Wasɨn̰a 7:10 - Gabri Maja

¹⁰ Kan nɔm wɨlalge dan̰ tumoyge di daa yen̰ge hɨn̰: «Pɔɗɛ sayga na gusi Kumu konagɨŋ, Gɨ som a cay kali-tɨrɨmbala dɨŋ bɨ, Gusi Kurɨn̰-dɨmangɨ bɨ.»

Wasɨn̰a 7:10 ပူးပေါင်းရင်းမြစ်များ

Kɔl-gɨ-Ɗari gɨ Lug wal 3:6

Bɨ kɨŋ kɨya sɔlɛ Ban gɨ Kumu ba kɨya gɨygi kɨya pɔɗɛ kalaŋ.”»

Kɔl-gɨ-Ɗari gɨ Ja̰ wal 1:29

Wan̰dodo dɨŋ ɨni na, Ja̰ sol Jesu ɨrga jɨn̰ gusi, bɨ ban ye hɨn̰: «Sɨlagɨŋ kurɨn̰-dɨmangɨ gɨ da Kumu gɨ ba-dɔrɛ ɨsɨna gɨ da kalaŋ ga cay gɨsəŋ gaŋ.

Kɔl-gɨ-Ɗari gɨ Ja̰ wal 1:36

Kɨɗɨn̰ ga Ja̰ sol Jesu pɨde ɨni na, ban ye hɨn̰: «Sɨlagɨŋ kurɨn̰-dɨmangɨ gɨ da Kumu!»

Kɔl-gɨ-Ɗari gɨ Ja̰ wal 4:22

Kɨŋ kalaŋ ga Samari le, kɨŋ n̰ɨre Kumu dɨle solii gɨ ban naa waŋ ga? Ama ni-gandi ga na Jubɨ na, ni n̰ɨrii bɨ, ni solii gɨ ban naa waŋ bɨ. Kɨya wa pɔɗɛ sayga na gusi Jubɨn̰əŋ.

Epɛs 2:8

Ho’o, Kumu poɗɨgɨŋ na kɨya kuduroy-ɗarwa toyi, dan̰ gɨyəŋ gɨ da kuduroygɨŋ ga kɨŋ bee a cay Jesu-Kɨris. Na kɨŋ ba-pɔɗɛ gusɨgɨŋ naŋ. Pɔɗɛ na hɨnga ga ni bee kalɨn̰ ga Kumu bɨgɨŋ.

Wasɨn̰a 12:10

Kardi nee na, ɨŋ je noy ungo ye dan̰ togii a gɨɗɨgɨ-Kumu gɨŋ hɨn̰: «Tɨwa di ni pɔɗɛ bugoŋ ɨni bɨ, Tɨwa di Kumu kɨya gɨlɨn̰ dɔnɔ bugoŋ ɨni bɨ, Tɨwa da dɔɔ-ƴaa toyi bugoŋ ɨni bɨ. Na tɨwa di dɔnɔ woy na kobɨ Kɨris. Na hɨn̰ wo̰ ma, ungo gɨ ba dɨbe kɔl A cay karmiinagɨŋ, Ga ban̰aŋ dan̰ ga kandɨ le Nongɨliige a gɨɗɨgɨ-Kumu gɨŋ, Dɨbiige dugo coŋ. Ban gɨ ba dɨbe kɔl a cayge, Duroy son̰do dan̰ tɨwa di ɨni, Tumoy Kumu konagɨŋ le.

Wasɨn̰a 19:1

Kardi nee, ɨŋ je noy ungo ye hɨn̰ noy dɨmdɨrdi kalaŋ ga dan̰ kondige wo̰ a gɨɗɨgɨ-Kumu gɨŋ ye hɨn̰: «Aleluya! Pɔɗɛ bɨ, gusoŋ-tɔgɛ bɨ, dɔnɔ bɨ na ga da Kumu konagɨŋ.

Wasɨn̰a 21:5

Ɨni na, Kumu ba-sɔmɛ a cay kali-tɨrɨmbala dɨŋ le ye hɨn̰: «Sɨla, ɨŋ bɨle hɨnga nɔm leen̰ ga hɨrɨwa.» Bɨ ban yəŋ ɗaŋ hɨn̰: «Wala dugo, kɨya wa kɔl hɨnge nɔm na hɨnde bɨ, ban kɨya lɔɔ gusi leen̰ cɨndi bɨ.»

Wasɨn̰a 22:3

Ɓɨse kɨya unɔ bɨrɨŋ. Ɨni na, kali-tɨrɨmbala di da Kumu bɨ di da Kurɨn̰-dɨmangɨ bɨ, kɨya wɔyɛ a duroy cay ƴaa-di-gumu dɨŋ le. Kɨɗɨn̰di ga nee gaŋ le, marɨne ka-lɔɔ gɨye kayi kɨya n̰ɨriige.

Wasɨn̰a 4:6

Ɗaŋ coŋ a tumoy kali-tɨrɨmbala le, ɨŋ sol kɨɗɨn̰ ga woli ga gɨlɨn̰ hɨn̰ kuray gɨ gumu taa taa gɨ kaŋdi ɨre arɨn̰ yarara bɨrɨŋ gɨ toyge dugo kalɨn̰ ma ungo ɓal sɔlɛ. Ɨŋ sol kandi-se ga gɨɗɨgɨ-Kumu gaŋ won̰ poɗɨn̰ ga gusɨge wandɨn̰ dan̰ ti, jɨn̰ tumɔ bɨ karu bɨ a duroy kali-tɨrɨmbala dɨŋ bɨ, a kardi nee nɨwɨre caa daa bɨ.

Wasɨn̰a 5:7

Kurɨn̰-dɨmangɨ le ɨrga gusi ban gɨ som a cay kali-tɨrɨmbala dɨŋ le ƴen̰ magtubu di a kobi gɨ bara gɨŋ.