Wasɨn̰a 6:9 - Gabri Maja

⁹ Kɨɗɨn̰ ga Kurɨn̰-dɨmangɨ le haŋgɨ tambo di ni baydo na, a te kɨɗɨn̰ ga kan gaɗɨge kɨya bogɨn̰ kɨbar nee le ɨŋ sol turnoy kalaŋ ga kan wadɨlde tumoyge kol cay Kɔl gɨ da Kumu bɨ kol cay tɨmon̰ di kan lee a cay Kumu bɨ.

Wasɨn̰a 6:9 ပူးပေါင်းရင်းမြစ်များ

Kɔl-gɨ-Ɗari gɨ Ja̰ wal 16:2

Kan kɨya taygɨŋge a duroy ƴaa-daye-di-da-Jubɨn̰əŋ gaŋ coŋ. Na cɨndi, wɔlɛ kɨya caga gɨ waŋ waŋ gɨ na dɨɗɨgɨŋ na, kɨya ɨrɨme gɨ ɗi naa lee na gɨye bɨn̰ Kumu.

2 Korɛ̰t 5:8

Ho’o, na sɨlan̰ hɨnga pɨna naŋ, hɨnga ga mona tɔgɨ na, na gɨ na na ɗa kuyoŋdi-gusɨna gɨ ba kɛ coŋ ɨran̰ sɨman̰ gusi Ba-gulɔŋ.

Pilib 1:23

Hɨnga sɔɔ dɨbəŋ duroy nee. Ɨŋ gey ɗɔɔ cay gɨsəŋ bɨ sɔmɛ pɨna dan̰ Kɨris, kɨya wa na hɨnga ga nee le ƴɔbɨ ba kuɗa ɗɨn̰ sɔmɛ-bɨra.

Pilib 2:17

Ko hɨn̰ gɨ na uja gɨ kɨbarnɨ na gɨ bugoŋ dugo hɨn̰ cɛrɛ di suru gɨ kan beege a cay hɨnga ga ni bogɨn̰ kɨbar hɨn̰ gɨ kɨŋ ba leede wo̰ bɨn̰ Kumu kɨya cay aye kudurɔ kogɨŋ kalɨn̰ ma, mɔŋ bɨ, ɨŋ kɨya lɔɔ gusi-mɔwa danagɨŋ nɔm bɨ.

2 Timote 1:8

Ji ɗɔɔ ba dɔɔ dasi cay lɔɔ tɨmon̰ ojɨn̰ cay Ba-gulondɨna naŋ. Ɨŋ-bandi gɨ ɨŋ woy dangay kol cayi le, ji ɗɔɔ dasi don̰ kol canɨ naŋ bɨ. Ama laa tabɨ danaŋ kɨya cay tɔgɛ bɛrnɛ Kɔl-gɨ-Ɗari dan̰ gɨyəŋ gɨ da dɔnɔ di Kumu bee.

2 Timote 4:6

Wɔlɛ hɨnge gɨ ni ɗon̰ cay gɨsəŋ ga kɛ coŋ le, woy mɨnde. Sɔmɛ-bɨra hɨnge woy na hɨn̰ cɛrɛ di suru gɨ kan beege cay hɨnga ga ni bogɨn̰ kɨbar gaŋ wo̰.

Əbɨro 12:23

Kɨŋ sɨygɨ na gusi Ka-Daye ga da karɨn̰aŋ ga woogege cay wase ga da Kumu bɨ, ga walge gusondɨge gɨɗɨgɨ-Kumu gɨŋ bɨ, kɨŋ sɨygɨ na gusi Kumu gɨ ba-bɔyɛ kɔl cay kalaŋ nɔm bɨ, gusi turnɔ da kalaŋ ga dan̰ durɔ ɗɨngar ga madɨrdaŋge ga woyge a gɨɗɨgɨ-Kumu gɨŋ gɨ Kumu bɨlge kuɗudaŋge duroŋ cɨrɛɗ bɨ.

Wasɨn̰a 1:2

Ja̰ lee tɨmon̰ di da hɨnga nɔm ga ban sol dan̰ cɨndi le naa Kɔl gɨ da Kumu bɨ, na tɨmon̰ di Jesu-Kɨris lee bɨ.

Wasɨn̰a 1:9

Ɨŋ-bandi Ja̰ kurɨndɨgɨŋ, ɨŋ bugoŋ danagɨŋ pɨna boy hɨnga ga ni gɨwase gaŋ bɨ, boy dɔɔ-ƴaa di da Kumu dɨŋ bɨ, boy haye-kudurɔ kardi Jesu hɨn̰ kɨŋ-gandi wo̰ bɨ. Ƴɔmɔŋge na kɨya bɛrnɛ di kɔl gɨ da Kumu gɨ ɨŋ tee bɨn̰ kalaŋ bɨ, kɨya cay tɨmon̰ di ɨŋ lee kɨya cay Jesu bɨ. Haw kɛ na dɨbəŋge dangay cay hɔgɨwa gɨ teeyige Patmos gɨ woy a duroy kaŋ gaŋ.

