1 İoanın 2:16 - Ени Бааланты

¹⁶ Зерӓ хепси, не вар бу дӱннедӓ: тенин хамеллери, гӧз майыллыы хем йашамак шишкиннии, диил Бобадан, ама бу дӱннедӓн.

Enі Baalantı

¹⁶ Zerä hepsi, ne var bu dünnedä: tenin hamelleri, göz mayıllıı hem yaşamak şişkinnii, diil Bobadan, ama bu dünnedän.

1 İoanın 2:16 ပူးပေါင်းရင်းမြစ်များ

Matfey 4:8

Сора диавол Ону бир пек ӱӱсек байыр ӱстӱнӓ гӧтӱрдӱ. Гӧстерди Она дӱннейин хепси падишахлыкларыны хем оннарын метинниини да деди:

Matfey 5:28

Ама Бӓн деерим сизӓ: ким бакэр бир карыйа майыллыклан, артык ӱреендӓ ороспулук йапэр онуннан.

Luka 4:5

Диавол пиндирди Ону бир ӱӱсек байыр ӱстӱнӓ да бир гӧз кыпымда гӧстерди хепси ерин падишахлыкларыны.

Romalılara 13:14

Сааби Иисус Христос сизи корусун, силӓх гиби. Бакмайын таманнамаа тенин истедиклерини.

1 Korіnflіlerä 10:6

Оннарлан буннар хепси олду, ки бизӓ ӧрнек олсуннар, ки истӓмейелим кӧтӱлӱк йапмаа, оннар гиби.

Galatіyalılara 5:17

Зерӓ тен истеер, не Духа каршы, Дух да истеер, не тенӓ каршы. Оннар бири-биринӓ каршы дурэрлар; ӧлӓ, ки сиз йапамээрсыныз, не истеерсиниз.

Galatіyalılara 5:24

Ама ким Христозун, оннар ставроза гердилӓр тени онун хамеллериннӓн хем истемеклериннӓн.

Efeslіlerä 2:3

Оннарын арасында биз хепсимиз дӓ вакыдын бириндӓ йашардык тенимизин хавезлеринӓ гӧрӓ. Таманнардык тенимизин хем аклымызын истедиклерини. Хализ халымызда биз даавалы олмуштук Аллахын ӱфкесинӓ, ниӂӓ дӓ калан инсаннар.

Tіta 2:12

ӱӱредер бизи, аллахсызлыктан хем дӱннӓ хамеллериндӓн бракылалым, да есаплы, доору хем аллахчы йашайалым бу шиндики вакытта.

Tіta 3:3

Зерӓ биз кендимиз да, вакыдын бириндӓ фикирсиз, сеслӓмейиӂи хем шашыктык. Измет едӓрдик тӱрлӱ хамеллерӓ хем кефлерӓ. Йашардык кинниктӓ хем кысканчлыкта. Хепси биздӓн, биз дӓ бири-биримиздӓн азетмӓрдик.

İakovun 3:15

Бусой аарифлик йукардан инмӓз, ама гелер ердӓн, инсан табеетиндӓн, фена духлардан.

İakovun 4:16

Ама шинди ӱӱнерсиниз хем шишкинниклӓн лафедерсиниз. Бутӱрлӱ ӱӱнмеклӓр херзаман кӧтӱ.

1 Petrіnіn 1:14

Ниӂӓ сеслейиӂи ушаклар, кайыл олмайын о хамеллӓрлӓн, ани сиздӓ варды, ачан таа доорулуу билмӓрдиниз.

1 Petrіnіn 2:11

Севгили кардашлар, йалварэрым, корунасыныз гӱнахлы табеетинизин истемелериндӓн, ани ӂаныныза каршы ӂенк едӓр. Зерӓ бу дӱннедӓ сиз йабанӂыйсыныз хем йолӂуйсунуз.

2 Petrіnіn 2:10

ен чок оннары, ангылары тенӂӓ мындар истемелерӓ верилер хем Онун заабитлиини паайа коймээр. Бу арсыз хем инат адамнар метинни оланнары кӧтӱлемӓӓ сакынмээрлар.

2 Petrіnіn 2:18

Оннар, бошуна ӱӱнерӓк, лафедерлӓр да алдадэрлар тенӂӓ хамеллӓрлӓн хем айып ишлӓрлӓн оннары, кимнӓр диил чоктан куртулду йанныш йолда гиденнердӓн.