Wasɨn̰a 8:7 - Gabri Maja

⁷ Ba-ƴɔbɛ gɨ daa nii gɨ ba cay wase le lɨm burun̰ji. Kɨɗɨn̰di ga nee gaŋ le bɨ, gɨna gɨ da kaŋdi Kumu dan̰ tɨwa di polɨn̰i dan̰ kɨbar bugoŋge a cay gɨsəŋ gaŋ. Hɨn̰ gɨ kan na gusɨnage cay gɨsəŋ kɨɗɨn̰ sɨbɨ na, kɨbɨge ga pɨna uloŋ muɗɔgɨ muɗɔgɨ coŋ. Hɨn̰ gɨ kan na gusɨnage hayaŋ kɨɗɨn̰ sɨbɨ na, kɨbɨge ga pɨna uloŋ muɗɔgɨ muɗɔgɨ coŋ bɨ, ul hɛɗɨmɛ ga bɨra ɗəndəŋ coŋ bɨ.

Wasɨn̰a 8:7 ပူးပေါင်းရင်းမြစ်များ

Magtubu di Jag wal 1:11

Kɨya wa tɨwa andaŋ bɨ, man̰edo jɨb pen̰ bɨ, hay hɛɗɨmɛ bɨ, bɨn̰edɨge gunguloŋ sɔg sɔg coŋ bɨ, marɨnadɨge kalɨn̰ ma kaɗɨn̰ coŋ nee bɨ. Ba-wɔɔ hɨnga kalɨn̰ ma, kɨya kaɗɨn̰a duroy gɨye-lɔɔdi gɨŋ na hɨn̰ wo̰ bɨ.

1 Pɨyɛr 1:24

Walge duroy magtubu Kɨbe Kɨra dɨŋ yege hɨn̰: «Ungo gɨ ɨndi le woy gɨlɨn̰ na hɨn̰ hɛɗɨmɛ wo̰ bɨ, Gusoŋ-tɔgɛ koyi nɔm woy gɨlɨn̰, Na hɨn̰ bɨn̰edi hɛɗɨmɛ ga coŋ wo̰ bɨ, Hɛɗɨmɛ hayi bɨ, bɨn̰edɨge gunguloŋ coŋ bɨ.

Wasɨn̰a 12:4

Hɨn̰ gɨ kan na gusɨnage dɛsɨɗɛŋ ga gɨɗɨgɨ-Kumu gaŋ kɨɗɨn̰ sɨbɨ na, cɨɗɨn̰ kɨmana le sar kɨbɨge ga pɨna beege a cay gɨsəŋ gaŋ. Kɨmana le ɨrga som kɨbɨ tama di gey wɔɔ le, ɗe kɨɗɨn̰ ga hɨndi na wɔɔ ƴɔbɨ na ay na soyin̰ kɨye le.

Wasɨn̰a 16:2

Ba-ƴɔbɛ gɨ daa nii gɨ cay wase le, or ɓɨge kobo koyi a cay gɨsəŋ gaŋ. Kɨɗɨn̰di ga nee gaŋ le, ɨya-ba̰ra̰ di lee hundɔrɔ bɨ, wɨdɨlde kɨɗɨn̰ tɔgɨ bɨ, baa a cay kalaŋ ga tɨnda di da kɨmana woy gusɨge bɨ n̰ɨrege turnoyi bɨ.

Wasɨn̰a 16:21

Gɨna gɨ da kaŋdi Kumu ga nɨn̰dəŋ sayga gɨɗɨgɨ-Kumu gɨŋ laydaŋ a cay kalaŋ ga ɨndəŋ. Gɨna gɨ da kaŋdi Kumu le nɨn̰wadi ɓal kɨlo toyi-bay. Lee gɨ kalaŋ ga ɨndəŋ yagɨdege Kumu kol cay hɨnga ga ɨsɨni ga ka-mɔndɛ kɨɗɨn̰ gɨ na gɨna gɨ da kaŋdi Kumu, kɨya wa hɨnga ga ɨsɨni ga ka-mɔndɛ kɨɗɨn̰ ga nee le, lee hundɔrɔ ɗɨn̰ kamdɨge gɨɗaŋ nɔm.

Wasɨn̰a 6:8

Ɨni na, ɨŋ sol hɨnda gɨ gɨlɨn̰ hɨn̰ hɛɗɨmɛ ga bɨra wo̰. Ungo gɨ ba-sɔmɛ cay nee le gusondi na tɨma bɨ dɔɔ-ƴaa da tɨma kobɨ kardi pḛḛ pḛḛ bɨ. Hɨn̰ gɨ kan na gusɨnage cay gɨsəŋ kɨɗɨn̰ poɗɨn̰ na, kɨbɨge ga pɨna na biige dɔnɔ cay nee ɗe na dɨɗɨn̰ kalaŋ dan̰ gɨyəŋ gɨ da pəlɨm bɨ, badɨra bɨ tɨma di man̰i bɨ, kɨmɛnɛ ga man̰daŋ bɨ.

Wasɨn̰a 7:1

Kardi hɨnga nɔm ga nee le na, ɨŋ sol ka-ƴɔbɛ ga daa won̰ poɗɨn̰ ɨrege daa a tɨbɨn̰ cay gɨsəŋ ga poɗɨn̰ gaŋ. Kan ƴomge kal ga poɗɨn̰ ga a cay gɨsəŋ gaŋ kɨɗɨn̰ pɨnaa ɗe na duroŋ cay gɨsəŋ gaŋ naŋ bɨ, cay kuray gɨ gumu taa taa gɨŋ naŋ bɨ, a cay sɨya pɨna wo̰ naŋ bɨ.

Wasɨn̰a 9:15

Ka-ƴɔbɛ ga daa nii ga poɗɨn̰ ga nee le tumɔ kan saɗɨdɨgege dugo na kɨya amɨn̰ tɨwadi bɨ, wɔlɛdi bɨ, kɨdɨrɛdi bɨ, ɨlgedi bɨ, gɨ nee le ƴɔbɨ. Kan pɨndɨrdɨge ɗege daa kɨya dɨɗɨn̰ kalaŋ. Hɨn̰ gɨ kan na gusɨnage kalaŋ kɨɗɨn̰ sɨbɨ na, kan dɨɗɨge kɨbɨge ga pɨna.

Wasɨn̰a 9:18

Hɨn̰ gɨ kan na gusɨnage kalaŋ kɨɗɨn̰ sɨbɨ na, kɨbɨge ga pɨna ma kol hɨnga ga ɨsɨn ka-mɔndɛ kɨɗɨn̰ ga sɨbɨ ga nee le. Mage na tɨman̰ tɨwa bɨ, gusa bɨ, kɨrbaŋdi hɨnga ga ƴee tɨwa bɨ.

Wasɨn̰a 9:4

Kuun̰əŋ le bɨgege gɨyəŋ gɨ kan na gɨ loon̰ hɛɗɨmɛ ga a cay gɨsəŋ gaŋ bɨ, kabɨn̰ hɛɗɨmɛ ga bɨra bɨ, hɨya bɨ, hɨnga ga ɨsɨni naŋ. Ama kan na laan̰ ɨsɨna naa kalaŋ ga dɨgage tambo da Kumu jɨndɨge naŋ ƴɔbɨ.