Wasɨn̰a 7:3 - Gabri Maja

³ «Kɨŋ ɗɔɔ ba mɔndɛ cay gɨsəŋ bɨ, kuray gɨ gumu taa taa bɨ, hayaŋ bɨ bɨrɨŋ gɨsɨn̰ gɨ ni na cɨbɨn̰ tambo a jin̰ marɨne ka-lɔɔ gɨye gɨ da Kumu konagɨŋ dɨm.»

Wasɨn̰a 7:3 ပူးပေါင်းရင်းမြစ်များ

Matɨyo 24:22

Hɨn̰ gɨ Kumu ni na bɨya kɨbɨ wɔlɛ gɨ nee le daa naŋ na, ungo pɨna nɛŋ ni kɨya dɔgɛ kɨɗɨn̰ andaŋ naŋ. Ama Kumu ɨrɨm a cay kalaŋ ga ban torge. Na toy di hɨn̰ wo̰ ma ban boy kɨbɨ wɔlɛ gɨ nee le daa kol cayge.

Matɨyo 24:31

Kɨɗɨn̰ ga noy burun̰ji di gumu kɨya yɔ na, ban kɨya gɨye ka-ƴɔbɛ kayi ga daa nii ɗe na orge dɔnɛge kan ga ban torge le, a tɨbɨn̰ gɨsəŋ ga poɗɨn̰ gaŋ. Kan kɨya aye toy kɨway kɨbɨ gɨsəŋ ga pɨna gaŋ bɨrɨŋ andɨn̰ kɨbɨ gɨsəŋ ga ɗaŋ gaŋ.

Kɔl-gɨ-Ɗari gɨ Ja̰ wal 12:26

Hɨn̰ gɨ ungo na gey lɔɔ gɨye bəŋ na, kuɗa gɨ ban kɨba karɨnɨ. Bɨ kɨɗɨn̰ ga ɨŋ kɨya sɔmɛ nee le, ba-gɨye hɨnge kalɨn̰ ma kɨya sɔmɛ nee bɨ. Hɨn̰ gɨ ungo na laa gɨye bəŋ na, Banɨ kɨya aye cayi daa.»

Kɔl-gɨ-Ɗari gɨ Ja̰ wal 3:33

Ungo gɨ ani ani gɨ na ƴa kɔl-tɨmon̰ toyi na, ban gey cay nee gɨ kɔl gɨ Kumu ba ye le naa kɔl gɨ cɨndi.

Magtubu di Pol wal bɨn̰ kalaŋ ga Rɔm 6:22

Ama haw kɛ na, kɨŋ andaŋ a te dɔnɔ di da ɨsɨna gɨŋ coŋ bɨ kɨŋ bɨle na gɔyɔŋ ga da Kumu. Wɔɔdi hɨnga ga kɨŋ ba kɨya wɔɔ le, na gɨye-lɔɔ gɨ gɨl gɨ kɨŋ naa kalaŋ ga da Kumu ga woy dan̰ cɨndɨge gɨ gɨye-lɔɔ gɨ nee le kɨya orɨn̰ danagɨŋ a sɔmɛ-bɨra gɨ dan̰ tumoyi gɨŋ.

Wasɨn̰a 13:16

Kɨmana gɨ cay sɔɔdɨge le ɗe dɔnɔ a cay kalaŋ nɔm lee gɨ kalaŋ ga kalɨn̰ naŋ, ga gɨmdəŋ naŋ, ka-kandi-wɔɔ naŋ, ga wɔɔdɨge unɔ naŋ, ka-sɔmɛ cayge kalɨn̰ naŋ, gɔyɔŋ naŋ, gɨ kan na ɗage tɨnda a kobɨge gɨ bara gɨŋ naŋ le, jɨndɨge.

Wasɨn̰a 13:17

Ɨni na, hɨn̰ gɨ ungo na ɨran̰ dan̰ tɨnda hɨnga naŋ le guson̰ kɨmana, naŋ le numbɨro gɨ or pɨna dan̰ guson̰ kɨmana le a gusi naŋ na, kɨya ɓale kɨle hɨnga naŋ bɨ, lɔɔ gɨyaw naŋ bɨ.

Wasɨn̰a 14:1

Kardi nee ɨŋ sol kurɨn̰-dɨmangɨ ɨre a cay garma gɨ teeyige Sin̰o. Kalaŋ kayi dubu kɨɗɨn̰ aru-dan̰-toyge-poɗɨn̰-cayge-poɗɨn̰ danayi. Kan walge guson̰ kurɨn̰-dɨmangɨ bɨ, guson̰ bayi bɨ, a jɨndɨge.

