Wasɨn̰a 7:9 - Gabri Maja

⁹ Kardi hɨnga nɔm ga nee le, ɨŋ sol dɨmdɨrdi kalaŋ dan̰ kondige ga ungo ɓala ɗɔngɨsɛ naŋ. Kan na kalaŋ ga a te kalaŋ ga ani ani bɨ, te wɨn̰je gɨ ani ani bɨ, te labar gɨ ani ani bɨ, te kɨbɨ wɔɔ gɨ ani ani bɨ. Kan ɨrege dan̰ tɨbayge daa tumoy kali-tɨrɨmbala bɨ, tumoy Kurɨn̰-dɨmangɨ bɨ. Kan tobɨge badɨge ga sɨngɨɗɨdəŋ ga bɛrɛ gusɨge bɨ ƴomge kabɨn̰ mɨlɨn̰ kobɨge bɨ.

Wasɨn̰a 7:9 ပူးပေါင်းရင်းမြစ်များ

Kɔl-gɨ-Ɗari gɨ Lug wal 12:1

Wɔlɛdi gɨ nee le, dɨmdɨrdi kalaŋ ɨrgage gusi Jesu jɨn̰ nee nee, ɓalge kalaŋ aru mɔjɨ dan̰ kardɨge nee. Dayge gusii jɨŋ jɨŋ gɨ baa mɨnde gɨ kan kɨya ɗɔdɨrdɛ gusɨge dugo. Jesu ay te yon̰ ka-aye-cay-tɨbayi tumɔ pa dɨm ye hɨn̰: «Ɗagɨŋ muɗɔlɛ cay gusɨgɨŋ kɨya cay subugu di da Parɨsɨn̰an̰əŋ. Subugu di da Parɨsɨn̰an̰əŋ le, na kɔl gɨ kan ye-kɨbɨge-sɔɔ-sɔɔ.

Kɔl-gɨ-Ɗari gɨ Lug wal 21:36

Sɨmagɨŋ cay tɨbay gɨŋ dɨŋ bɨ, ulan̰gɨŋ Kumu daa daa ɗe ban bɨgɨŋ tɔgɨ agɨŋ mɨn̰ɨn̰ cay hɨnga nɔm ga ba kɨya andaŋ caygɨŋ bɨ, agɨŋ ɨrɨn̰ daa tumonɨ ɨŋ-bandi Kurɨn̰-ungo bɨ.»

Kɔl-gɨ-Ɗari gɨ Ja̰ wal 12:13

Ɨni na, kan sagɨdege kabɨn̰ mɨlɨn̰ bɨ, orɨn̰ge yalɨn̰ cɨndi bɨ, kan dege sɨle yen̰ge hɨn̰: «Gusoŋ-tɔgɛ na gɨ da Kumu! Kuɗa gɨ tɔrɛ-kɨbɨ wɨya kɨya cay ungo gɨ ɨrga dan̰ guson̰ Ba-gulɔŋ! Gɨ na Kɨlma gɨ da Ɨsɨrayɛln̰əŋ le!»

Magtubu di Pol wal bɨn̰ kalaŋ ga Rɔm 11:25

Ay karmɨnɨ ga ban̰aŋ dan̰ ga kandɨ, ɨŋ gey yogɨŋ hɨnga ga woy kɨɗɨn̰ wɔsɛdɨge gaŋ. Ɨŋ gey gɨ kɨŋ na sɨla toyge kuɗa. Naŋ na, kɨŋ da lɔɔ gusɨgɨŋ leen̰ ga muɗoli. Ga pɨna duroy te wɨn̰je gɨ da Ɨsɨrayɛl gɨŋ bɨləŋge ka-kuduroy osɨwa bɨ, kan kɨya bɔgɛ kuduroyge a cay Jesu-Kɨris naŋ bɨ. Kuduroy-osɨwa toge di nee le, kɨya wɔyɛ bɨrɨŋ gɨsɨn̰ na kɨɗɨn̰ ga te kalaŋ ga toyge na Jubɨ naŋ nɔm ga Kumu torge le na pɨɗan̰ge ƴɔbɨ.

Epɛs 6:13

Kɨya cay kɔl gɨ nee le na, tɨbagɨŋ hɨnga ga ni wɔrɨn̰ɛ ga da Kumu gusɨgɨŋ, ɗe gɨ wɔlɛ gɨ ɨsɨni gɨŋ na, agɨŋ ɨrɨn̰ osu bɨ, ɨrɨn̰ cɨndɨne daa bɨ, a duroy kɨmbɨl gɨ nee nɔm bɨ.

Əbɨro 11:12

Na toy di hɨn̰ wo̰ ma, ungo gɨ pɨna hayi gɨ tɨbayi woy kɨbɨ umboŋ tɨma dɨŋ mɨnde le, wɔɔ te wɨn̰je ga toyge kondɨ bajag bajag hɨn̰ dɛsɨɗɛŋ ga a gɨɗɨgɨ-Kumu gaŋ wo̰ bɨ, hɨn̰ kɨlay gɨ kɨbɨ kuray gɨ gumu taa taa gɨŋ gɨ ungo ɓala ɗɔngɨsɛ naŋ wo̰ bɨ.

