1 İoanın 2:20 - Ени Бааланты

²⁰ Сиз сӓ, йааланмышсыныз Айоз Оландан да /хепсини/ аннээрсыныз.

Enі Baalantı

²⁰ Siz sä, yaalanmışsınız Ayoz Olandan da /hepsini/ annêêrsınız.

1 İoanın 2:20 ပူးပေါင်းရင်းမြစ်များ

Matfey 13:11

Иисус ӂувап етти: «Чӱнкӱ сизӓ верилди, аннайасыныз Гӧк Падишахлыын саклылыкларыны, ама оннара верилмеди.

Mark 1:24

«Не истеерсин биздӓн, Назаретли Иисус? Гелдин бизи кайбетмӓӓ ми? Билерим, кимсин Сӓн, Сӓн Аллахын Айозуйсун!»

Luka 4:18

«Саабинин Духу Беним ӱстӱмдӓ, О йаалады Бени, ии хабер гӧтӱрейим фукааралара. Йоллады Бени, /алыштырайым о фаланык ӱреклилери,/ насаат едейим есирликтӓ оланнара сербестлик, кӧӧрлара гӧрмӓк, зеетленмишлери колверейим сербестлӓӓ,

Luka 4:34

«Брак бизи, не истеерсин биздӓн, Назаретли Иисус? Гелдин бизи телеф етмӓӓ? Билерим, кимсин Сӓн, Сӓн Аллах Айозуйсун!»

İoan 14:26

Иилендириӂи, Айоз Дух, ангысыны йоллайаӂэк Боба Беним адыма, ӱӱредеӂек сизи хем аклыныза гетиреӂек хепсини, не Бӓн сӧледим.

İoan 16:13

Ачан гелеӂек Иилендириӂи, Аслылык Духу, О доорудаӂэк сизи бӱтӱн аслылаа, зерӓ О лафетмейеӂек Кендиндӓн, ама сӧлейеӂек, не ишидеӂек, хем билдиреӂек сизӓ гелӓр ишлери.

Yaptıklar 10:38

ниӂӓ Аллах Айоз Духлан хем кудретлӓн йаалады Иисусу Назареттӓн, Ангысы гезӓрди ердӓн ерӓ, иилик йапарак хем алыштырарак хепсини, ким диаволун баскысы алтындайды, зерӓ Аллах Онуннанды.

Yaptıklar 3:14

Сиз атылдыныз Ондан, Ким Айоз хем Кабаатсыз, да истединиз бир ӧлдӱрӱӂӱйӱ сизӓ салверсин.

1 Korіnflіlerä 2:15

Духтан кулланылмыш инсан са хепсини аннар, ама кендиси кимсейдӓн аннанылмамыш калэр.

Çıfıtlara 1:9

Доорулуу севдин, ама законсузлуктан азетмедин, онуштан Аллах, Сенин Аллахын, Сени йаалады севинч йаайыннан таа чок Сенин достларындан».

Çıfıtlara 8:11

Кимсей ӱӱретмейеӂек йакын оланыны хем кенди кардашыны, дейип: „Саабийи таны“, зерӓ кӱчӱк-бӱӱк, хепси Бени таныйаӂэк.

1 İoanın 2:27

Ама йааланмак, ани сиз Ондан каблеттиниз, сиздӓ калэр. Онуштан сизин йок зорунуз, ки биркимсей ӱӱретсин сизи. Ама Онун йааламасы ӱӱредер сизи хепси ишлӓр ичин. О – аслылык хем диил йалан. Онуштан калын Онда, ниӂӓ О ӱӱретти сизи.

1 İoanın 4:13

Бунуннан таныйэрыз, ани Аллах биздӓ, биз дӓ Онда, зерӓ О Кенди Духундан бизӓ верди.

İudanın 1:5

Макар ки буну билерсиниз, бӓн истеерим аклыныза гетирейим, ани Сааби Кенди халкыны Мысырдан куртардыктан сора, инансызлары телеф етти.

Apokalіpsіs 3:7

Филаделфийа клисесинин ангилинӓ йаз: „Бӧлӓ деер Айоз хем Доору Олан, Кимдӓ вар Давидин анатары, Ким ачэр, да кимсей капайамээр, капээр, да кимсей ачамээр.

Apokalіpsіs 4:8

Бу дӧрт йаратыын хербириндӓ варды алтышар канат. Доз-долай, дышандан хем ичйандан, долуйдулар гӧзлӓн. Геӂӓ-гӱндӱз дурмамайӂа дейӓрдилӓр: «Айоз, айоз, айоз Чоккудретли Сааби Аллах, Ким варды, Ким вар хем Ким гелӓр».