Wasɨn̰a 14:9

Ba-ƴɔbɛ gɨ daa nii gɨ ni sɨbɨdɨge kɨbɨga kardɨge yen̰ dan̰ te tumoyi di daa pəŋ hɨn̰: «Hɨn̰ gɨ ungo na n̰ɨr kɨmana le bɨ, turnoyi bɨ, lee gɨ tɨnda hɨnga na wɨya jɨndi naŋ le, a kobi bɨ na,

Wasɨn̰a 19:2

Kɨya wa bɔyɛ kɔl koyi na cɨndi bɨ, Na dan̰ gɨyəŋdi bɨ. Ban boy kɔl a cay tama ajɨba, Di gumu di mondɨ cay gɨsəŋ, Dan̰ gɨyəŋ gɨ da ajɨba tɔɔ di hɨndi lee le bɨ. Ban gojɨ baa kol bɔgɛ gɨ hɨndi bee, Kɨbardi ka-lɔɔ gɨye kayi dugo le bɨ.»

Wasɨn̰a 20:4

Kardi nee, ɨŋ sol kali-tɨrɨmbalan̰əŋ. Kalaŋ ga somge cay nee le, kan bɨgege gɨyəŋ gɨ kan na bɨyan̰ kɔl. Ɨni na, ɨŋ sol turnoy kalaŋ ga sɨdɨrdege cayge coŋ dan̰ tuguyu kol tɨmon̰ di kan lee kɨya cay Jesu bɨ, kol bɛrnɛ di da kɔl gɨ da Kumu bɨ. Kalaŋ ga nee le na kalaŋ ga n̰ɨrge kɨmana le naŋ bɨ, turnoyi naŋ bɨ, tɨnda hɨnga wɨya a jɨndɨge naŋ bɨ, kobɨge naŋ bɨ. Kan jɨgage som-bɨra bɨ, diige cay ƴaa pɨna dan̰ Kɨris ɓal ɨlge dubu-pɨna.

Wasɨn̰a 22:4

Kan kɨya sɔlɛ cɨndi bɨ kɨya ɗɔge gusondi a jɨndɨge bɨ.

Wasɨn̰a 6:6

Ɨni na, ɨŋ je noy hɨnga ye hɨn̰ noy ungo wo̰ a duroy kandi-se ga poɗɨn̰ le, yen̰ ba nɔɔ cay hɨnda gɨ ɨndi le ye hɨn̰: «Gursu di ɓal cay kobɨ ba-lɔɔ gɨye gɨ ni wɔlɛ pɨna ɓal kɨle kɨlodi gɛmɛ pɨna ƴɔbɨ bɨ, gursu di ɓal cay kobɨ ba-lɔɔ gɨye gɨ ni wɔlɛ pɨna ɓal kɨle kɨlodi gasa ga ni ɔrjɨ sɨbɨ ƴɔbɨ bɨ. Ama ojɨ cay sɔŋ bɨ cɛrɛ di suru bɨ na, ɨsɨbegɨŋ naŋ.»

Wasɨn̰a 7:1

Kardi hɨnga nɔm ga nee le na, ɨŋ sol ka-ƴɔbɛ ga daa won̰ poɗɨn̰ ɨrege daa a tɨbɨn̰ cay gɨsəŋ ga poɗɨn̰ gaŋ. Kan ƴomge kal ga poɗɨn̰ ga a cay gɨsəŋ gaŋ kɨɗɨn̰ pɨnaa ɗe na duroŋ cay gɨsəŋ gaŋ naŋ bɨ, cay kuray gɨ gumu taa taa gɨŋ naŋ bɨ, a cay sɨya pɨna wo̰ naŋ bɨ.

Wasɨn̰a 7:2

Ɨni na, ɨŋ sol ba-ƴɔbɛ gɨ daa nii gɨ ɗaŋ gɨ pɨna wo̰ gɨ sayga jɨn̰ te kumu gɨŋ. Ban ƴom tambo da Kumu gɨ som-bɨra a kobi. Ban wɨlal yen̰ ka-ƴɔbɛ ga daa nii ga poɗɨn̰ ga bɨgege dɔnɔ ɗe na mondɨn̰ge cay gɨsəŋ bɨ, kuray gɨ gumu taa taa bɨ ye hɨn̰:

Wasɨn̰a 9:4

Kuun̰əŋ le bɨgege gɨyəŋ gɨ kan na gɨ loon̰ hɛɗɨmɛ ga a cay gɨsəŋ gaŋ bɨ, kabɨn̰ hɛɗɨmɛ ga bɨra bɨ, hɨya bɨ, hɨnga ga ɨsɨni naŋ. Ama kan na laan̰ ɨsɨna naa kalaŋ ga dɨgage tambo da Kumu jɨndɨge naŋ ƴɔbɨ.