Əbɨro 12:22

Ama kɨŋ-gandi na, kɨŋ sɨygɨ na gasɨbi garma gɨ Sin̰o gɨŋ bɨ, na gasɨbi cay ƴaa-di-gumu da Kumu gɨ som-bɨra dan̰ tumoyi bɨ, dan̰ Jerusalɛm di gɨɗɨgɨ-Kumu gɨŋ bɨ, dan̰ ka-ƴɔbɛ ga daa dubu-dubu ga dayaŋge nee kɨya leen̰ kɨdɨrɛ bɨ.

Wasɨn̰a 11:15

Kardi nee ba-ƴɔbɛ gɨ daa nii gɨ cay jurgumdɨge lɨm burun̰ji. Ɨni na, noy kalaŋ ye daa pəŋ a gɨɗɨgɨ-Kumu gɨŋ ye hɨn̰: «Haw kɛ na, na Ba-gulondɨna dan̰ Kɨris ban gɨ Kumu dorii ba dɔɔge-ƴaa a cay gɨsəŋ gaŋ. Kan kɨya dɔɔge-ƴaa ɨlge dan̰ ɨlge.»

Wasɨn̰a 22:3

Ɓɨse kɨya unɔ bɨrɨŋ. Ɨni na, kali-tɨrɨmbala di da Kumu bɨ di da Kurɨn̰-dɨmangɨ bɨ, kɨya wɔyɛ a duroy cay ƴaa-di-gumu dɨŋ le. Kɨɗɨn̰di ga nee gaŋ le, marɨne ka-lɔɔ gɨye kayi kɨya n̰ɨriige.

Wasɨn̰a 3:18

Na toy di hɨn̰ wo̰ ma, ɨŋ gɨlgɨŋ kɔl gɨ kɨŋ ɨre kɨl lɔr di woy kɔbɔŋ di uyge tɨwa dɨŋ agɨŋ bɨlɨn̰ ka-wɔɔ hɨnga. Kɨlgɨŋ badɨge ga bɛrɛ tɨrɨjɨ kɔbɔŋ tɨlan̰gɨŋ gusɨgɨŋ gɨ woy kalɨn̰ ɗe dasi dɨgɨŋ naŋ bɨ. Kɨlgɨŋ gasɨɗe ga ni dɨbe tɨdɨgɨŋ a kɔbɔŋ ɗe tɨdɨgɨŋ solɨn̰ kɨɗɨn̰ arɨn̰ yarara bɨ.

Wasɨn̰a 4:4

Ɨŋ sol kali toyge-sɔɔ cayge poɗɨn̰ nɨwɨre cay kali-tɨrɨmbala di nee le bɨ, kalaŋ ga muɗoldoŋ toyge-sɔɔ cayge poɗɨn̰ somge a cay nee, ga tobɨge badɨge ga bɛdɨrdɛŋ bɨ ga orɨn̰ge dan̰ jagɨwa-tɨrɨmbala ga leege dan̰ lɔr cayge bɨ.

Wasɨn̰a 5:11

Ɗaŋ coŋ ɨŋ sol kɨɗɨn̰ ɗɛr na, ɨŋ je noy ka-ƴɔbɛ ga daa nii dan̰ kondɨwayge nɨwɨrege cay kali-tɨrɨmbala daa cɨɗɨgɨ. Ɨŋ je noy kandi-se ga gɨɗɨgɨ-Kumu gaŋ bɨ, ɨŋ je noy ka-muɗɔlɛ bɨ. Kondɨwayge na dubu-kɨɗɨn̰-mɔjɨ dan̰ kardɨge bɨ mɨlɨn̰o̰ dan̰ kardɨge jɨn̰ daa bɨ.

Wasɨn̰a 5:9

Kɨmɛnɛ ga poɗɨn̰ dan̰ ka-muɗɔlɛ ga toyge-sɔɔ cayge poɗɨn̰ le kɨbɨge kɨra gɨ hɨrɨwa yen̰ge hɨn̰: «Ji ɓal ƴɔɔ magtubu le bɨ, Haŋge tambo di ɓagɨmɨn̰ge kubo le bɨ, Kɨya wa tumɔ walge tumon̰ Lee gɨ ji boy cay kalaŋ, Dan̰ gɨyəŋ gɨ da kɨbardɨn̰ bɨn̰ Kumu. Kan na kalaŋ ga a te wɨn̰je gɨ ani ani bɨ, Te kɨbɨ wɔɔ gɨ ani ani bɨ, Te labar gɨ ani ani bɨ, Te kalaŋ ga ani ani bɨ,

Wasɨn̰a 6:11

Kalaŋ pɨna pɨna nɔm ga kan naa dɨɗɨgege le, bɨgege badɨge ga bɛrɛ ga sɨngɨɗɨdəŋ. Ɗaŋ coŋ kan yegege gɨ kan na dɨbɨ ɗugoyge lam nee ƴee coŋ, bɨrɨŋ gɨsɨn̰ gɨ kamdɨge ka-lɔɔ gɨye bɨ karmɨge bɨ, gɨ kan kɨya dɨɗɨge hɨn̰ kan wo̰ bɨ le kondɨwayge na ɓala dɨm.

Wasɨn̰a 7:8

a te wɨn̰je gɨ da Jabulo̰ gɨŋ na dubu-mɔjɨ-cay-sɔɔ bɨ, a te wɨn̰je gɨ da Jɨsɛb dɨŋ na dubu-mɔjɨ-cay-sɔɔ bɨ, a te wɨn̰je gɨ da Bɛ̰jamɛ̰ gɨŋ na dubu-mɔjɨ-cay-sɔɔ bɨ.