1 İoanın 3:12 - Ени Бааланты

¹² Олмайалым, ниӂӓ Каин, ангысы кӧтӱ оланданды да кенди кардашыны ӧлдӱрдӱ. Нечин ӧлдӱрдӱ? Зерӓ онун кенди ишлери кӧтӱйдӱ, ама онун кардашынын ишлери дооруйду.

Enі Baalantı

¹² Olmayalım, nicä Kain, angısı kötü olandandı da kendi kardaşını öldürdü. Neçin öldürdü? Zerä onun kendi işleri kötüydü, ama onun kardaşının işleri dooruydu.

1 İoanın 3:12 ပူးပေါင်းရင်းမြစ်များ

Matfey 13:19

Ким Гӧк Падишахлыы ичин сӧзӱ ишидер да аннамээр, она шейтан гелер да тоому онун ӱреендӓн чалэр. Буннар о тоомнар, ани дӱштӱлӓр йол бойуна.

Matfey 13:38

Тарла – дӱннӓ. Ии тоом – Гӧк Падишахлыын ооллары. Айырык тоомнар – йарамазын ооллары.

Matfey 23:35

Ӧлӓ ки, сиз ӂувап едеӂениз хепси доору оланнарын каннары ичин, ани дӧкӱлдӱ бу ердӓ, кабаатсыз Авелин канындан, Варахийанын оолунун, Захарийанын канынадан, ангысыны ӧлдӱрдӱнӱз Айоз бина хем курбаннык арасында.

Matfey 27:23

Кулланыӂы деди: «Е не кӧтӱлӱк йапты?» Ама оннар чекеттилӓр таа пек баармаа: «Герилмиш олсун ставроза!»

Matfey 5:37

Ко олсун сизин лафыныз: „Еер ӧлӓйсӓ – ӧлӓ. Еер олмазса – олмаз“. Не буннардан зеедӓ, о йарамаздан гелер.

Luka 11:51

Авелин канындан Захарийанын канынадан, ангысы ӧлдӱрӱлдӱ Айоз бинанын хем курбанныын арасында. Аслы сӧлеерим сизӓ: есап сорулаӂэк бу бой инсандан!

İoan 10:32

Иисус деди: «Чок ии ишлӓр гӧстердим сизӓ Бобамдан. Бу ишлерин ангысы ичин истеерсиниз Бени ташлан дӱӱмӓӓ?»

İoan 8:40

Ама шинди бакэрсыныз ӧлдӱрмӓӓ Бени, Адамы, Ангысы лафетти сизӓ аслылык ичин, ону, не ишитти Аллахтан. Авраам бӧлӓ йапмады.

İoan 8:41

Сиз йапэрсыныз сизин бобанызын ишлерини». Оннар дедилӓр: «Биз диилиз ороспулук ушаклары. Бизим салт бир Бобамыз вар, Аллах».

Yaptıklar 7:52

Деделериниз пророкларын ангысыны кооламадылар? Ӧлдӱрдӱлӓр оннары да, ким ӧнӂӓ хаберледи Доору Оланын гелмеси ичин, Ангысыны сиз шинди саттыныз хем ӧлдӱрдӱнӱз.

1 Salonіklіlerä 2:14

Зерӓ сиз, кардашлар, олдунуз бензӓр Аллахын клиселеринӓ Иудейада, ангылары Иисус Христоза баалы, зерӓ сиз дӓ чектиниз кенди ватандашларыныздан, не оннар чектилӓр иудейлердӓн,

Çıfıtlara 11:4

Инаннан Авел Аллаха таа ии бир курбан гетирди, некадар Каин. Бунуннан шаатлык каблетти, ани Аллахын ӧнӱндӓ доорудур, зерӓ Аллах гӧстерди, ани каблетти онун баашышларыны. Бутакым о бӱӱн дӓ лафедер, макар ки ӧлдӱ.

Çıfıtlara 12:24

Йаклаштыныз ени баалантынын Араӂысына, Иисуса, хем серпили кана, ани таа ии ишлери аннадэр, некадар Авелин каны.

1 Petrіnіn 4:4

Шинди оннар шашэрлар, чӱнкӱ сиз оннарлан барабар далмээрсыныз о ташкын хайырсызлык селлеринӓ, да онуштан кӧтӱлеерлӓр сизи.

1 İoanın 3:8

Ким гӱнах йапэр, о диаволдан, зерӓ диавол баштан гӱнах йапэр. Онуштан Аллахын Оолу гелди, ки бозсун диаволун ишлерини.

İudanın 1:11

Вай оннара, зерӓ гидерлӓр Каинын йолундан, казанч ичин чабук алданэрлар, ниӂӓ Валаам да Корей гиби калкынмакта кайбелерлӓр.

Apokalіpsіs 17:6

Гӧрдӱм, ани бу кары сарфош олмушту Аллахын айоз халкы канындан, Иисусун шаатлары канындан. Сарп шаштым, ачан ону гӧрдӱм.