Wasɨn̰a 14:18

Ɨni na, ba-ƴɔbɛ gɨ daa nii gɨ ɗaŋ sayga a kɨɗɨn̰ ga kan gaɗɨge kɨya bogɨn̰ kɨbar nee gaŋ. Ban orɨn̰ dan̰ dɔnɔ a cay tɨwa. Ban wɨlal dan̰ tumoyi di daa pəŋ yen̰ mɨgayi gɨ ƴom marɨm gɨ ƴee kobi le ye hɨn̰: «Aya marɨm kon̰ gɨ ƴee walan̰ wɔɔdi suru di a cay gɨsəŋ gaŋ kɨya gɨ wɔɔdi suru le naa ɨni.»

Wasɨn̰a 16:7

Ɨŋ je noy ungo sayga a cay kɨɗɨn̰ ga kan gaɗɨge kɨya bogɨn̰ kɨbar nee gaŋ ye hɨn̰: «Ho’o, Ba-gulɔŋ Kumu gɨ dɔnɔdɨn̰ ɗɨn̰ dɔnɔ nɔm, bɔyɛ kɔl kon̰ na bɔyɛ kɔl gɨ dan̰ cɨndi bɨ gɨ dan̰ durɔ ɗɨngar bɨ.»

Wasɨn̰a 19:10

Kɔl gɨ kɨbɨna kɛ bɨ, ɨŋ poy gɨbanɨ dugo a tɨbayi kɨya n̰ɨrii, ama ban yəŋ hɨn̰: «Ɨŋ’ɨ̰, pɔyɛ gɨban̰ dugo tumonɨ naŋ. N̰ɨr na Kumu. Ɨŋ na marɨna ba lɔɔ gɨye hɨn̰ ji-bandi wo̰ bɨ, hɨn̰ karmɨn̰ ga ka-bɔgɛge kɔl a cay tɨmon̰ di Jesu lee wo̰ bɨ. Kɨya gɨ tɨmon̰ di Jesu lee le, na kɔl gɨ Turnɔ ɗe-kuduroy-bɛrɛ ɗe a kɨbɨ ka-yɔɔ-kɔl-gɨ-Kumu-ba-yɔɔ.»

Wasɨn̰a 2:13

Ɨŋ sol kɨɗɨn̰ ga kɨŋ ba somɨn̰ nee le, na kɨɗɨn̰ ga kali-tɨrɨmbala da Sidan woy a nee. Naa hɨn̰ wo̰ kalɨn̰ ma, bɨrɨŋ gɨsɨn̰ haw kɛ kɨŋ ƴom gusoŋnɨ osu nɨngan̰ aye kudurɔ kogɨŋ ɗa coŋ naŋ. Wɔlɛ gɨ dɨɗɨn̰ge Andipas a tagɨŋ kɨɗɨn̰ ga Sidan won̰ a nee kalɨn̰ ma, kɨŋ man̰a kɨbɨgɨŋ naŋ. Andipas le, na tɨmon̰ hɨnge gɨ ba ɨre a cay tɨbayi dɨŋ.

Wasɨn̰a 20:4

Kardi nee, ɨŋ sol kali-tɨrɨmbalan̰əŋ. Kalaŋ ga somge cay nee le, kan bɨgege gɨyəŋ gɨ kan na bɨyan̰ kɔl. Ɨni na, ɨŋ sol turnoy kalaŋ ga sɨdɨrdege cayge coŋ dan̰ tuguyu kol tɨmon̰ di kan lee kɨya cay Jesu bɨ, kol bɛrnɛ di da kɔl gɨ da Kumu bɨ. Kalaŋ ga nee le na kalaŋ ga n̰ɨrge kɨmana le naŋ bɨ, turnoyi naŋ bɨ, tɨnda hɨnga wɨya a jɨndɨge naŋ bɨ, kobɨge naŋ bɨ. Kan jɨgage som-bɨra bɨ, diige cay ƴaa pɨna dan̰ Kɨris ɓal ɨlge dubu-pɨna.

Wasɨn̰a 8:3

Kɨɗɨn̰di ga nee gaŋ le na, ba-ƴɔbɛ gɨ daa nii gɨ ɗaŋ ɨrga ɨre mɨnde dan̰ kɨɗɨn̰ ga kan gaɗɨge kɨya bogɨn̰ kɨbar nee, ga leege dan̰ lɔr ga woy a tumoy kali-tɨrɨmbala di da Kumu dɨŋ. Ban ƴom pɨray gɨ leege dan̰ lɔr a kobi. Kan ɨrgan̰ge dan̰ kɨrbaŋdi hɨnga ga ɗo̰ tɨna dan̰ kondiige bii ɗe ban na bɨn̰ Kumu, a kɨɗɨn̰ ga gaɗɨge ga ni bogɨn̰ kɨbar nee gaŋ pɨna dan̰ ɔlɛ gɨ da kalaŋ nɔm ga woyge dan̰ cɨndɨge le.

Wasɨn̰a 9:13

Ba-ƴɔbɛ gɨ daa nii gɨ cay jiidɨge lɨm burun̰ji. Ɨni na, ɨŋ sol kɨɗɨn̰ ga kan gaɗɨge kɨya bogɨn̰ kɨbar nee ga leege dan̰ lɔr ga woy a tumoy Kumu bɨ ɨŋ je noy ungo yaga a tɨben̰ ga poɗɨn̰ gaŋ.