Wasɨn̰a 8:5 - Gabri Maja

⁵ Kardi nee ɨni na, ba-ƴɔbɛ gɨ daa nii don kurji tɨwa di woy a cay kɨɗɨn̰ ga kan gaɗɨge kɨya bogɨn̰ kɨbar nee gaŋ le, walɨn̰ pɨray gɨ ni ulɨn̰ kɨrbaŋdi hɨnga ga ɗo̰ tɨna le tɨlɛj daa ɨni na, ban nogu bee a cay gɨsəŋ gaŋ. Kɨɗɨn̰di ga nee gaŋ le bɨ, kumu al bɨ, noy kalaŋ ye bɨ, kumu wɨlɨn̰ bɨ, cay gɨsəŋ yɨbagde yɨbag yɨbag bɨ.

Wasɨn̰a 8:5 ပူးပေါင်းရင်းမြစ်များ

Matɨyo 24:7

Te mon̰ gɨ pɨna kɨya san̰ dan̰ te mon̰ gɨ ɗaŋ bɨ, dɔɔ-ƴaa di pɨna kɨya san̰ dan̰ dɔɔ-ƴaa di ɗaŋ bɨ. Badɨra di gumu kɨya bɔɔ dan̰ kɨɗɨn̰ kɨɗɨn̰ bɨ, cay gɨsəŋ kɨya yɨbagde gusɨge yɨbag yɨbag dan̰ kɨɗɨn̰ kɨɗɨn̰ bɨ.

Kɔl-gɨ-Ɗari gɨ Lug wal 12:49

«Ɨŋ caga dɨbɨ na tɨwa a cay gɨsəŋ gaŋ. Ɨŋ gey gɨ tɨwa di nee le, na ƴa haw kɛ!

Gɨye-lɔɔ 16:26

Kɔl gɨ kɨbɨna kɛ bɨ, cay gɨsəŋ yɨbagde gusɨge dan̰ togɨyge yɨbag yɨbag lee gɨ te ƴaa dangay yɨbagdaŋ bɨ, kɨbɨ ƴaa dangay haŋdaŋ nɔm bɨ, hɨnga nɔm ga kan saɗɨdɨn̰ge tɨbay ka-dangay le pɨndɨrdoŋ nɔm coŋ bɨ.

Gɨye-lɔɔ 4:31

Kɨɗɨn̰ ga kan ol Kumu kaga ɨni na, kɨɗɨn̰ ga kan ba olɨn̰ Kumu nee le yɨbagdaŋ den̰ den̰. Turnɔ ɗe-kuduroy-bɛrɛ ƴee kuduroyge nɔm bɨ, kan teen̰ bɛrnɛ kɔl gɨ da Kumu dan̰ cɨn̰-bandɨ.

Wasɨn̰a 11:13

Tɨwadi di nee dɨŋ bɨ, cay gɨsəŋ ay te yɨbagde dan̰ togɨyge yɨbag yɨbag. Hɨn̰ gɨ kan na gusɨnage cay ƴaa-di-gumu kɨɗɨn̰ mɔjɨ na, kɨbɨge ga pɨna laydaŋ dugo lee gɨ kalaŋ dubu-jurgum mage duroy nee. Kalaŋ ga andaŋge kɨbɨ nee le, hundɔrɔ boyge dɨɗɨge, lee gɨ dɨbɨge gusoŋ-tɔgɛ a cay Kumu ba-sɔmɛ gɨɗɨgɨ-Kumu gɨŋ.

Wasɨn̰a 11:19

Kardi nee na, kɨbɨ-ƴaa gɨ da ƴaa-di-da-Kumu gɨ a gɨɗɨgɨ-Kumu gɨŋ hangaŋ, lee gɨ sandugu di ni saɗe kɨbɨ pɨna ɓɨse gusu woy doŋ. Kɨɗɨn̰di ga nee gaŋ le, Kumu wɨlɨn̰de bɨ, adɨlde bɨ, noy ungo ye bɨ, cay gɨsəŋ sayde den̰ den̰ bɨ, gɨna gɨ da kaŋdi Kumu kondɨ laydaŋ bɨ.

Wasɨn̰a 4:5

Ɨŋ sol wɨlɨn̰e andaŋ a kali-tɨrɨmbala dɨŋ le bɨ, ɨŋ je noy kalaŋ ye boy nee bɨ, ale gɨ da Kumu nee bɨ. A tumoy kali-tɨrɨmbala le ɨŋ sol dɨngɛ jurgum ga ƴeede tɨwa man̰, kan na Turnɔ di da Kumu ga jurgum.

Wasɨn̰a 6:12

Kardi nee, ɨŋ sol Kurɨn̰-dɨmangɨ le haŋgɨ tambo di ni jiido na, ɨŋ sol cay gɨsəŋ ay te yɨbagde dan̰ togɨyge jɨg jɨg. Kɨɗɨn̰di ga nee gaŋ le bɨ, tɨwa dobɨ ɨndi tɨlɨm hɨn̰ pir wo̰ bɨ, kɨdɨrɛ bɨle gɨlɨn̰ hɨn̰ kɨbar wo̰ bɨ.

Wasɨn̰a 8:3

Kɨɗɨn̰di ga nee gaŋ le na, ba-ƴɔbɛ gɨ daa nii gɨ ɗaŋ ɨrga ɨre mɨnde dan̰ kɨɗɨn̰ ga kan gaɗɨge kɨya bogɨn̰ kɨbar nee, ga leege dan̰ lɔr ga woy a tumoy kali-tɨrɨmbala di da Kumu dɨŋ. Ban ƴom pɨray gɨ leege dan̰ lɔr a kobi. Kan ɨrgan̰ge dan̰ kɨrbaŋdi hɨnga ga ɗo̰ tɨna dan̰ kondiige bii ɗe ban na bɨn̰ Kumu, a kɨɗɨn̰ ga gaɗɨge ga ni bogɨn̰ kɨbar nee gaŋ pɨna dan̰ ɔlɛ gɨ da kalaŋ nɔm ga woyge dan̰ cɨndɨge le.