабери гетирмедик сизӓ салт лафлан, ама куветлӓн, Айоз Духлан хем чок каави инаннан, ниӂӓ билерсиниз, несой гӧтӱрдӱк кендимизи сизин хатырыныз ичин, ачан сиздейдик.

2 Salonіklіlerä 2:10

хем хертӱрлӱ кӧтӱ шалвирлии, ки кайыплык йолунда оланнары алдатсын. Оннар кайбелеӂеклӓр, зерӓ истӓмеерлӓр севмӓӓ аслылыы, куртулсуннар дейни.

Çıfıtlara 12:2

Уз Иисуса бакалым, Ангысы бизим инанын ӧнӂӱсӱ хем таманнайыӂысы. О, бакарак севинмелӓӓ, ани гелеӂек, дайанды ставрозда герили олсун. Буну хич утанмак саймады да Аллахын чорбаӂылык скемнесинин саа тарафына отурду.

Çıfıtlara 4:12

Зерӓ Аллахын сӧзӱ дири, ишлейӓн хем икиӱзлӱ кылычтан таа кескин. О етишер орайы, нередӓ ӂан хем дух, еклӓр хем имик бири-бириндӓн айырылэр, да даава едер ӱрӓӓн дӱшӱнмеклерини хем неетлерини.